Finance Minister, Pu Lalsawta chu tun aia Mizoram sum dinhmun siam\hat ngaihna hre tawh lovah puhin ram leh hnam \hatna atan Minister a nihna a\anga bang mai tura an phut thu Prism Party-in an sawi a. A bang lo a nih pawhin Chief Minister, Pu Lal Thanhawla chu Finance Minister a nihna a\anga Pu Lalsawta chu bantir tur leh tun aia \ha zawka enkawl thei tur midang hnenah a nihna pe tura an duh thu an sawi. Thuchhuah an siamah Prism chuan, kum 2018-19 Mizoram Budget-ah hian hlawh leh inrelbawlna atan Rs. vbch 7,179.61 dah a nih thu leh hei hi Budget pumpui a\anga zaa 77.97 zet ni tih sawiin, pawisa chuang liam (revenue surplus) pawh Rs. vbch 1,729.80 awm tur anga sawi a ni a. Finance Minister hian Budget dik chu pharh ni se hlawh leh inrelbawlna tura sum mamawh chu Rs. vbch 7,598.87 aia tlem lo tur a nih avangin pawisa chuang awm tur hi Rs. vbch 1,310.56 aia tam lo chauh a ni zawk dawn niin an sawi. Prism chuan, sorkar kum tawpa sum indaih lohna Rs. vbch 263.50 awm tur nia sawi pawh budget dik chu pharh ni se Rs. vbch 384.76 aia tlem lo zawk a ni dawn tih sawiin, heng chhang hrang hrang avang hian Finance Minister chu thudik sawi duh lova lan mawi nana thudik lo sawiah an Party chuan a ngai tih an sawi. Budget session kal meka Minister-te Department enkawlna tur demand pharh tawh leh pharh tur zawng zawng pawh hman tak tak theih loh vek a ni tih sawiin Prism chuan, tuna Mizoram sum dinhmun hi siam\hat a har lova, sorkar laipui leh State dang pawhin an ram hruaitu leh sorkar hnathawk liante an pek loh nawmchenna hrang hrang hi tihtawp ni se, sum hmuhna atan Insurance Company dinin awmze neia hma lak ni se chuan ram sum leh pai dinhmun hi siamthat theih reng a ni tih an sawi.
