Finance Minister chuan inkharkhip chhunga health insurance leh automobile insurance renew tur neite tan renew-na hun May ni 15 thleng hawn a ni tih a sawi a, sorkar chuan hriattirna tichhuak nghalin May ni 15 emaw, a hmalamah emaw renew tur neiten an renew thei dawn a ni. Hetihlai hian bank zawng zawng leh ATM te chu inkharkhip chhung pawha inhawng tura tih an ni bawk.
Sorkar laipui chuan March thla khan coronavirus tuar nasa te \anpuina tur sum dah a ni dawn tih a lo puang tawh a, Prime Minister Narendra Modi chuan mi harsate leh chhawmdawl ngaite puih chu sorkar laipui tih ngei ngei tur a ni tih sawiin, Pradhan Mantri Garib Kalyan Package sum cheng vbc 1.75 chu harsatna tawkte \anpui nan dah a ni a, hemi bakah hian buh leh eirawngbawlna gas pawh thla thum chhung a thlawnin mi retheite hnenah sem a ni ang a, chung chhungkaw harsa tak taka hmeichhia leh kum upa te chu suma \anpui an ni ang tih a puang bawk a ni.
Coronavirus leng vang hian company engemawzatin sum lamah harsatna an tawk a, an hnuaia hnathawkte hlawh an pek kim loh a ngaih bakah an hnathawh \hin pawh an tih tlem a ngai tih an sawi a ni.
