Covid-19 vanga mipui kharkhipna thupek kenkawh mekin India ram sum dinhmun nasa takin a nghawng a, thil siamna hmunte a chawl a, hnathawktu tam takin an hna an chan a, Prime Minister, Narendra Modi chuan sum dinhmun chawikanna tur hian cheng vbc nuai 20 hman a nih tur thu a puang a ni.
He sum hi sum leh pai thawh chhuah tihpunna tur leh India a intodelh theihna tura hmalakna tur a ni tih Finance Minister Nirmala Sitharaman-i chuan a sawi a, India ram chhunga thil siam chhuah-a innghat tura beihpui thlakna hi ‘Atma Nirbhar Bharat Abhiyan’ tia vuah a ni a, thil siam chhuah, leilung behchhana eizawnna leh hnathawktute hamthatna tur lamah te sum tam tak hman a ni ang a, India rama siam chhuahte chu tih hmasawn a ni ang tih Finance Minister hian a sawi.
