Nirmala hian United Progressive Alliance-in thuneihna an chan lai khan Prime Minister hlui, Manmohan Singh leh Reserve Bank of India Governor, Raghuram Rajan ten public sector banks te hmelhmang an tidanglam a, bank loan chhia nasa takin an tipung a ni a ti a, Rajan-a thusawi chu zahawm ti hle mahse Indian public sector bank ten hun chhe ber an tawh lai hun chu Manmohan Singh leh Rajan te pahnih inkawp hunlai kha a ni a ti a, heng mite pahnih inkawpin bank an tihchhiat dan hi khatih hunlai khan tuman an hre lo a ni a ti bawk.
RBI-in a tarlan danin kum 2011-2012-a PSB te loan pek, rulh \hat loh cheng vbc 9,190 chu kum 2013-2014-ah cheng vbc nuai 2.16-ah pungin a punna hi zaa 50 a tling a ni. Hemi hnu kum 2014 khan National Democratic Alliance-in sorkarna a siam a ni.
Finance Minister, Nirmala Sitharam hian ram sum dehchhuahna tlakhniam vangin sawisel a hlawh hle a, an sawiselna thupbo tumin \an chhan tur a dap nasa hle a. September thla khan company leh pawl lian zawkte chhiah chawi tihhniam a nih thu a puang a ni. Prime Minsiter hlui Manmohan Singh leh RBI Governor hlui Raghuram Rajan te hi Sorkar sum enkawl dan sawisel nasatute an ni a, November 2016-a pawisa tih thih pawh kha na takin an lo sawisel tawh a ni.
