Vawiina Congress Bhavan-a inkhawmah Pu Lalsawta hian, ram danpui siamtute khan roreltuten thuneihna dik lo taka an hman an hlau hle a, chuvangin President, Governor, Ministers, Judge leh chanvo pawimawh luah pha chinte chu an \huthmun an luah hmain thutiam la ngei ngei turin a phut a. Ram danpui-a hnuaia rinawm tur leh ram danpui leh chu dan hnuaia dan siam zawng zawngin a phut angin duhsak bik emaw duhsak loh bik emaw, hlauh vang emaw, ngainat bik emaw nei lovin mi zawng zawng chungah dik taka rorel turin thu an tiam zel a ni, a ti. Pu Lalsawta chuan, kum 10 Congress an sorkar chhung khan sum renchem takin an hmang a, ram tana thil pawimawh tih \hulh chuang lovin an kal \hin niin a sawi a. Harsatna thleng palh awm thulha hman mai turin a thlaveng, Sinking Fund pawh kum khatah Rs. nuai 3,600 dah a nih \hin a. Sum renchem taka an hman vang khan kum 10 kalta chhung khan pawisa hman tur awm loh avanga Treasury khar an tih mai, overdraft ang pawh a awm ngai lo tih a sawi.
Pu Lalsawta chuan, Sorkar-ah pawisa hman tur a awm tur a ni a, Treasury nghaktute leh thuneitute nelawmin biak nuam viau mah se, pawisa hman tur a awm loh chuan awmzia a awm chuang lo tih a sawi.
MPCC Communication Department Chairman, Lalsangzuala Hmar pawhin tunhnaia New Delhi-a AICC meeting-a a telna a\angin BJP sorkar vung tak anga kal chu India ramah chhang kham an tam hle tih a hmuhchhuah thu a sawi a. Tunah hian Congress party chu a bet zawkah \ang rih mah se, India ram state hrang hrangah an party mite an phur hle a, BJP-in India ram a suasam nasatzia mipuiin an hmu chho mek a, NDA sorkarah hian rinna tak tak an nghat ngam tawh lo niin a sawi.
He inkhawm hi MPCC Secretary, Pu K. Vanlalrawna’n a kaihruai a ni.
