Nimina Congress Bhavan inkhawmah he thu hi sawiin, Pu Lalsawta chuan, congress sorkar hunlai khan sum dinhmun siam\hat duhna avangin sorkar hnaruak hnawh khat vak vak lovin loh theih loh chinah chauh sorkar hna an la tih a sawi a, an sorkar tawp dawnah khan sorkar hnathawk hlawhah Budget a\angin zaa 36 vel a kal a, Pay Commission 7-na rawt anga sorkar hnathawk hlawk pek a nih hnuah erawh Budget a\anga zaa 42 vel a kal tawh a ni a ti a, sum enkawl kawngah ti\ha an inti ve hle tih sawiin, tuna MNF kaihhruai sorkar thil tih dan bawrh bawrh chu an fimkhur hle a nih loh chuan engtik hunah emaw an mahni tih hnawkah an la inpaltluk a hlauhawm a ni a ti.
Pu Lalsawta chuan sorkar laipuiin State sorkar hnenah kumtin \um 14 sum a pe chhuak \hin a, heng zinga \um hnih chu January thlaah a ruala dawn \hin a nih avangin Congress kaihhruai Sorkar Term tawp lamin he sum hi a hmang hman lo a ni a ti a, hemi piah lamah inthlang tur an nih avangin pawisa hman vak vak a rem lova, ECI lam a\anga khap an nih bawk avangin an pawisa hman chhunte pawh dan mumal tak hnuaia kalpui vek a nih avangin duh duhna lam hawi zawnga sum hman theih a ni lova, chung pawisa an hman hm^n lohte chu MNF kaihhruai sorkar thar lo piang chuan Budget pawh an siam hmain an hmang thei nghal a, hei vang hian hnathawk tam angin an lang a ni, a ti. Pu Lalsawta chuan, a takin sum la awm lo pawh ni se, lo kal tur beiseiin contract hnate chu pek leh sem theih a ni, a ti a. Tunah hian hemi behchhan hian MNF sorkar chu rinna leh beiseinain sum chungchangah an kal mek a, pawisa awmsa leh lo la awm chawp tur hmangin hna an thawk a ni, a ti.
Law Minister hlui ni bawk, Pu Lalsawta chuan, Congress kaihhruai sorkar-in an hun chhunga eiruk dona tur, Lok Ayukta an din fel hman lo chu Court lam hotute nen an thu a inhmuh tawk loh vang a ni, a ti a. Lok Ayukta din tur hian Act leh Rules an lo peih hman, Chairman atan High Court Judge hlui dah tura tih a ni a, hetiang mi hi Mizo zingah an awm loh avang leh Chairman atan hian Mizo kher dah an duh bawk si avangin Court lam hotute nen an thu a inhmu thei lova, Mizo ngei dah an duh bawk si avangin tuna Lok Ayukta Chairman ni ta, IAS Officer chawl tawh Pu Lalsawta hi Congress Ministry chuan a rawt a, ang rawtna ang taka MNF sorkar-in Pu Lalsawta a ruat ta chu an lawm hle tih a sawi.
