He thu hi nimina MPCC Media Department-in an Party chhunga Department, Frontal leh Cell hrang hrang hruaitute tan Mizoram Budget 2019-20 zir hona buatsaih a hmanpuinaah a sawi a, heta \ang hian sorkar hnathawkte GP fund pawh harsatna awm loa pekchhuah theih a ni hial a ni, a ti.
Pu Lalsawta chuan, thuneihna chang party-te chuan ngaih pawimawh bik leh tih ngei duh an neih \hin avangin Budget-a sum an dah dan a zirin sorkar policy leh programme thui tak hriatthiam theih a ni \hin tih a sawi a, sorkar kum liama 2018-19 Budget-ah khan Congress sorkar-in a taka Department hrang hrang hnathawhna tur, Major Works atana sum \hahnem tak a dah ang kha tun Budget-ah hian an dah ve ta lova, an dah chhunah pawh an dah tlem hle a, Congress sorkar lo thawh tawh kha a tawk an ti viauah a ngaih theih a ni, a ti a.
GAD-ah ringawt pawh Financial Year hmasaa Major Works atana Rs. nuai 5,920 dah a nih laiin kuminah chuan Rs. nuai 660 chauh dah a ni a, School Education Department hnuaia Major Works atana Rs. nuai 2300 dah a nih laiin kuminah chuan Rs. nuai 500 chauh dah a ni a, hetianga hnathawhna tur sum dah tlem a nih avang hian sorkar sum indaih lohna chu a lan tlem phah mai mai a ni, a ti.
Pu Lalsawta chuan, Sorkar kum kal mek 2019-20 a Mizoram Budget-a State sorkar sum lakluhna tura tarlan tam tak chu an beisei sang lutuk deuh nia a hriat thu sawiin, P&E Department a\anga sum hmuh tur beisei nikum lam aia Rs. nuai 10,129.52 a a tam zawk chu Electric Bill a leta an tipung dawn a nih loh chuan a harsat a rin thu leh hetiang bawk hian central a\anga sum hmuh tur beisei chu an beisei sang lutuk deuh nia a hriat thu a sawi.
He inkhawm hi MPCC Media Department Secretary, Pu C. Lalhriatpuia’n a kaihruai a, MPCC Treasurer, Finance Minister lo ni tawh Pu H. Liansailova leh MPCC Media Deparment Chairman, Pu Lallianchhunga pawhin thu an sawi a, Mizoram Budget chungchanga an ngaih dan leh an thil hmuh dan hrang hrang an sawi ho bakah zawhna leh chhan hun an hman bawk.
