Hemi chungchanga Zonet zawhna chhangin Finance Commissioner, Pu Vanlalchhuanga chuan tun tuma Health Department sum an endik hi thil tih dan phung pangngaia an sum hman dan leh record an vawn enfiahna satliah a ni a ti a. Department sum hman dan endikna hi chi 2- Internal leh External Audit a awm a, External Audit chu CAG-in an endikna a ni a, tuna Health Department sum endikna hi chu Internal Audit a ni a ti. Pu Vanlalchhuanga chuan, a tlangpuiin Audit-ah hian thil kal tawh endik a ni thin a, chumi ni lo, thil kal mek endikna, Concurrent Audit neih thin a ni bawk tih a sawi a, tun hnaiah Covid 19 hri leng vangin Health Department-in hmun hrang hrang atangin sum thahnem tak a dawng a, an Account vawn dan hi nakinah Accountant General Office lamin an la endik leh tur a nih avangin chumi hmaa an lo insiam fel theih nan leh Record mumal tak an neih theih nan, an sum hman dan hi lo endik sak an ni, a ti.
