Mara Autonomous District Council-a PWD enkawltu Executive Member, Pu K. Chhua Bei chuan Zotlang-a Boys Hostel leh Chawlhhmun-a Girls Hostel sak mek chu, kumthar February thlaa luah hman tura zawh a nih tur thu a sawi. Vawiin khan Mara Students’ Organisation hruaitute nena heng hostel sak mek an tlawhnaah a sawi a, Zotlang-a Boys Hostel sak mek enkawltu Contractor chuan AMC-in thla 8 lai, stay order a pek avangin an hna a khaihlak nasa hle niin a sawi. Girls Hostel sak mek pawh a enkawltu Contractor chuan kumin December thlaa zawh a tum thu a sawi a, anni pawh hi AMC-in hun engemaw chen stay order an pek avangin an thawk tluang thei lo niin an sawi bawk. Pu K. Chhua Bei chuan hostel satute chu Academic session thar \an hmaa zo fel vek turin a chah a, hmanhmawh avangin an hna chu thawk chhe kher lo turin a hriattir bawk.
