Referral Hospital hi nitin mi za telin an pan a, a kawng hi National Highway a nih bawk avangin nitin Motor sang tel an tlan hum hum a, Aizawl a\anga kala Melriat khaw pelh dawn chiah, Pu C. Laltlana in zawn kawngkawi leh Kelsih kawi, Falkawn in\anna chiaha kawngkawi saw Motor a insuin a inkhak zing ta hle mai a, thuneitu kan sorkar chak tak mai hian tlemin han ti zau hret se kan va ti em. Motor ni se nitinin a tam tial tial si a, harsatna lian zawk kan tawh hma leh nunna hial kan chan hmaa an siam \hat theih chuan saw lai kawng zawh \hin zawng zawngte kan va lawm dawn em.
Mesaka pa
8119870233
Darlawn lam hi chuan District Headquarter hi chu an phu a ni. An awmna a\ang chuan Aizawl hi a hla si a, ka \awng tu huat thu suhah Khawzawl leh Saitual ai mahin an phuin ka hria.
Aizawl Nu
9612907066
Vanram Gate paltlang tur hian engzat percent nge kan mamawh ang le?
Puithiam a\anga ngawlvei thleng hian kan \ha famkim lo tih a ni vek si.
Minister, MLA, Officer, Peon, sumdawng, inhlawhfa leh ram lama eizawngte nen kan vai mai hian kan inpuhchhe tawn luai luai vek chu a ni si. Kan Pathian hian engzat percent takin la ang maw?
LB-a pa
8414029478
Kan naupan lai khan \hiante nen Sipai rual lem kan chang \hin a, kan zinga a dawihzep ber kha a lalberah kan tan tir \hin a, a lalber takah chuan le tiang lian relrawl hi a hum roh roh reng mai a, a duh duh, a huatfal bik deuh te kha min vaw pawp pawp reng mai a, lalber vuak a nih miau avangin tuman huat awih loh kan ti sia, amah aia huai zawkte kha a duh hun hunah min vaw \ap ul ul reng mai \hin a, kan bansan phah chuang hlei lova. Hetiang deuh tho hi a nia kan ram roreltute lal dan pawh hi a lal apiang mai hian a rethei zual leh mimawl zawkte hi tiang hmang lovin min vaw \e reng mai chu a nih hi.
Tlangvala
9862349117
Putea Indoor Stadium, Putea Medical Center te ti ula, Pute u! ATC hi ETC tiin kan lam mai \hin. Eizawl a ni lo, Aizawl a ni a, Mizo hawrawpa ‘A’ ri anga lama, ATC tih tur tih hun laite pawh a awm kha maw le! Maimer kan tih pawh hi a ziak ang ang hian MIMER tih mai tur tih lam hi a pawimawh. Sap \awnga thu an sawi tak avanga Mizoram ti ta mai lo a, ‘Mijawraem’ an ti kherte hi a va \ul lo tak! Hetiang deuh vel mai mai hi a ni kan buaipuia kan buai luih luih ni. E tak a, Putea Capital Complex ti bawk tak teh u, kan fel duak mai ang.
Mesaka Putea
8413024376
Ka’n fak ve teh ang. Naupang zirlai ti \ha chawimawi kan hmu \hin a, Zirtirtu fak tlak ka’n sawi ve a nge. Mararama Zirtirtu ho hi an fakawm hle a ni. Inchhung khura Mizo \awng pawh hre ngai loten Mizo \awngin an zirtir a, \ha tak takin an pass a, Aizawl School \ha kan tih ai hian fak an phu zawkin ka hria. School hrang hrang a\anga a thiam chauh admit ve phei se chuan Mizoramah pakhatna an la fai vek ang.
F. THANGA, SIAHA PA
9612216335
Hmeithai leh fahrah siamna khawl a\anga sum lakluh chu tam viau mahse mi pakhat nunna pawh a lei zo lo. Puan lan ve fo atan chuan a zahthlak lam a ni e. A chhuanawm lo em mai.
Carolini pu
9862216410
Congress Party ho chu kum sawm chhunga an thiltih dan hre lovin mi thil tih sual an chang ran mai a va ang ve. NLUP an sem dante leh an hnathawh chhiat zia te kha kan duh lova kan hnawl a ni lo’m ni kha? Mahni Mita khanchhuk hmu lo an tih fo \hin kha an ni mai lo maw? ZPM ho hi an lo puitling zawk dawn a nih hi a.
Dampa Uitang
8974244232
Pu Ram, traffic jam awm loh nana i tih ngei ngei tura vawi tam tak i sawi tawh Aizawl khawpuia kawng chhawng i siam tur chu engtikah nge i siam \an dawn? Kan va nghakhlel ve.
Thingtlang Pa
9436771584
MNF-in ‘fatute chuan a kaw chhung an ei ang’ an ti a, Rodingliana ZPM chuan ‘ram tan chaw nghei pawh huamin’ a ti. Tu zawk nge ram hmangaih mipuite hian kan hriat a ngai tia Fakselnaa rawn sawitu khan a sawi dik khawp mai. Mahse, MNF chuan chaw nghei mai ni lo, ram leh hnam tan, hrehawm tam tak tuarin nunna hial an lo hlan tawh a, chuvangin, mipuite hian an ring zo tawka, hneh takin sorkarna an siam ta kha a ni a. A taka thil tih awm si lo, hmuia sawi ringawt hi a ni lo. Tin, ruai\hehnaah pawh fatuten a kaw chhung an ei \hin a, tihdan pangngai a ni ve mai. Huat tur a awm lo.
Tlabung Uitangrual
9862014844
Zonet Channel hi chu kan lo en \han a ni a, ngainat pawh kan ngaina a mahse, ka’n sel ve lawk teh ang. Fakna an uar leh lutuk hi chu a ninawm lek lek. Chanchin thar angah te hi chuan fakna hi chu ti lo hram se a \ha ngawt ang.
Marami, Kawnpui
7085210279
Chanchin thar kara fakna awm chu sawi ve lo ang. Infiamna chanchin thar pawh hi chanchin thar hun pangngaiah awm ve mai se, kan nghak thlawn fo lo tur te ka lo ti a. Mahse, hei pawh a hranpaa sponsor-tu nei tho. Sumdawnna khawvel a ni miau a. Thudang i’n sawi daih teh ang. Kan ramin kan buaipuia kan \halaiten an chhiatpui nasat em em, heroin laka invenna, OST hi tunah supply a tawp rih avangin sim duh la thar ve duh tan pawh lak theih a ni ta rih lo. NACO lam hi kan sorkar chak tak hian han be pawp vat teh u khai. Heti mai chuan kan \halaiten an tuar nasa luruk dawn e.
Damdama Pi
8256956694
Tuirial Jail a\anga tlan chhuah chungchang thlir a nuamin a ngaihnawm hle mai. An leiverh kha an hnawh tawh nge hmuh theihin a la awm tihte hriat a chakawm hle mai. Ram rohlu atan humhalh hial theih ni se duhthusam a ni e.
LT Ralte
