SRHF – ZMC Covid 19 taskforce Bulletin-a tarlan danin, nimin khan Holding ward-a damlo pahnih chhuah an ni a, Vellore atanga Cancer damlo rawn haw dah belh a ni thung a, damlo enkawltu pakhat pawh enthlak zui tura dah mek a ni bawk. Falkawn damdawi ina Covid 19 damlo pawh Isolation ward-a dah lailawk a nih hnuahICU-ah dah luh leh a ni a. A sample pawh Viral Research and Diagnostic Laboratory Silchar-ah thawn leh tawh a ni a, result nghah mek a ni.
ZMC hotute chuan, hmun dang atanga ZMC-a damlo admit tura thurawn pek an awm thin chungchangah ZMC chu Covid 19 kai leh rinhleh-te dah tura serh hran rih a nih avangin damlo Admit tur chu an dinhmun a zirin inkaihhruaina fel taka duan a ni, an ti a. Damlo admit tur dinhmun hi he inkaihhruaina siam nen hian a inrem loh chuan admit theih an ni loh avangin damlo in admit tum te reng reng chuan admit theih an nih leh nih loh hriat nan an dinhmun chiang tak casualty-a hriattir hmasak thin turin an ngen a ni.
