NEDP sum, cheng vaibelchhe 28 senga Falkawna State Referral Hospital tihchangtlunna tur khawl thar chi hrang hrang lei chu vawiin khan Agriculture Minister, Pu KS Thanga’n a hawng a. Falkawna State Referral Hospital-a Medical College din tum mekah thil pawimawh chi hrang hrang buaipui chhoh mek a ni a, Medical College behchhan damdawi in-ah thawktu 600 chuang an awm a ngaih avangin tun hnaia Council of Ministers \hukhawm chuan hna thar 629 lak rawtna a pawm tih a sawi. Pu KS Thanga chuan, MNF sorkar khan State Referral Hospital chu hman tlak lohvin a chhuah hman \ep nia sawiin, hmanah chuan tuten emaw Broiler Ar vulh nan an hmang \hin a, tunah chuan khawl changkang ber ber nena thuam a ni ta niin a sawi a, tuna khawl thar leina atana Mizoram Sorkar-in NEDP a\anga cheng vaibelchhe 28 a pek bakah hian sorkar kum kal mekah NEDP hnuaiah tho, cheng vaibelchhe 15 dang dah leh a ni tih a sawi.
Khawl thar hawnna inkhawm tawi, Falkawna State Referral Hospital Nursing Superintendent Hall-a neih hi State Referral Hospital Medical Superintendent, Dr. Lalhmuchhuaka’n a kaihruai a. Hman a\anga tawha an thil awh em em \hin khawl thar \ha tak tak bun a ni ta chu lawmawm a tih thu sawiin, mipuiten an chhawr \angkai ngei a beisei thu a sawi a. Falkawn State Referral Hospital-a Medical College changtlung tak, Mizoram Institute of Medical Education and Research (MIMER) din tura ngawrh taka inbuatsaih mek a nih thu leh, he College Principal atana Mizoram sorkar-in a ruat pawhin kar leh chhungin a hna thar a zawm hman beisei a ni tih sawiin, zirtirtu dang pawh lak thuai tum a ni tih a sawi.
Vawiina hawn t^kte hi Eye Department OPD, Physical Medicine and Rehabilitation Department leh nau neihna Ward-te a ni a, heng Department hrang hrang hi NEDP sum a\anga lei khawl chhuak thar changkang tak taka thuam a ni a, Eye Department bikah chuan Operation Theater siam mek a ni a, bungraw \henkhat pawh supplier-in a la p>k kim loh avangin mit zai tenau tih loh, zai pui ang chi chu tih theih a la ni lova, November thla tawpah chuan mit zai ngai zawng zawng zai theih tawh beisei a ni a. Eye Department tih loh Department dang chuan bungraw mahmawh zual chu an nei kim deuh vek tawh a ni.
