Health Minister, Dr. R. Lalthangliana sawi danin, COVID-19 Testing Laboratory-ah hian Mizorama COVID-19 vei awm chhun enkawl mektu Doctor, Nurse leh Healthcare Worker mi 14-te Sample endik a nih thu leh anni bakah hian low risk damlo pakhat test a ni a, heng test result hi zanin hian hriat theih nghal beisei a ni a, result hi hriat a nih veleh puanzar nghal a ni ang. Vawiin-a sample endikte hi COVID-19 vei rinhlelh an ni tihna a nih loh thu Health Minster hian a sawi.
Health Minister hian, Mizoram-in sample a thawnna \hin Silchar lamah COVID-19 vei an awm tak nual hnuah Silchar lam tihbuai ngai lova Mizoramah ngeia a endikna khawl neih a ni ta chu Pathian remruat nia a hriat thu a sawi a, testing kit pawh 1000 vel chah thlen a ni tawh tih a sawi a.
COVID-19 kaite puala Zoram Medical College tih ruah a nih tak avangin Aizawl Civil Hospital leh Private Hospital dangte’n nasa takin an buai phah tih sorkar-in a hriat thu leh an inpekna chu lawmawm a tih thu health minister hian a sawi a. COVID-19 test-na khawl neih a nih theihna tura hmalatu Core Committee leh COVID-19 vei mek enkawl tura inpe te chungah lawmthu a sawi a, sorkar hmasain Zoram Medical College-in tun dinhmun a thlen theihna tura hma an lo la pawh thil lawmawm tak a ni, a ti.
Dr. Thangtea hian, Mizoram chheh vel Assam leh Tripura-ah COVID-19 vei hmuhchhuah an nih tak zel avangin ramri ven fimkhur a ngai zual hle tih sawrkar-in a hria tih a sawi a, theihtawpa inzar pharhin hmalak mek a ni a ti. Mizorama COVID-19 vei enkawl mek dinhmun chu a \ha tih Dr Thangtea hian a sawi a, VOVID 19 vei mek enkawltute, Laboratory-a thawktute leh COVID-19 vei mek tan Zoram mipuite \awngtai chhunzawm zel turin a ngen bawk.
