Falkawn-a State Referral Hospital-ah nimin leh vawiin khan damlo pali admit thar an ni a, an zinga mi pahnih chu Rapid Test-a rinhlehawm anga lang an ni.

SRHF – ZMC Covid 19 Taskforce Bulletin tarlan danin, vawiin khan Falkawn-a Covid 19 Testing Laboratory-ah sample 17 endik a ni a, chung zinga 15 chu Covid 19 an kai lo tih finfiah a ni a, a dang 2 chu an result ngaihchan mek a ni. Vawiin khan National Health Mission hmalaknain CHC leh PHC-a Doctor-te chu Covid 19 chungchang zirhona buatsaih a ni a, hetah hian ZMC e-learning centre atangin “Clinical Management on Covid 19” tih leh “Rational use of PPE” tih thupui hmangin Doctor-te hi training pek an ni.