SRHF ZMC Covid 19 taskforce Bulletin tarlan danin, nizan khan ZMC-ah Covid 19 vei nia rinhlelh damlo pahnih, High Risk Ward-ah admit an ni a, vanneihthlak takin vawiina an sample endiknaah an result a negative a ni.
ZMC-a Covid 19 damlo enkawl mek pawh ICU tih thianghlim a ngaih avanga Isolation Ward a dah lailawk anih hnuah uluk zawka enkawl anih theih nan vawiin khan ICU ah dah luh leh a ni a, nimin lama CT Scan result-ah pawh hma a sawn hle tih hmuh a ni. ZMC-ah hian MBBS zirlaite tan E-Learning neih chhunzawm zel a ni.
