SRHF – ZMC Covid 19 Taskforce Bulletin-a tarlan danin, nimin khan sample 83 endik a ni a, an zinga 1-in Covid 19 a kai tih finfiah a ni. Nizana Covid 19 kai hmuhchhuah thar hi ZMC Risk Ward-a awm mek a ni a, vawiin khan Isolation Ward-ah sawn nghal a ni. Vawiin khan Falkawn damdawi inah damlo rinhlelh 8 dah luh an ni a. Nimin lama ZMC-a dah luh 1 leh vawiina dah thar mi 6 te sample chu vawiin khan lak nghal a ni a, an result hi zanin chhuak tura beisei a ni a. Vawiina admit dang 2-te sample chu naktuk lamah endik a ni ang.
Tun dinhmunah ZMC Covid 19 testing Laboratory-ah Covid 19 kai mi 13 hmuh chhuah an ni tawh a, heng mite hi Delhi atanga lo haw mi 11 leh Kolkatta atanga lo haw mi 2 an ni a, Mipa 2 leh Hmeichhia 11 an ni. Damlote hi Doctor-ten uluk takin an enkawl mek a, tun dinhmunah chuan harsatna nei leh ngaihtuahawm an awm lo a ni.
