Millennium Center piah, Zarkawt tawntirh a\angin Taxi tlan lai pharin Hotel Regency bul thleng mi pakhatin cheng 10 chawiin kan kal \hin a, vawiin chu kan phar fuh lo nge ni, Rs.50/- a ti tlat a, in chuan khah vekin mi pakhat tan pawh Rs.20/- a nia te chu a la ti zui deuh deuh a, chhan enah pawh kan en lo, kan ngawihsan hmiah. Hmundangah pawh kal dawn ila midang rate aiin a tisang bik thovin ka ring, chuvang chuan a number ka chhinchhiah tlat ang.
Ruati, Aizawl
Aia upa zah lohna hi social media kan hmelhriat ve hnu hian a nasa zual tih hai rual a ni lo. Hmel inhmu lovin mahni khum laizawlah duh duh kan sawi thei a, \awngkam kan la duh tui lo em em zui bawk. Faksel \hintu ṭhenkhatte pawh hian \awngkam kan duh tui lohzia chu kan inhre \heuh awm e. Kan ram hruaitute kan sawi duh dan bawih bawihte hi anchhia kan lawh hi a ni ber mai hian ka lo hre \hin a, ka lo ip chawih chawih \hin. Kan \awng hi mahni chungah ngei a tla duh tih kan pi leh pute khan an lo hre dim diam tawh. Chuvang chuan thu kan thawn dawnin i inngaihtuah chiang hmasa \hin ang u.
Damdama Pi
8256956694
Kan ram hruaitute meuh rorel \hutkhawmna-ah ‘Entirnanin’ ti te, ‘Nachin’ ti te zu awm nia!! Tin, Speaker-in a theih chin chinah Sap \awng, Mizo \awnga a tlukpui kan neih hi Sap \awnga sawi lovin Mizo \awnga sawi hram nise, a ti a, ni an hmang zo a, zanah an mut bopui leh nge, a tukah chuan sawi loh ang a ni leh tho mai. Tin, Zonet-a mi chhuanawm inkawm zingah pawh hian ‘Entirnanin’ ti tlat an awm a, Entirnanin tih hi \awng dik a ni ta zawk emaw ni le!!
9862037311
Mizoram State Budget session kha beiseina sang tak neiin min bialtu MLA Pu Pachhunga kha kan khuain kan thlir asin mawle. Mahse, a ding tlat lo, eng vang nge? School Education phei hi chu a bikin KHAWMAWI tan a pawimawh tehreng nen; Khawmawi Govt Middle School leh Primary School phei hi chu a hmuar rim a nam vut vut tawh asin mawle.
ROGER L HLONSHING, KHAWMAWI
9402108995
MNF sorkarin kawngchhia siam zo anga sawi hi an siam sa pawh a chhe \an leh der tawh e.
Rokunga
8730099759
Vairengte Gate-a ILP pek zat en hian Mizorama lo lut hi an \hahnem hle mai a, sorkar mai ni lovin mipui mimirte hian kan bengkhawn ve takzet a \ul hle a ni.
Zopa
8729984567
A pu Rinliana chu Speaker nih i thiamin i inhmeh bawk a, nimina Mizo tak maia puan i bat ngat phei kha chu ka va chhuang tak che em. Ka pa ni la ka ti hle mai. Tute emaw kha chuan kawrchung nghawngchip kha an ha \hin kha ania. Nangni erawh zawngin Mizo takin in inthuam a, a mawi a, a zo bawk a ni. I finna leh thiamna kan ram leh hnam tan hmang zel la, i nunkhua hrui anga sei turin duhsakna sang ber ka hlan a che.
Dampa Uitang
8974244232
MNF leh Congress sorkar mipuiin kan dem em em nachhan chu thil sual titute an hrem ngam thlawt lo hi a ni. Duhdah takin miin lung a rem a, a chim ta a, mi engemawzat an thi a, building \ha lo, luah ngam loh, \hiah mai tur \hiat mai lovin a chim a, mi \hahnem tak an thi a, eirukna lam nise a nasat thu an sawi reng a, hengah te hian tunge an hrem? Misualte zalenna ramah kan ram hi a awm mek a ni mai em?
RK Sanga
9862366590
Bawngkawna Two Wheeler Taxi hi kawngkam lehlam lehlamah an ding \hin a, hei hian kawng a tihchep bakah intihpalh hlauhawmah lirtheia kalte a din tir \hin a, kawnga kual mai mai te an awlsam bawk si. Thuneitute hian helai vel hi han ham strict deuh se a va duhawm em.
LT Ralte
9862007651
Ration-ah chini kan sem ang ti a Mizoram hmun tina campaign auhlaa neitute khan sorkarna changa a saseh a lo thlen meuh chuan BPL chu sawi loh AAY chhungkua uihum vel lek ho tan thla khatah kg 1-in an sem thei ngawr ngawr dawn chauh zawng a nih hi maw! Ropui lem lo tak a ni. Hetianga lal tum hrim hrim vanga thiltih theih loh tur tiama, mipuite dawt hmanga kawng hrang hranga bumtute hi Zoram mipuite hian eng angin nge kan ngaih le? Eng pawh ni se duh taka kan thlante kha an ni a, tuar huamin i lo thlir phawt mai ang aw!
Jonathana Pu
9366630785
Mau chi dang dang buaipui lo hian kan ram chhung ngeia, kan neih sa mau tam takte hi hman \angkai dan ngaihtuah zawk ta se kan va hlawkpui zawk awm em aw.
Kan \henawm State ten a hman \angkaina hriain, mau chi dang kan buaipui chhung hian min lak zawh sak hman takngial dawn. Kan pu ber hian ngaihtuahna dang chu a sen a ngai zawk a ni. Mau chi dang a buaipui ang hian paper mill kan neih theihna tur zawk hian buaipui leh ngaihtuahna seng ta zawk se kan ram hian a hlawkpui zawk lo ang maw?
Azova Rep VT
7627909600
Ni 13.3.19-a gas kan lak kha vawiin thlengin kan la hmu leh ta reng reng lo. Republic LC te khan min han ngaihtuah pui teh u khai.
9862661055
Two wheeler Taxi hi intlanchhawk ve rawh se. Traffic jam free kan duh tak tak chuan kum tluanin No Tolerance hi hmang rawh se.
Kawng dunga motor park phal tawh suh se, High Field-ah te khian parking siam rawh se. Aizawl PS bul Prison van leh motor dang Police motor dah avangin a zam nasa \hin hle mai, dah sawn thei se a lawmawm khawp ang.
ZRTA ZK
