ZONET Zing Daifim inrawn pekchhuah \anna intidanglam hi chu a \ul lo ve ngawt mai. A hma kha chuan music mawi tak kha a \an nan inrawn hmanga, tunah erawh eng ri mah awm lovin in\an ta mai hi thlak leh thei ula aw. A kar laka lirnghing thlen palh thila lo inven dan tur mock drill intihchhuah phei hi chu vai film emaw ka lo ti peka, a changtupa thinrim lutukin misual lalpa a sawisa hrep thawm emaw ka tia! In chanchinthar puan rik let fea ring hian a ri lah hi inhan tiring leh ta nghal a. Bengling a puak lo chauh \hin a sin. A thawm ri \hen lai phei hi chu thirchhe hairik ri te pawh a ni hial lo maw?
Tlangvala
————-
Kan vengah chuan khawtlang duh loh zawng tite chu min vaw hrep a, a \hen Home-ah an dah a, mahse min vaw hreptu khan smuggling a lo khawih reng chu niin! Veng/ram hmasawn ngaihna hi a awm lo. Rawn hausa thut thut lah bang lo. Zahna chang lah hi an hre lo emaw ni?
8258970455
————-
Tunlai chu kan ramah kawng leh thil dang dangah chhiatna a thleng zut mai a. Heng chhiatna thleng te hi MNF vang a ni leh pek ngei ang maw?
9862216410
————-
Kan mamawh leh \ul, hna min thawh sak tura rawn inzuara, kan thlantlinte ho hi an theihna chin chin \heuhah anmahni an inhaivur mawlh mawlh mai a nih ber hi maw! A tenawmin a beidawnthlak teh e!
Thlirtu
————-
Zoram mipuite i harh ang u, fiahna hun khirh tak kan hmachhawn ngei dawn e. Khawngaihna hun hnuhnung a liam hmain LALPA-ah chauh rinna nghat ila kan sual i sim ang u. Hun hnuhnung a ni tawh a, hnam bo kan ni a, hnam bo kan ni tih hretu kan vang si. Israel hnam bo LALPA’N a zawn chhuah tur hnam kan ni si. Fiahna nasa tak lo thlena LALPA chauh ringa zuitu tan hlauh tur a awm lo ve. Kan sual simin KRISTA chauh thlirin, i ring ang u.
Rammuana PC
————-
Kan Education Minister hian keini Kawlkulh khuaa Govt High School zirtirtu min pekte hi an indaih lo lutuk a, zirlai sawm riat velin zirtirtu pali zawng kan nei hi keini zirlai nu leh pate hi kan mangang tak zet zet. Tin, zirlai nu leh paten thla tin fee cheng za kan chawi ziah bawk hi hriatthiam har kan va ti em. A ngaihna hria kan awm chuan min han \anpui teh u khai.
Fela pa, KK
————-
World Cup a\ang hian kan ram hruaitute hian zir tur nasa tak an nei. An inkhel hi uluk takin han thlir ila, inthlahdah deuh leh han ti mai mai hmel pakhat mah hmuh tur a awm lo. A chhan chu an ram tan an khel tlat a ni. An theihna zawng zawngin an \ang. Hetiang rilru pu hian tun hma a\ang khan kan ram hruaitute hian \an han la sela kan ropui hle tawh ang. Tuna kan kal dan mipui zawkin a nawr nawr ngaih mai hi zawng, a chhuanawm loh tak zet a ni.
RK Sanga
————-
Pa pakhat chuan ZPM a lo pian tak avang leh Movement a lo inpuanchhuah a\ang chiah khan Congress leh MNF te chuan hla an thlang ve a tiin a sawi a, chu hla chu enge ni ta tiin an zawta, “Lungngaihni a awm \hin, mangan lai a awm \hin” tih hla hi MNF leh Congress miten an thinlung chhungrilin an sa tlut tlut mai niawmin pa pakhat chuan a sawi an ti a, a ni tak ang, lungngaih leh mangan pawh lo thleng tehreng pawh nise a awm ve tho ve i ti ve lo maw?
MS Chhakchhuak, Aizawl pa
————-
Zu ka in ngai lo, ka duh lo bawk. Kohhran pawh hian an duh lo. Mahse kan ti rem thei si lo. Kan duh loh vang ngawtin zu permit neia zawrh hi sawisel a rem lo. Kohhran pawhin sorkar sawisel nan leh beih nan a hmang tur a ni lo. An ti rem thei bik lo.
Lalthawvenga
————-
Synod hian zu a ti bo thei lo. Sorkar pawhin a ti bo thei lo. Chuvangin zu permit hi Kohhran pawh hian pawng sawisel suh se. Party \an bik nei vek kan nih hi.
Duata pu
————-
Kawng chhia hi sorkar tawh zingah sawisel ngam tur an awm lo. PC leh MNF sorkar lai, motor z^ng zawk phur kallai pawh khan a chhe tho. Tuna 300 qtls phur chi tam tak tlan hnu phei chuan kawng a chhe hma hle a ni.
VL Ruata
————-
Siahaa ZONET chhungkuate tan Aizawl to Siaha inkara Line fel lo leh chiang lo awm \hin hi rawn thunun dan nei thei ula a lawmawm ngawt ang? SIAHA-ah ZONET a function lo reng reng! Ni 18, June thla kan thleng ta, mahse ZONET Channel pakhat mah a function lo ve! Sum kan seng thlawn hlawm a nih hi. Lo ngaihven hram teh u.
9436168559
————-
Enga tinge ZONET hi in HD channel hian LPS lam a va tluk lo ve. Sum tam kan seng a, no signal a tih loh leh a tang chut chut a, a hahthlak em mai.
8257021290
————-
Kan ram tana hna hrang hrang thawktute hian mahni ipte ngaihtuah hmasa lovin ram tana \ha leh tloturin hna hi thawk ve tawh rawh u. REL KAWNG laitute hna hi entawnah neih teh u. Inzahpuiawm em mai. Vai Mizorama lo kal ve dek dekte hnathawh hi mak ka ti zawk.
Ram neitu tan a zahthlak em mai.
Lucas-a pu
————-
Bawngkawn kawng zauh hnathawh hi a \angkai viauin a langa, chutihrual chuan Chaltlang lam kalna kawng, kea kalna leh tlak dal hi siam leh vat ni se a va duhawm em. Kea kal tan leh motor-a kal tan pawh a hlauhawm thei \hin hle mai. Hmalak ran ni thei se a \ha ngawt ang.
LT Ralte
————-
ZONET hmasawn zel aia tlahniam zel nia lang hi a mak.
Khawl leh programme lam chu a \ha a ni maithei.
Mahse en theih loh leh ngaihthlak theih loha inpekchhuah hi a va tam ta em!
8974808596
————-
