Tuna sorkar lai hi SEDP chungchangah selna a tam ta hle a, sorkar hmasa pawh khan NLUP an sem dawn khan an ngaihtuah rei hle kha maw. Chutah party an la thliar em em zui leh nghal. NLUP kha Pathian duhzawng ang deuh thaw khan an la sawi leh nghal. An sorkar tawp dawnah zu an zuar daih. Hmanni lawka CM-in central a dawr khan hlawhchham a ang riauin ka hria; central lam hotute khan project siam turin an lo hrilh ni awm tak a ni a, central hrilh kher ngai lo hian kan thlan lalte hian project hi siam nachang an lo hre lo a ang hle mai.
Johan Lalrinawma pu, Saron veng
9436392544
Article 371 kan khawih che lovang a tih zawh chiahah Citizenship Amendment Bill tuai thar an tum thu Union Home Minister chuan Guwahati-ah a sawi laiin kan hotupa a \awng chhuak em aw tih hi kan hriat chak \heuh ka ring. CAB an lo duhpui chu a ni em lovang chu.
Ralte Bengchheng
8794659715
Luangmual Youth Hostel thlang, hmeithai school an tih mai, girls hostel-a naupangte hian thak an vei nual a ni awm e. Doctor-te sawi danin inkaichhawn awl tak leh inenkawl vat ngai a ni a, he school hi thuneituten ngaihvenin mithiamte enfel tir vat se a duhawm hle mai. Ngaihven vat an nih loh chuan school naupang zawng zawngin thak hri an vei vek mai ang tih a hlauhawm khawp mai.
LT Ralte
9862007651
Tlabung Uitangrual inti khan hman zan Fakselnaah khan a pute chhan nan kan ram Mau leh Rua hmanna kha a rawn tarchhuak \euh mai a, a sawi dik takzet a ni. Hetiang taka kan tana \angkai a nih vang hian kan ram Mau leh Rua te hi humhalh an ngai em em a, an hlu em em bawk a ni.
Kan \henawm State te phei chuan sum siam nan leh hausak nan kum engemawzat chhung chu kan ram Mau leh Rua te hi an lo hmang tawh a nih hi. Nimahsela, kan CM erawh hi chuan a lo hlut ve lem lo a nih hi maw!
Hetianga mahni ram thil, Khuanu duan sa te iai a, a sawngbawl ngaihna pawh hriat loh laia, a hranpaa mipui sum tam tak mai senga ramdang mau, rua lakluha bul \an tum tlat mai hi a mak a, a thinur thlak a, a nuihzat thlak bawk si a nih hi.
Hetiang zawnga kan MNF Ministry hian Flagship Programme hiala hmanga, kuthnathawktute chawikan a tum a nih chuan a tawp chu anmahni tan hausakna, kuthnathawktute tan beidawnna bak a thleng leh hauh lo ang le.
Jonathana Pu
9366630785
Kawng sira motor park zawng zawng hi chhunah chuan park phal tawh loh ni se, India President leh India Prime Minister te lo kal pawn kan din loh tir thei a, Traffic Management Committee hian hetiang hian han en chhin ve teh u.
ZRTA ZK
9615445637
“It’s my life,” kan ti a, kan Mizopui mipate kan ngainep ngam a nih chuan chhiat/\hat thilah a chhe ber pawh tawng ila, “it’s my life,” tiin Mizo tlawmngaihna leh \anpuina pawh kan hnawl ngam ngei turah ka ngai e. Dah mai a.
8837489511
Lunglei lamah hian Zonet hi a va chhe zing em em ve, \an la deuh thei u la a lawmawm ngawt ang.
9436147113
E-pos hmang chauhin ration a lak theih tawh a, finger print hlauh hleih theih a ni tawh lova, Aadhaar card phei chu a ngai ngei ngei dawn a ni. Sakawlh chhinchhiahna emaw, a hming, number emaw neite chauh lo chuan engmah an lei leh an hralh theih loh nan tih Bible thu a thleng dik mek zel. Chhut thiam chuan chhut ila. Esauva’n chaw vawi 1 eia a upatna a hralh pawizia leh nghawng natzia te, Isua hnaih bertu ni si a Juda Iskariota’n sum tlemtea Isua Krista a hralh nghawng natzia leh awmzia hian tunlai thil awmzia nen inzawmna an neiin, Bible thu a thleng dik zel tih chhut thiam ila, Aadhaar neih loh vanga Bank a/c nei lo tan pawh lei leh hralh a theih loh \ep ang. Mahse, mihring hi chhang chauhin an nung lovang a, Pathian k^a thu tin chhuakin an nung zawk ang. Eitur aiin nunna a thupui zawk. Kawng dik ni awm taka lang, a tawp chu thihna ni si a awm. Boralna kawng a zau, nunna kawng a zim.
9089667399
An Mizo film siam, 0389 an ti emawni kha hmuhnawm loh tih sawi thawm ka hre zing riau pek a, ka lo ngaihsak ve lem lo va. Hman zan chu an rawn tilang leh e an tia, ka lo thlir ve chhin a, a hmuhnawm leh nawm loh chu thudang, ka lo ngaihmawh em em leh nin zet chu \awng dawn apianga ih..ih..leh i hria em..adt. leh \awng bah nawk nawk tam lutuk te, en a hahthlak. Tu tukhum emaw ni ringawt te kha rei zet an han lantir \hin a, ka chauh phah rawihin ka inhria. Changkang ve tawh hmel pui pui hian kan khawsa a, mahse kan lo la changkang lem lo a nih hi ti r’u?
Tlangvala
