Social Distancing zawm lo chu Rs. 200 chawitir an ti si a, two wheeler-a inphurte hi engtin nge ni dawn Pu Zonet?
No. thup
9862371972
Hlawh ngau ngau ring tan chuan a va buaithlak dawn ve aw. Cut neuh neuh lo awm bawk nen chan a va tlem dawn ve aw!!
Zova, Aizawl
9862153088
Kan MLA pakhat Covid-19 do tura insawi pawr viau khan a sa seh a ngam leh ta si lo em ni? A va thep kual leh ta si ve?
Thlirtu
9436198725
Synod Hospital, Durtlangah inentir tur screening-ah kan in line a, meeting tlai \ep mi pakhat chu screen lovin an tlang tir a, an staff te khaw chhung a\angan kal an tlang char char bawk a, nu nau nei hlim erawh mi pakhat pawh luhpui an phal lo thung. Mi tana harsatna siam bak chu an ‘TRIAGE’ center hian awmzia pakhat mah a nei lo tih hi an ni doctor leh zir chhuak zawkte hian an hre lo emaw ni le?
9366474177
Covid-19 dona kalpui zel nana sorkar hnathawkte Group A, B, C & D te basic pay zaa 10 leh zaa 5 cut sak tur tia puan kha a ni a, Chief Secretary khan tihluihnaa cut sak ngawt tur a ni lo va, mimal tin te remtihna kan dil dawn zawk a ni a ti leh sia, eng nge dik zawk ta le? Engpawh chu ni se, dil \heuh ta pawh ni se phal lo bik nih chu remti vak lo tan pawh thil nuam a ni kher lo ang a, phal lo chung pawh a phal ve mai a ngaih hmel hle mai. Phal lote pawh chu sorkar hian a lo chhinchhiah bik dawn nge hriatthiam a va har ve le.
Lalbuaia
6009564258
Dt.19 March khan Transport office-ah fitness certificate lakna turin document ngaite ka thehlut a, Janta curfew puan leh inkharkhip a nih zui tak avangin office-ah engmah bawhzui theih a ni ta lova, ka han ngaihven chuan LATE FEE pek a ngai an lo ti a, DTO hmuin ka va sawi a, a ni chuan sorkar a\angin engmah ngaih hna thiamna tur order kan hmu lo, LATE FEE hi inpek a ngai a lo ti a, kan hun tawn kan hre vek a, hengte hi chu sorkar hian ngaihtuahna seng se a va \ha em. Mipui hnen a\ang hian engzat tak rut ang maw?
Tea, Aizawl
9436155077
Pu Zodintluanga press statement avangin MLA meeting an ko rum rum a, MNF sorkar an va buai ve le. A hma khan a nachang an lo hre nge maw ni le sorkar hian.
8729914955
Private ngaihdan, keini private sikula thawkte hi part time-a thawk lekah min ngai em ni aw? School session April to March thleng leave awm mumal lovin kan thawk ve \hin a, sorkar hnathawk zaa 10 cut tur pawh \henkhat an lungawi lo a nih ngai chuan keini hi chaw tel lo va khawsa thei turah min ngai em ni? Zaa 50 fee pek tur an tih hi naupang an kal emaw, kal lo emaw lampang aimah chuan zirtirtute hlawh bakah building luah man atana tih a ni tih hi i hrethiam ang u. Kan hrethiam lo a nih chuan tuna private-a thawk zawng zawng hian thawk lovin hei leh chen kan awm thei tho a lawm le tiin insangmarin thawh theih hunah bang ta vek mai se. Covid vanga rei tak chawlh chhung khan eizawnna dang kan dap lo thei si lo a ti ta se a buaithlak ngawt ang. Tuna zaa 50 fee pek sawiseltute hian an fate a tam zawk chuan private-ah an kal tir ve ngei awm si a. School neitute pawh hian an hnuaia thawkte dinhmun tur hi a hrechiang zawk an ni ngei anga hetiang dinhmunah hi chuan inphal ve deuh se an staffs te vanga school run thei chauh an ni tih hi theihnghilh lo se. Mahni \anghma (interest) chauh kan dah pawimawh a tin ni. Midang tan \angkai i tum \heuh ang u khai.
The Private
8732838671
Kan dinhmun derthawn zia hi kan ngaihtuah chiang em? Kum tam a ni ta, UT kan nih kuma piangte khan tu hmel an hmu ta. Mahse, thla 3 ei pawh kan la thar ta chuang lo. |hangkhat lian hruaitu pakhat hnuaiah kan awm chung pawhin kutdawh hnam kan ni pha awrh a, khua a van var lo tak em. Rua kan ching leh phawt dawn chu a ni a, eng tak lo thleng ang maw? Covid-19 pawh lo thleng ni se RUA kan nei tawh dawn a, Rawtuai kan ring tawh mai ang chu.
The spect
8974369218
March thla tir lam a\anga insum ngat ngat kha an puak keh \an. Chanchin thar ngaihthlak a hahthlak \an, chanchinbu lah chuti bawk. Mizoram sorkar sum harsatna sawiseltute hian Central lam pawhin harsatna an tawh nasat ve tho zia hi an han hre lo der vel bawk nen, inkharkhip khirh vanglaia Mizo dik tak thinlung a\anga chhuak lungrualna rilru kan put dial dial lai kha a ngaihawm vawng vawng. Kan heti leh zo ta si a.
Mi zawng zawng Putea Mizo
8413024376
Mizoram khaw chhak lam, CHAMPHAIa awm \hin Sap ho sak, IB leh Sap ho sak DAMDAWI IN kha a uihawm, Mizoram history an ni bawk nen.
9862818475
Tun Covid-19 avanga sorkar hnathawkten hlawh cut sak an duh lo a nih chuan Daily rate hian sorkar hian an hlawh pe mai se a \ha mai lovang maw? Keini sorkar hnathawk ve lote pawh hian inkharkhip avangin hna kan \hulh tam tawh a, kan thawh loh hlawh kan la bik chuang lo va, Department \henkhatte an thawkrimin a full-a la thei an awm ang. |henkhatte chuan thla khat dawn hlawh la lo turte an awm dawn a, sorkar hian dik takin rorel mai se, thawh loh hlawh lak ringawt chu an tum bik ka ring lo va, mipui pawhin an hrethiam zawkin ka ring tlat.
9862014844
Kum 30 chuang state nih hnu pawha a engmaha intodelhna kan ramin kan la nei lo hi chu kan politician ho hian a tak tak an duh lo a nih hi tih a awl hle mai. A lan chianna chu tunah harsatna kan han tawh a\ang hian a chiang hle a ni. Pute u harh dan \ha-in harh chhuak lul teh u’n.
Om Omi Pu
9862322234
Kan Chief Secretary hi mi fel tak chhungkua an ni a, kan hre \heuh awm e. Chutihrualin tun kan dinhmunah chuan a fel mah mah em aw ka ti. CM hna zawng zawng hi a khawih ta vekin ka hre maia, finance lam nen hian. Kei mimawl hian ka hrethiam chiah lo a ni e.
7005678161
Police report tang chuti zat chu an awm tih a rawn puan \elh \elh hma chiah hi chuan hripui leng avang hian mitin hi an tawmim vek awm sia, kan police ho pawh tualchhung thilah chuan an hahdam phah rawih ang chu tih lo beisei palh a awl hle. Mahse, a teuh lo rapthlak lutuk. Hnam huaisen tih takah hripui leng leh police tih vel mai maite chu kan pal bawrh bawrh zel mai a ni. Mizote hi mahnia thia kan \an phawt loh chuan mi thusawi a\ang ngawt chuan thuawih leh harhchhuah kan harsat deuh \hin hi chu a rah kha zet hi kan la ei mawlh ang maw le. Inla rorum ve deuh tan chuan ramriah taima takin rorum ang aw.
Tlangvala
9862349117
Sorkar chuan hri dona tur puala hlawh cut remti leh remti lo chu chhinchhiah hrang rawh se. A phal lo na na na chu lak sak lo bawk sela, hlawh cut avanga sum leng vel tlem phah tura sawitu khan sawi tur avan zia i tilang mai mai a ni. Sorkar hnathawk tam ber hi chu kum khat pawh hlawh la lo se buai miah lo tur an ni e.
No. thup
8413032247
Tun kan sorkar sum harsatnaah hian mipui zingah rau rau pawh hian zu zawrh ka duh lo ti vel ho khan sum hi han thawh uar viau teh u, mi hausa tak tak hlir innih a rinawm bawk a. Tin, kan sorkar pawh hian zu sum hmuh ai chuan tihtawp a thlang kha a nia, sum hi chu a awmna a hre viau turah ngai ang. Zu khapa a chhiah lak loh a tuipui viau laiin a duh tana duh hun huna lei tur awmna hmun erawh a khap hneh lo nasa mai sia. Zute kha zuar chhunzawm ngat se chuan tuna sorkar hnathawk hlawh cut tur tih velah te hian a la insum thei mai lo maw tih hi a ngaihtuah theih viau mai.
Afaka hmar
8974807097
Covid-19 vanga ramin harsatna a tawh mekah sorkar hnathawkte hlawh a\anga zaa 10 cut sak tawk tur te thlavang kan hauhsak nasa hle mai. Cut sak hnua a la bang hi a tam thawkhat e. Thingtlang harsa ve tak takte pawhin ram chawhmeh leh thlai tharte lakhawmin khawpui lam mite min \anpui ve leh chhawng zawk a nih hi. Eng zatin nge i inphal ve dawn tih hi a ni zawk.
Puipuii Pa
84140 29478
Hetia sorkar hnathawkte hlawh cut han sawi a nih a, sorkar hnathawkte inrawn phun liam liam hian sorkar hnathawk hi inlo nuamsa rei hle mai tih kan hmu chhuak. Keini thingtlangpa, Kut tuma chhungkaw chawm lai tan chuan thil mak a tling. Inhlawh chhete an cut sak che u a, rethei tur ber ang ziazanga inhan phun sup sup mai hi a zahthlak tih hre teh u. Bakah sorkar roreltute, Minister, MLA te cut sak che u pawh a ni lo va, inhruaituten ‘hrileng do nan i thawh ve ang u’ an ti mai a ni lo’m ni? Tuna inhlawh tlem intih kha hlawh tur pawhin lehkhathiam hna hmu lo, lo neia eizawngte hian kan lo thawk ve tawh ang chu. Keini tan chuan kha pawh kha a thlakhlelhawm a sin.
K. Hautea, Haulawng
87946 23211
Chief Secretary-in tihluihna awm lovin anmahni mimal thu a nih thu chiang takin mipui hriatah a sawi vek tawh a, Chuti chunga FMGE&W lamin an helh em em mai hi a mak ka ti. A phal lo chuan an pe lo mai tur niawm tak a ni sia.
RR-a pa
96122 96526
Covid-19 dona kawngah khawvel mipuite kan theih leh thiam ang angin hma kan la a, do hneh erawh a har zia kan hre awm e. Kan theih ang anga hma lavin sorkar leh ram mipuite kan \anrual a ngai tih a chiang a, khawtlanga him nana mi inpe te, kan Doctor leh Medical lama thawkte bakah LLTF/VLTF zawng zawngte dinhmun hi a hlauhawm tak zet a, an ni hi kan thlawp \hat a ngai takzet a ni. Kan Doctor rualte dinhmun hi kan dâwn pui lem lo ang tih hi a hlauhawm a, a \ha kan duh lai hian a chhe ber kan dawn thiam a ngai a, enkawl zawh loh khawp kan thlen hmain inveng thei a kan la awm lai hian thuawih leh dawhthei takin kan tawrh hram hram a ngai a ni. Tin, tlangkam titi a\anga ka hriat danin ram pawn a\ang vai mistiri te’n handyman-a inchhalin kan rama lo luh ruk tum an awm nual niin an sawi a, hemi chungchangah hian border lama duty-te pawh kan fimkhur lehzual a, kan check uluk a ngai khawp ang. Tin, kan vela hnamdang awmte pawh kan chhinchhiah uluk a, kan inven tawn a ngai viau. Task Force member te leh Security hna thawkte hi mitinin kan pui thei a ni tih hriaa hma kan inlakpui tawn reng hi a pawimawh hle tih i hre thar ang u.
Jemato of Leitlangpui
98625 41301
Sorkar hnathawkin an hlawh tlemte Covid-19 do nan leh ram tluchhe tur ven nana an thawh ve hi thil tihawm tak a ni. Chutihlaia party \henkhatin duh lo tur leh thil \ha ti tur a\anga hel tura rilru an pek theih nana thuchhuah an lo nei ve hi chu sim a \ha ngawt mai. Sorkar hnathawk pawh he hri hian a man thei, sorkarin sum a neih loh chuan hlawh chanve lai pawh la lo thei an ni. Covid-19 do nana hlawh tlemte pe phal lo hian hri hi vei se sorkar \anpuina tel miah lovin inenkawl an huam em le? Rilru hel deuh neite pawh inngaihtuah harh se, ram leh hnam hmangaihna rilru puin an ram leh hnam hi chhanhim rawh se.
LT Ralte
