Kan pu, Pu RK Lianzuala, nikum March ni 9-a he lei hrehawm chhuahsan a, natna reng awm tawh lohna hmun Van in nuama A rawng i bawl sak \hin i Lalpa hnena min kalsan takna ni champha vawi khatna kan lo thlen hian i kalsan tak Zonet-a i naute, i thawhpuite leh i chhung leh khat te hian kan ngaih che a zualin, lo kir leh thei la tih hi kan duhthusam a ni. Mahse, Van rorelna chu mihringte dan rual a nih loh avangin ngai tak chung chea kan thlah che a \ul si. Vawiin hian kan hre reng che a, kan ngai bang lo che a ni tih kan lantirna hi min lo thlir sak ve ngei la kan duh hle mai. Kan nghilh lo’ng che khuareiah pawh.
“Hla taka khaw dur leh ruahpui sur
Piah lama saw,
Chatuan eng ropui tak a lang e, A va nuam dawn em aw!
Chutah lungngaih, nat leh in\hen
A awm tawng lovang;
Chu lui kamah kan intawk khawm ang,
Kan chatuan inah khian.”
I naute, ZONET STAFF
TV kaltlanga sorkar Doctor te titi ho ngaihthlak hi chuan chumi khawl chu kan nei tawh a tih deuh vek a nih lai si hian private hospital kan pan ruih ruih lawi si \hin hi eng vang nge ni ang? Sipai bo lo pawh kan bang ve map tho mai.
LB-a Pa
84140 29478
Tunlaia hripui leng COVID-19 in heti khawpa khawvel a tihbuai lai leh India ngei pawh min rawn luhchilh a, Zoram mipuite pawh kan chiai ruk tawh viau laia a vei leh vei lo enna khawl, khawl ropui tak pawh ni lem lo, kut pakhat lek pawha lek kual ve ve theih lehnghal, pakhat te pawh kan la nei ve lo va, a vei confirm tura phailama thisen thawn la ngai tlat mai hi chu a va han tih chi loh kher em! Hetianga mipuite himna atana a hmalatu tur ber ram hruaitute inthlahdah vang hian Zoram hi kan pûl puk mai ang tih hi hlauhawm tak a ni. Hei tunah kan Health Minister lahin “a vei leh vei lo enna khawl lei thuai a ni ang” a la ti ve det det chauh mai lehnghal a nih hi. Tunah hian a veite ngei pawh hi kan lo chenpui reng tawh lo ang tih hi tunge sawi thei? Anmahni ham\hatna atana hlawh pun, motor thar lei, loan tihpun tih vela hma la chak em em si, mipuite tawrhna rapthlak thlen thei thila vuaicha leh tlat si hi hriatthiam a va har kher em! Mahse, zam mai lo ila, min ngaihsaka min hrerengtu Pathian neitute kan ni. A kutah \awngtaiin i inkawltir tlat ang u hmiang.
Estheri Nu, Aizawl
93666 30785
Chapchar K<t chhim tura Lammuala kal putar pakhat, a \hut tumnaa \hut tir phal lotu kha khawi veng nula nge? Hei chu YMA nula tlangval \hutna tur a ni e tiin duty khan a lo hnar niin chanchinbuah khan a lo lang a, rilru a va tina ve aw! Zonun zemawi chawisan thupui neih kum tak lehnghal. Upate zah leh chawisan nen chuan a va inpersan si ve le! Kha putar kha beidawng takin Chapchar K<tah pawh kan leng ve ta lo a nih hi tiin a haw ta a ni awm e. Tu thiam loh ber nge ni ta ang le?
Thlirtua
98625 66388
Kumin 2020 Chapchar K<t chu a ni hnih ni khan ka tel ve a, ka rilrua thil lo lang lian ber chu Kut hnathawktute hi kan State-ah hi chuan an vanduai a ni. Tuna sorkar mekte ka selna a ni lo. Ropui takin zai leh lamin kan hmang a, a hmangtute zingah VAHCHAP hre lo leh Mangkhawh hre lo an tam em mai. Hei mai bakah hian hlo thlawh a lo hun a, HNUHPUI, HNUH HRAM hre hrang miah lo ten Chapchar K<t kan hmang a, mipa-in ruih kan nei a, kan lam huai viau. Hmeichhe lam hian ruih an nei ve em ka hre lo, kan feng chhing ngam viau bawk. Tun hma chuan nulaten an fen chhinna chhan chu thawmhnaw lama kan harsat vang a ni. Duh tawka puanthan lei tur awm hnu pawha fengchhing tak, a hnuaia skin tight emaw ha leh si lo hi chu kei chuan nalh ka ti ngang lo, anmahni chuan nalh an intiin SEXY an inti mai thei, mipa tam zawk mitah chuan a SEXY miah lo tih hi lo hre hlawm teh se.
Johan Lalrinawma pu, Saron veng
94363 92544
Serlui bial MLA khan MNF chuan ramri venhim a pawimawh zia a sawi kha a \awngvai nge a harh chiang lo? A bial chhung ngei Vairengte thlang ASSAM vai hovin min awp laksak te hi a hre ta lo em ni? Pu Rama leh a pawlte hi vai ho hlauhawmzia hre chiang bertu an ni a, duh tawka vai hovin an lo vuakdup tawh hnu tan chuan vai ho lak a ta ram lak let leh chu a har khawp ang. Dawl zawra zawr tawh hnu kha an ni tlat a.
Thithii, Thingdawl
8730841016
Tlabung MZP ten dan loa khaw din chungchangah YCA ten Central-ah hnam ang zawng inthliar anga sawiin dawtin min hek an ti a, Mizote hi khawpuia pem \hin kan ni a, Chakmate erawh hi chu sorkar pawhin rem a tih loh, in 4/5 lek leka awm tum tlat mai te an awm a, Serhuan Chakmate pawh hian tuilian chima mi huana awm reng ai chuan in leh lo ngelnghet neih hi \ha an ti zawk niin kan hria a, YCA ten Central-a dawta hnam inhuatna ang zawnga an kalpui a, sorkar dan an zawm peih lo a nih chuan Bangladesh-ah khuan an duhdan danin zuk awm mai se a \ha mai lo’m ni TIH HI KAN NGAIH DAN A NI.
Tlabung Uitangrual
9862014844
Thil engpawh hi a \hatna lai chauh kan hmuh hian kan lawm em em a, a lawmawm loh ni lovin a chhia a lo thlen hunah engtin nge ka tih ang tih hi kan lo zir tel \hin tur a ni. Kut ben hluah hluah ringawt hi a ni ber lo. Kan lawmna hian nakin atan \ahna min thlen thei em tihte hi kan chhut fo a \ul hle mai.
Fela pa, KK
8118904367
Chapchar K<t Art Exhibition-a India leh Asia chhim chhak ram mi pawimawhte hmuh tura kan CM lem nuihzatthlak tura phochhuah a ni kha a thinrimthlak hle mai. CM lem ang chiah kha 2019 kum tawp dawn khan kan Kohhran Puitling Sunday School Group-ah rawn forward a ni tawh a. He lem ziaktu leh tar phaltu lakah hian ‘Defamation Case’ court-ah file ni ngei rawh se. Right to freedom of expression hman sualna a nih leh nih loh chu Court-in a tichiang mai ang.
