Vairengte thlanga Assam forest ho in sak kan inchuh lai hian chowkidar pawh a riak tur a ni lo, an ta a nih loh avangin an riak bik tur a ni lo.
Thlirtu
9436198725
Sorkarin ramri atan BEFR 1875 a pawm hi pawm awm tak a ni. Sawi leh sawi hnu, Congress leh MNF sorkar hi zawng, Assam ram nen kan inri-na kawngah hi chuan indawi thlawt a, dawi lo thei lovin ram inhruai a, State intodelh tur zawngin hma inla lova, hna inthawk lo a ni. Hei hian buaina neih hi a cho thei lo. Intawktarh ber chu chhan leh vang pawh awm lovin SEM a ni mawl tawp a, chutiang khatianga hma la peih tan tih pawh a awm lo. Chhung tinah cheng chuti zat kan sem ang tih a ni tawp. Ram mipuite taimakna kawng leh tha thawh duhna chawk phur pha lo inzuar hi a pawi thui dawn khawp. Chuvangin harh ula, State intodelh leh huaisen thei tur zawngin Mizo mipuite min chher rawh u. Buai kan tlin lo.
RK Sanga
9862366590
Ram ka vei kan ti maw? Kan vei tak tak a nih chuan chhim lam kawtchhuah kawngpui laih mek hi lai tlang thuai i la kan him mai lo’ng maw?
8414877261
Lirthei intlanchhawk hi lirthei tipungtu a ni tih hi ram hruaitute hian an hre lo nge tihngaihna an hre lo zawk? Keini mai mai pawn lirthei pathum kan neih a ngaih phah a, kawngpuia tlan hi a ngai reng ang. Tunah pawh zam a reh loh nasat hi.
L. Ralte
9612164596
Pathian leh kan ram tan titu tan awm hle hle a va hun ta lo em. Kan ram neih chhun hian chhantu a va ngai em. Pu Hawla sorkar lai khan chuan an pau lian ve viau khan ka hria a, tunah an kut zalah an tlu a, ram chhan tur hian an feh chhuak ngam dawn em? Kan ram chin hi kan la let leh ngam ang em? Ramria sipai dah ngawt hian awmzia a nei dawn em ni?
RZA Ralte TD
8730841016
Mizoram leh Assam ramri atan Bengal Eastern Frontier Regulation 1875 pawm ringawta hmlakna awm si lo hi awmzia a awm lo.
Zobawiha Pu
7005799537
MNF sorkarah chuan kawng chhawngte, khelmual chhawngte kan nei thei dawn niin an sawi a, neih hlan a va nghahhlelhawm em!
RUALAWTA
9612691391
Ramri-ah bawk maw kan buai leh tak? A va zahthlak em! Ramri chungchang sawi tur chuan MNF sorkar chak tak lah a ngawi reng mai bawk si. MNF sulhnu fel lo, ramri ti fel lova inremna an siam result kal chho zel, an sa lu hawn tur hawn lova an lo haw rah chhoh zel a la ni miauva, a zahthlak khawp mai. Vai ngalria thi thei pawh kan ngam lo chu a ni ta. Kum 2018 inthlanpui kan neih \uma MNF party campaign auhhlaah pawh khan Assam leh Mizoram inri-na boundary kan chingfel ang tiin Zoram dung leh vang an fang chhuak a, chuti chung chuan Lailapur state ramri-ah buaina a chhuak a, kan MNF sorkar chak tak leh kan CM ni bawk lah hian \awngkam khat mah \awngka a nei duh der mai si lo. Keichu ka beidawng tawh takzet a ni. Keimah anga Mizoram hmangaihtu hi in awm ve a nih ngai chuan inhmuh khawma Mizoram, kan ram neih chhun chhan tur hian rorel khawm a hun ta e. Cabinet meeting-in kum 1875 state boundry kha Mizoram state ramri-ah kan pawm e tia office chhung a\anga lo pass ngawt hian Assam sorkarin a pawm ve si loh chuan awmzia pakhat mah a nei si lova, chuvangin ka Mizopui eng nge ka tihpui theih che u, keimah anga Mizoram hi inhmangaiha, intu leh fate chenna atana inla duh a nih chuan Zoram chhan tur hian pen chhuak ila, ramri chingfel tur hian rorel ila, hma ila ho ang u hmiang tiin ka sawm tak meuh meuh che u a ni e.
Ramveitu, KLB
9612226314
MNF kan sorkar chuan cheng nuai thum, chhungkaw nuai hnih leh sing nga hnenah kan pe \heuh ang, party dang, Congress pawh kan pe vek ang ti tute chu an sorkar ta ngei a, uar tak maia an aupui kha mipui hian kan hre reng dawn, kan dil ni miah lo, min tiam leh an inzawrhna a ni. Cheng nuai thum chhungkaw nuai hnih chuang fe hnena pek tiam hi a huphurhawm hlea kan hriatpui laiin an tiam ngam miau mai si a! Hetiang vel mai mai ram hruaitu neih hi zahthlak kan ti ang nge, hlimawm kan ti dawn le? Ram tana thilti tak tak mi hruaitu kan neih loha, duhthusam mai mai, mithiam zawkte nuihzat ruk rual lek kan vawrhchhuah leh \hin chhung hi chuan khua a var lovang kan Zoramah hian.
Ramtea MZ
9862539105
ZPM-a tel MPC hian mahni party \hiata ZPM-a inchhunluh hi an duh lo a ni mai lo maw?
Duata pu
8730099759
Democracy ramah Dan chunga leng tumah an awm lo tih ni mahse, Mizoramah hian roreltu leh sum ngahte chu dan chungah an leng tlangpui. Hmanni lawkah pawh Bawngkawna Mana Motors ep lamlian thlang lama sumo ding 3 chu man a chawitir an niin an sawi a. Chutihlaiin an chawitirte dinnaah tho hian Mana Motors hian an motor thar hralh tur 4/5 an tlar del dul fo si. Man leh chawitir an nih thu sawi a awm ve lo. Loan-a lei sumo leh sumo driver hlawh tlemte neite chauh chawitir ngam, mipui zahna nei miah lova kawngpui ti tawta sumdawng kumtluante, milian engtin maha ti leh ngam si lo ho hi dan leh mipui zah lo, dan chunga leng nia inngai tlat te an ni e.
Ram veitu
9089667399
Intihfing si aia upa zahna nei lo hi an van tam tak em. Hei chu nu leh pa zir lohah ka ngai.
No. thup
7085210279
Bagha aṭang chauh hian em ni pur kan chawk luh theih? Manipur leh Tripura State aṭangte hian kan mamawh lakluh dan hi sorkar hian ngaihtuah ve sela, Assam nena han buai hlek hian khutilai vai ho lah khuan a fawng vuantu an ni tih hi an inhre ran mai si a, kan duh ang pawn kan ṭang ngam lo zel chu a ni hi maw? Ram leh hnam veitu inti te hian nuai 2/3 ka sem ang ti ti lo hian kan ṭhenawm State aṭanga pur chawk lut dan hi han dap vat vat teh se. Tichuan a \ul dan a zirin kan ram chhan nan kan inkhuainuai tawh mai dawn a ni.
Amos LT Hmar
, Sesawng
82569 01123
Ramri buai chungchangah kan sorkar thar chu a vuaicha ve leh ta viau mai a ni maw?
Nikum lam an Opposition laia Zophai buainaa an han viak \hat tehlul nen khan TV lamah nen thawm an nei lian viau mai a nih kha.
Hei tunah Lailapur lamah Assam lamin dan bawhchhiain buaina an rawn siam a, a hmaa pawr tak taka thusawia invaivung velte kha khawnge an awm tak le? Chengkawl ang maiin an ngawi ve leh ta hmiah mai dawn a ni maw? Nge nia hmalak ngaihna hi an hre ngang lo zawk? Kum 10 chhung an lo enliam tawh kha a ni ve tho mai a.
Hetiang a nih chuan Pu Duhoma lehkhabu ziah “Barhluih Ramri” te kha chhiarin, inzir nan hmang se, hma chu an sawn phah ngei ang mawle.
Valpuia Pu
9366630785
District thar pathum a piang, kan lawmin a petu pawh kan hawi haih haih a nih mek laiin khaw tam tak an lawm ve hauh lo mai le? Engtin tak kak zel ang i maw?
LB-a pa
8414029478
Khai le…MNF sorkar chet a va hun ta ve. Ramri chinfel min tiam ang ngei khan han chingfel thuai teh u. Inthutiamah in ding ngam dawn em? Zoram mipui hian kan thlir reng che u. Inthutiam kha insuta kan ramri hi inching fel lo a nih ngat chuan tun bak chu Zofate hian “HUN” kan pe tawh lovang che u. Ramri buai chingfel turin MNF sorkar lo chhuak thuai teh u.
Awmawma Nu
Aizawl
9862289125
Council of Minister \hukhawmin BEFR 1873 ramri-ah an pawm tih hi thil ropui a ni lem lo. Lailapur bul lawka kan ram chhungah vai hovin Forest Office an rawn chei \ha a, an luah lumlai pawh an uipui tui lian thlir mai mai a ni a, engtin nge an tih chuan ang aw? Thil ho mai mai a ni.
RINGLOVA
97740 31912
Tun hma kan Mizote kha chu an huaisen a, mal leh malin an insual \hin a, tunlai kan \halai, a bikin mipate hi in va dawih ta em em ve? A huhova insual rawn te in ching a, in ngam a nih chuan mal leh malin inbei ula, chuti lova mi pakhat mi tam tak insual rawn te chu a dawihzep thlak em mai. Hetiangte chu in nu rual pawhin kan ngam ve tho ang chu.Tin, zu leh ruihhlo laka tlanchhe ngam turin huaisen rawh u. Indawih lutuk a, zu leh ruihhlovin a hneh vek tawh che u hi. |an han la thar leh teh u Mizoram tan.
Aizawl Nu
