MZP-ten School zirtirtu inkhairual lo an ngaimawh hi a lawmawm hle mai. Mahse, an vei ang hian anmahni hian zirtirtu hna hmu ve ta sela, engnge an nih ve ang le? Kan ngaihdan leh duhdan hi a kual a kual vel mai mai a ni thei mai lo maw? Ngaihtuah peih te tan.
LB-a Pa
————-
Keini Khumtung khuain tun \um kan RATION BUHFAI lak chu leh a uih thur \uau mai nia. A nawi em em mai lehnghal. Buhfai bag ni lovin buhkem pack niawm tak a ni. A rawng telah hi alkatra tui dal deuh reih ruiha rawra nawi zu chiah ang mai, a sen uk thir ther a, thenfai ngaihna reng reng a awm lo. Hetiangte han inlak tir te chu. Tu mawh nge? Tu sorkar thiltih phiangsen nge? Min petu hian ei ve rawh se, a tui lo rapthlak lutuk.
No. Thup
————-
Zirtirtu inkhairual lo hi chu khawvel tawp thlengin a awm ang. Tun anga zirtirtu lak a nih chuan a reh lovang. Aizawl mi tan, Pre-Primary training a awl si a. Tun hnai mai pawh khan Lalhlimpuii (Mahlimi) pawh an dah nghet a, Aizawlah an la chho leh daih. Entirnan Mauchar khuaah zirtirtu, Primary emaw, Middle a ni emaw, Mauchar khaw tan la sela. Chutiang zelin ti se, a ziaawm mai ang.
9612880873
————-
Kan sorkar hrawn mek chu an VIP MIRETHEI te ration min pek ve chhun buhfai sehrep tam tak leh gas vang tak nen, hetiang hi maw mirethei VIP chu? Mipui nawlpui pawhin kan sorkar kalphung pawh hi sawisel nachang pawh kan hre lo \an tawh a nih hi! Ngaiah kan nei tawh. Thingtlang ho lah hian sawhthing hralhna \ha tur, ZPM sorkar tir tum nachang kan la hre bawk si lo, kan hahthlak teh e. Mipui hian kan phu tawk lek sorkar kan nei a nih hi.
SANGA
————
Kum 2016 leh 2017 khan Mizoram University Zirlai Pawl, Discussion Forum chuan kan Political party Leader \heuh te sawm bikin Varsity Platform a buatsaih a, kan MA zirlai rual leh Journalist, mithiam rualten Zoram hmasawnna atana an hmalak tum dan kawng hrang hrangin zawhna pek an ni. Heta thilmak deuh mai chu he programme pawimawh em em hmanpuia, Pu Duhoma te ho nena \hu hova zawhna chhang tur hian Pu Hawla leh Pu Zorama te hian rokhawlhna, a kum zawna neiin aikal an tir ve ve tlat zel mai hi a ni. Nikhat pawh CM dinhmun la chelh lo Pu Duhoma hi an hlau deuh em ni a tih theih. Kumin hian he programme hi an buatsaih leh a nih chuan huaisen taka tel ve ngam tawh turin kum 33 chhunga kan CM-te hi i lo beisei ang u hmiang.
Zoram Thlira
————-
Tunah TUIKUK tam tak Mizoramah an awm a, hei hi kan tan a tawk lo em ni? An Original Home State TRIPURA-a kir leh duh vanga dawt hmanga insawi \haih, dawt tlawhchhana an Home State Tripura-a tlanchhe der an ni mai lo maw? Home Ministry-in Mizorama an kir leh dan tur ruahmanna fel tawk tak zawn duh lova, ham\hatna dil belh zel TUIKUK-ho hi Mizote dinhmunah hian ding ta sela, Tuikuk ho laklet leh hi an dodal nasa khawp ang. Mizote hian kan dodal ngam lo hi chu a mak a ni. Tuikuk ho hi an original home State Tripura-ah hian kir leh vek sela, buaina a awm miah lo ang.
Vena Pu
————-
Tuna kan Zoram dinhmun kan thlir hian Zoram mipui, nu leh pa, \halai, pitar putar thlengin kan lung a awi chiah em? India ram State hnufual ber dinhmun kan luah nachhan hi eng dang vang mah a ni lo, keimahni tuhrah ngei kan seng a nih hi. Kan vote chhuah te rah chhuahah hian kan tel ve ngei a ni tih hi i hria ang u. Kumin General Election kan neih leh turah pawh hian Zoram Budget, mipui sum, mahni party ta bil emaw tia vawmral chingte kha em ni kan hruaitu atan kan thlan leh dawn? Nge hmasawnna tluantling, kan tu leh fate leh Zoram tana CHANGE thlen tir tum, ZPM-ah rinna nghatin kan vote zawk dawn le?
Zo Nehemia
————-
MLA te kuta sum an dah zozaite hi chhutpui tham a ni e. MLA Fund a ni a, an bial chhung tan chauha hmasawnna tura dah a ni. An bialchhung khaw hrang hrang, hmasawnna project mumal tak siamna tur a ni. MLA Fund kan tih hi mipui sum a ni a, MLA ten hman theihna power an nei mai a ni zawk. An hmanralna hi a bial mipuite hian kan hriat tlan vek a ngai. Kumin 2018 hi MLA inthlan kum a ni a, mipui hmasawnna tur aia a semral mai mai tur zawnga an kal tur ven tlat a \ul.
PH FANAI
————-
Tlabung Uitangrual \obul leh hmingput chhan chu ila hre lo a ni thei e. Congress hotupa Saipuia intiin MNF-te chu min diriamin min koh nan pawh uitangho min ti a, chuvanga uitangrual inti kan ni e. Mihringah uitang tak tak an awm ngai lo tih hi Zoram mipuiten lo hre teh u.
KHAWTHLANG MIZO
————-
A in \hinten sim an tum si lo. Chuvangin keini chhung chuan a man tlawmin zu (sapzu/rakzu) kan lei thei a, sorkarin chhiah a hmu bawk si. Permit neia zu zawrh hi \ha kan ti. A \ha ber chu zu in awm miah loh hi. Blacker ho hnen a\anga to taka lei hi kan zo lo.
The Communists
————-
World Class Education hi a va lo ropui lo ve! Zirtirtu sem rual thei lo Education Dept. hi!
L. Khawlhring
————-
Zalenna sual party-te hi ram hruaitu atan an lo \ha kher lo. Entirna \ha berah chuan India ram zalenna sual chhuaktu Indian National Congress kum 60 chuang rorela India ram corruption hmunpuia siamtu leh Mizoram zalenna sual chhuah tum hlawhchham leh si MNF party, an pu berte thlenga eiruk thubuai neite hi a tih theih ang.
Hamle
————-
