Inthlan leh hunah ZPM party pakhata an inchhunkhawm theih chuan an Sorkar ngei a rinawm ta. Tuna kan sorkar hrawn mek lah hi inthan hmaa an intiam vak vak ang kha an pha dawn lovin a hriat ta tlat mai. An buai hle dawnin a lang. Tiam ngah lutuk pawh hi a tawpah buaina a thleng duh viau a ni. I lo enchhin phawt mai teh ang u.
RAMVEITUA, Aizawl
9862384183
Tunlaiah mitinin TV kan nei tih theih a ni a, khawvela ram changkang leh, nuama mite khawsa zia, chhun zan zawmin kan hmu hlawm a, mir etheite tan chuan rualawh a va na duh tak em! Keini ram hruaitute lah chuan rual min awh sak ve mang hauh si lo! Huiha, heiha an tuikhuah tum ve lah chuh tuivai an ti emaw ni? Ka hre sual em aw? MW 24 pe chhuak thei tur an ti ta-in ka hria. An pawisa senso tur leh mipuiin kan \angkaipui dan inphu tawk pha tak ang maw? Mipui sum luan ral nan chuan a uihawm leh pek dawn mange. Hengte ai hi chuan State dang ami lei buai ngai tawh lo turin, a tlem berah MW 150 aia tlem lo khuah tumin bul \an ngam law law ang hmiang. Mipui zawng zawng kan lawm rual vek zawk ngei ang mawle. Entirnan, Chhimtuipui Kolodyne luiah te sawn MW 1200 lai pe thei tur khuahna remchang tak a awm niin chanchinbuah te an ziah tawh nghe nghe kha. Hetiang lama hmalak law law te hi sorkar tan hian a hlawkna tel ve tur a awm loh an hlau lutuk tihna em ni zawk ang le? Vai company khuah tir kher ngai lovin kan ram Budget a\ang hian kum tina tlemte te-in a DAH theih ve hlawl loh em ni? SEDP an tih chamchi pawh dah an tum tho a ni lo’m ni? Nge nia an vei tak tak thlawt lo zawk?
8131051855
Dik tak leh fel taka sorkar siam tuma insawi kan sorkar thar chuan MPSC chu thil dik taka ti hlei thei lovah a ngai leh \an ta a ni maw? Mipui tan ni lovin party induh sakna bawk an hawi \an leh ta chhur mai. An insawimawina thu bak beisei tur a awm leh ta lo tawp mai.
Thlirtu Mitfima
9436754005
CAB, 2016 chu pharh a ni dawn a, MKHC chuan ram leh hnam tana \awng\ai a rawt a, BILL pass nan nge kan \awng\ai ang a, pass loh nan tih a sawi lo Vanglainia ziah danin.
Mao tse
9436352301
Ramhlun North-ah hian ZONET TV hi en theih loh hun a tam hle mai. INVALID a tam lutuk deuh a ni. No Entitlement a nih chuan auto search-ah pawn a zawn theih loh. ZONET CABLE TV PRIVATE LTD. hian hma inlak loh chuan a ngaihna a awm lo a ni ber mai.
Vena Pu
8787499535
Insak \hatna tur cheng 50,000 dawngtu, pa pakhat chuan a bang satthla-in a in zauh a tum a, a tum leh hisap ang ngawt a lo nih leh si loh avangin, “Ka Extend zim mai dawn” a ti ta mai a, an Policy aupui leh thuchhuah chungchanga MNF ho chet dan nen hian a inang tawk velin ka hria.
Thlirtua
9862289125
Aizawl traffic jam siamtu zinga mi chu Aizawl Municipal Corporation (AMC) hi a ni. Kawng thawl deuh hlek awm se Taxi stand atan an hauh zung zung a, Parking fee ni sela Dawrpui phei leh veng tlafual deuh, Ramrikawn nen fee a in ang reng. Dawrpui phei te angah chuan darkar khatah cheng 100 khawn sela, mi tlemte chauhin nileng lengin an motor an dah tawh ang. Keini tan pawh helai dawrah kan kal ve theih phah dawn asin. AMC tan lah sum hnar \ha.
Zoramthlira
9612126503
Kan Education Minister-in Zirtirtu 1000 vel lak an tum dan a sawi chu a va mak kher ve le. MPSC kaltlang lova Contract-a lak phawt a, nakina la regularised leh tur han tih chuh. Party induhsakna tur tih a va chiang kher ve le. Hetiang vang hian zirtirtu duhna hmuna post theih loh, thuawih lo, ruihtheih thil ti mi, kan tu leh fate enkawl tur kan neih belh leh \euh dawn a nih hi.
|haduha
