Ram dang unaute \anpui hi thil \ha tak a nih laiin Zoram chhung ngeiah pawh \anpui ngai tam tak an awm mek tih kan hria. Kan ram hi relfel hmasa phawt ila a dang chu ngaihtuahna tharin a ni dawn lo’m ni Pu Ram, eng nge i ngaih ve dan le?
8414878291
Lockdown avangin mahni in chhungah kan inkhung a, Covid 19 avang ni loin natna dang, cancer chemo khai ngai te pawh kan awm ang. Mahni doctor ngei pawh kan be thei lo a, damdawi in pan dawn i la’ng mi lian ho chuan motor an nei a, keini motor nei lo tan Taxi service pawh a awm si lo, a manganthlak khawp mai. Tin, lockdown chhunzawm a nih pawhin kar khat tal hun hawn ni rawh se.
9862385339
Mizo ten kan mamawh deuh chu teirei peih hi a ni. Kan hripui hlauh em em pawh hi teirei peih a \ul dawn hle mai pumpelh kan duh chuan. Kan ti hluaia kan thlamuang leh a. Sipai chakna leh tharum hmanga hneh chi a ni lova, teirei peih leh thuawihnaa pumpelh theih chauh a ni si a. A \ul a nih chuan hretheih leh hreawm phawt inhuam ila. Thla thum tal inkharkhip ila kan ziaawm maithei a ni. Vairengte leh a chheh vel te khu veng \ha bawk i la.
8837399040
|awng hman dan dik hi kan sawifo maia ka han sawi ve hlek teh ang. Kohhran ang a hma kan lakna tih te, YMA anga hma kan lakna tih te, K|P anga hma lakna tihte hi han ngaihtuah chiang deuh teh ang u. YMA, Kohhran leh K|P te hian anpui an neih kei chuan ka lo hre ngai lo. YMA chu YMA a nia, anpui a nei lo. K|P pawh K|P a ni tawp mai. Kan Pathian hian anpui a nei lo ang bawkin kohhran pawhin anpui a nei thei dawn em mi Pu Zonet?
RZA Ralte, Thingdawl Thlanmual Veng
8730841016
Heti zawng hian kan sawi ve teh ang. Covid 19 avang hian chhungkaw tam zawk chu kan phunchiar viau pawh niin a lang. Amaherawhchu heti zawngte pawh hian rilrute pawh hi han siam rem ve thung ila. Phunchiar tak kan nih pawhin VLTF ten kan ram tana an thawhhahna, tha leh zung senga an inpekna te pawh hi hriatpui ve \hin ila. Tin, sorkar hmalakna te pawh hi hriatpui \hin bawk ila kan zavai tan a ni ti bawk ila ava \ha dawn em. Lawmte lawmpui ila, tuarte tuarpui ila, \apte \ahpui thiam ila ava \ha dawn em. Hetiang buaina leh harsatna kan tawhlai te hi mahni inzir nan hmang \heuh ila hma kan sawn ngei ang. Tin, phunchiarna hmunah kan ding mek a, tute pawh hian inhriatthiam i tum \heuh ang u.
PC Nghaka
9862419552
Pu Zonet, Mizoram sorkarin lockdown chhunzawn dawn chuan ni 3 tal hawn ni se, office dawr turte pawh an awm a. Tin, mamawh lam hun sorkar hian siam theih se lawm awm hle ang. A \hen chu office-ah pawisa lak ngai te an ni a, tih theih a nih chuan miretheite harsatna engemawzat a sukiang theih dawn a ni.
9366628463
Vairengte leh sorkar an inrem thei ta chu a lawmawm e. Dik tak chuan Vairengte khuain an ngiatte hi a hma pawha sorkarin tih nachang a lo hriat daih tawh awm vek a ni a. Ngiat kher ngai lova lo tih daih tawh awm vek a ni. Ramin hun harsa kan tawh lai hian kan CM hi a muthlu rei ta deuh chu a ni e. Pu Thangtea hi kan CM a ni ber e.
8258999355
Dr. R. Lalthangliana hi kan CM atan ka thlang e. Home Minister Pu Chama hi thlak ni bawk se. Zoram mipuite tlemin kan thla amuang deuh ang.
9862333129
Covid 19 in khawvel a chawkbuai a, hnam changkang leh ropui apiangah a thawk na mai chu a nih hi. Mizoram, hnam rethei berah pawh covid 19 kai pakhat chiah kan la neia, kan va vannei tak em. Lockdown hma vang leh kan fimkhur vangte pawh a ni ang, mahse kan himna bulpui ber chu Pathian mite \awng\aina vang liau liau a ni e. Kan Pathian engkim tithei chuan amite \awng\ai a ngaithla \hin, engkim a bul leh a tawpna chu Lalpa thu vek a ni si a.
Lone Wolf
8837331196
Pu ZONET, tunlai kan boruak avanga a ram puma kan buaina chuan par a chhuang ta a ni ber e. Hetiang khawpa harsatna hi chu Mautam \ampui aiin a nep chuang dawn em ni le? TV leh Chanchin thar hrang hrang a\anga miharsa te chhawmdawlna tura sum tlingkhawm te leh Assam a\ang kan ni tin mamawh lo lut reng te hi keini Zokhaw lam te hian mumangah tak ngial pawh kan hmu pha si lo, a thlawna inpek chu sawi loh, kan mamawh ngawih ngawih damdawi leh chhung tin chakkhai te hi lei tur duh viau mah ila vana rah ang an ni zo ta. Kan ni tin mamawh te hi hmu reng thei ila chuan lockdown hi Krismas hma zawng pawtsei mah u la a pawi lo. Kan Zoram, Pathian nung betute vek awmkhawmnaah hian a \henah ruah a sura a \henah ni a sa a nih hi maw? Pu ZONET, eng nge i hmu ve dan?
Zokhawpa
87941 30417
Pu te u, phai a\anga lo haw quarantine-te pawh chhuah vek an nih tawh hmel a, tuna pawimawh ta bera lang chu ramria lo luhruk tum ven hi a nih hmel ta a. Ramri hi kan ven him theih chuan ram chhung hi chu engemaw hna \ul zualpui leh kan hlauhna lutuk te nen hian tlem tlema thlahdul hret hret hi a thei tawh lo’m ni? Mipui punkhawmna lam chi erawh la khuahkhirh tho siin. Fimkhur erawh theih patawpa inzirtir zel ni se. Kut silte hi a pawimawh in ti si a, a kai theihna hi a tam in ti bawk si a, mi khawih hnu khawih ringawt pawha a kai theih chuan vanduai tan phei chuan fimkhur sen pawh a har hle dawn a ni. Thil lei leh hralh, kan in pek chhawnna leh pawisa inkirna thlenga inkai chhawn theih a nih chuan fimkhur sen a ni dawn chuang lo. Chuvangin chung venna atan chuan kut sil hi a pawimawh berte zinga sawi a ni bawk a, kan chhuahvahnaahte hian tui leh sahbawnte hi keng tel \hin ila, kan ngaih \hat loh apiangin sil mai \hin ila, chungte chu inzirtir a \ha lo’m ni? Tin, PHE dept. hian mipui punkhawm tamna laiah tal hian kut silna siam thei bawk se. Chutianga fimkhur taka kan chet theih chuan a nawlpuia kan inkharkhip hi thlahdul deuh hret hret \an ila, ni tina inhlawhna ei chawp nghal zelte tan chuan a manganthlak \an dawn ta a nih hi; kan \anpui reng thei dawn bawk si lo va. Chubakah heng zingah hian mi pangngai tak tak, khawtlang leh kohhranahte pawh inhmang tak tak an awm ve tho a, chung tan phei chuan \anpui reng nihte chu zahah a lak theih dawn a ni. Chuvangin thiam takin a tih dan tur han ruahman ula, inthik vak chuang si lo va tih dan inhriat a rinawm. Tin, PWD te pawh hian khaw\hat lai hian kawngte pawh hi lo siam mawlh mawlh sela, khaw \hatlai leh road block ngaih loh laite hian tuma tih buai lohin lo siam zo vek sela \ha tur a nia. Hei khaw \hat hun a zo leh \ep tawh a, kawng siamna chance \ha a liam tak ngial dawn a lawm le.
Pa-mawitea
98623 44897
Covid laka inven nan ramri venhim hi a \ul khawp mai a, ram chhungah inner line permit hi veng tin YMA ten emaw, task force ten uluk takin mahni veng \heuhah check uluk viau ila ava \ha dawn em.
70858 45905
Covid 19 lam bawk sawi ve leh ang. Wholesale dawr an hawng a, dawr theih hun siam a ni. A dawrtute hi kan fimkhur lo \hin ngawt mai. Inhnaih te tein kan ding a, inhlat turin kan in hrilh zing hle mai. Tin, mi tin tan kutkawr leh hmaikawr neih reng a har maithei, mimawl ber pawhin kan tih theih chu kut sahbawn a uluk taka sil hi a ni. Hei hi mi tam zawkin ka hmuh ve leh hriat chinah kan ngai pawimawh tawk lovin ka hria. Patling mangang au thawm a lo awm a, ei leh bara harsatna chungchangah hian \henawnte leh local task force-te hi tun aia an bengvar leh zual a ngai niin ka hmu. Mahni in report chu thil har tak tur niin ka hmu. Taka, chhimphei pa inti khan mi mangang au thawm kha i va ngai thei lo ve, i tan chuan inkharkhip hian awmzia a nei lo a ni maithei, mi dinhmun leh harsatna i hrethiam lo a nih pawhin Fakselnaa i thu ziak hi fimkhur thei la, harsatna neih chuan chhungkaw pa ber rilru hi rin aiin a na hma a nia.
Johan Lalrinawma pu, Saron Veng
94363 92544
Theih nise tun Covid-19 hrileng avang a eichawp zawng, chhuak thei lo zawng zawng te, veng tina Local Task Force emaw, YMA te hian an vengchhunga mite zawngchhuakin tui bill, electric bill leh in luahman ziakin sorkarah thehlutin sorkar hian han pek sak vek se, nuai tam pawh a seng dawn em mi? An duh vanga thawk lo an ni si lo a.
SIDIA PA
87940 40907
Tunlai hri leng Covid-19 zet chuan miharsa te min va ti rethei zual tak em. Bill pek theih zawng zawng kan pe, lockdown phelh hnu hian engtin nge bul kan \an tak ang le? Sum a zo ta. Ni za hlawh ni se mipui chan tur a bei tham thei si, state dang sorkar tih dan ang hian miharsate account-ah bul \anna tur kan sorkar hian thun sak ve thei se a va duhawm ve.
Serchhip Product
98621 30116
Chhim phei Pa khan mirethei dinhmun a hre lo hle mai maw. Ni 3 inhlawh theih loh avanga mi rethei dinhmun i lo la hre ve lo hi chu vannei in ti la, ngawi ngam zawk ta che. Patling, nupui fanau chawm, kar khat inhlawh theih tawh loh avanga kan buaina hi sawiin a siak lo a sin, rawn sawi tawh lo zawk mai la aw.
|haduha
98623 77622
Bawngkawn traffic jam tih reh nan sorkarin mimal ram sum tam tak sengin a lei a, tichuan kawngpui chu a zau nuamin traffic jam pawh awm mang lovin kan tlan ta zung zung mai. Mahse reiloteah traffic point a mak a mak a lian kawngpui lai takah an han din ta luah mai a, tichuan kawngpui zauhna leh sorkarin mimal ram sum tam taka a leina senso te chuan awmzia a nei leh ta miah lova. Traffic lah chu a hma aiin a jam nasa emaw tih mai tur a ni. Jam loh lai pawh a awm ta mang lo a ni ber e. Two wheeler tan pawh hel \awng \awng a ngai ta mai a nia. Motor lian tan phei chuan kual mai pawh harsa tak a ni ta ringawt mai. A ke hnunglam phei chuan a hrut a hrut ta mai a ni e. |hiah leh theih nise ka van ti tak em. Saw saw awm ta lo zawk se a \hat zawk ka ring, a awm ngei a ngai anih pawhin hnawk si loin dah dan awm leh ta se traffic jam chuan zia awm phah ngeiin ka van ring tak em.
