Mizote tih hmingchhiat duh avanga Mizoram pawna tlan chhuak TUIKUK ho hruaikir leh tuma thlem leh tlawn chitin renga an inpek theih laiin heng ho aia hlu leh uihawm fe zawk Vairengte thlanga kan RAMRI erawh an ngaihsak \ha duh der lo mai hi chu thilmak a tling a ni. An thinlungah hian Mizote leh Mizoram aiin Tuikuk leh an phirpui Chakma ho hi an lo hlu-in an pawimawh hle zawk a lo nih dawn hi! He ram hruaitu inti ve ho hi ek mai an lo ni e. MZP te a tawp rat thlengin chhinlung chhuak tawh phawt chuan kan thlawp che u a nia, \ang zel rawh u nangni tal hi chu.
Tlangvala
9862349117
Zophai hmuna Pu Ch Chhunga rama MZP te side banner tar, Mizote hlauhna chhe te pawh nei lo leh zahna nei lova min rukbo sak tute hi sorkar hian man ngei se kan duh. A rubotute hi eng ang mihring pawh chu lo ni se hre lova awm ringawt hi kan pawmzam ve mai mai thei lo. Chuti a nih loh chuan hel insiama HEL hmanga zawnchhuah ngei ngei tur tihna a ni mai.
Tlabung Uitangrual
9862014844
Ramri chungchang ngun taka han chhut chian chuan North East Area Re-organisation Act 1971 (NEARA 71) pawmtute leh kum 1986-a remna thuthlung ziaktute kha chuan hma an lak vak ngam hi a rinawm lem loh. Record hlui a\anga beih ngai a nih hmel lovang maw?
SAWIVELA
9612691391
Nizana Zonet chanchin thara MZP ten Zophaia chawlhbuk sak leh an tum thu leh an thil tar a lo bo thu te, a la botu chhuichhuak thuai tura sorkar an phut thu an rawn puan kha ropui ka ti a, MZP ka thlawp takzet a ni. Kan sorkar hian hnam leh ram hmangaih bertu party kan ni e an inti bawk a, chhuichhuah sak ngei rawh se. Tin, NGO dang, hnam hnatlang neih nia Thangchhuah kawr haa, hnam iptepui aka, mipui singtel hmaa pawr taka thusawi hote khan heng mi huaisen, thih pawh dawn lova ramri veng ngamtute hi an hnung inzui ve ngam dawn em le? Nge nia \hianten ti se la, keini chuan ral a\angin kan lo thlir zawk mai ang e inti dawn? |hian chhan thih ngam mi huaisen hnam kha kan ni \hin a ni lo’m ni kha?
C. Vanhlira, VP MZR
8131051855
Ramri chungchangah hi chuan MNF leh Congress ho hi chu PAWNFEN feng tlak an niin ka hria. Opposition an nih lai chauhin an vei a nih hi mawle. Hei tunah MZP hmalakna kal zel tur pawh a khap bettute zingah an VC te chu an tel leh tak tlat hi. A hma zawnga Zophaia MZP buk khuar zuk kana, \anpuina sum leh silpouline vel zuk pe a, zuk fuihtute kha an ni ngei si a. Hmanni lawka ‘a var’ kha tunah ‘a dum’ an ti leh ta a nih hi. Hawh u, Zofate hian kan ram hi huaisen takin i humhalh ngam ang u.
Jonathana Pu
9366630785
MNF sorkar chak tak chuan hming a thlak chur chur mai maw? Cabinet meeting-ah pawh hming thlak bak ngaihtuah tur an hre lote pawh a ni ang e, chuvangin hna an la ngah khawp mai. SEDP tih vel chu an rilruah pawh a lang pha tawh lo. Hmawng thlak tur an la ngah em mai. Cabinet-in hming thlak tur an pawm tawh zinga langsar zual an sawi ka han tarlang ngal ang e. Tuirial H/P – Zoram Hydel Project, Aizawl Civil Hospital – Zoram Civil Hospital, AR Lammual – Zoram Lammual, PTC – Zoram PTC leh adt. Ramin hma a sawnna tur a nih phawt chuan hming mai mai chu thlak chur chur mai rawh se, kan chhungkaw hming hi chu min thlak sak lo hram sela ka duh a ni.
9612226314
CM chin tawhte hi chu inkhawhawi hi zau deuh sela chu a \ha ngawt mai. Chanchin thara kan hriat angin CM-in Aizawl East I-a HSLC pass \ha te a lawmpui thu kan lo hria a, ropui ka ti lo. Kan ram a zim, CM meuh hi chu bial tih vel mai maiah hian phe phe suh u. CM chin hmalakna hi chu rampum huap ni zel rawh se. A bialah a chuti a khati tih hi a tawpna ni tawh rawh se. BDO tih awm tawk te te hi kan CM meuh hi chuan ti tawh suh se. Thlantlin innih tawh hnu hi chuan tute pawh party angin chuh mah ula, rampum ta inni tawh. Hengte avang hian a lawm mipui CM kan la nei lo tia kan au kan au \hin ni.
RK Sanga
9862366590
Election campaign lai khan traffic jam tihreh nghal dan kha sorkar thar hian a hriat \hat hmel tehlul nen, tuna an ruahman dan hi chu enchhin pawh ngai lovin a hma aia tam lirthei an ti pung ngei ang. Motor number dang mamawh vangin an lei belh leh sup sup dawn tih hi a lang reng. Chhechhawnga te vai dawr an sawi chu nepte nepte!! A hnungtawlh zawngin hma kan sawn dawn a va ni mai awm ve.
9774031912
Khua a lo \hal leh ta a, PHE Deptt. pawhin an ze ngai, tui neih loh an \an leh ta. State kan nihna a rei tawh a, kan kum khat budget pawh a tam tham ve tawh tehlul nen, khua a san deuh chuan tui kan harsa kumtin mai chu a la ni si a. Khua a la var lo deuh chu a ni. Pawisa kawng bote hi a tam nge ni a tih theih rum rum mai dawn a lawm le!
8837489511
Kan sorkar thar hian tui semtute hi hunbi neiin sawn kual reng se tui kan hmuh dan a rualkhai deuh ang chu.
Mr. No Money
9615029788
Aizawl North lamah hian current hi eng nge maw a awmzia le? Kan va nei chhe ta em em ve maw le. Current hi kan indaih lo thut ta emaw ni, kan thim deuh reng ta mai.
Anonymous
9862843897
Pangang puang tur kha Congress \halai ho khan an lo hriat tho chuan enga tinge an lo puan thuai loh le aw? Sorkarin puan hma khan lo puang se \ha tur. Thil dang puang tur te, Cyclone tleh tur te, ruahsur hun tur te puang vat zel se a lawmawm ngawt ang.
Dampa Uitang
8974244232
Dan hi a tu a paw’n i zah \heuh ang u. Thil \ha ka ti a lawm tia dan pawn deuha che duh kan la awm niin a lang. Thil \ha chu dan chhung a\ang pawhin a tih zawh vek theih. I mimal zahawmna kha eng ang mi pawh ni la, dan chuan a zahsak che a, a hmusit lovang che. Tuna a landan chuan mahni pawl tih \hin danah dan lo ang tlem a awm pawha kalpui lui an awm \hin niin a lang a, a pawi hle. Pawl hmanga mahni sualna insiam\hat tumte ho hi hruaitu an lo nih hian dan tukverh pawnlamah an hnuaia mite thlirin an dak voh voh duh khawp lehnghal. Roreltute u, nangni a\ang hian dikna hmanga bul\antu tur chu kan lo thlir reng e.
Nicky L Ralte
8794540096
Gospel Singer pawl hian Pathian hla leh a phuahtute zahawmna lam hi sawiho ngai tak maw? Nge, mimal zalenna an ti mai?
Copyright-a
