7th Pay hi kan sorkar hian a tihhlawhtlin vaih chuan a VIP mi rethei te hi a tuartu tur kan ni, chuvangin mi retheite lam \ang sorkar a nih chuan a hman loh hram ka beisei.
No. thup
———–
Saron veng tuisem hi a inrualkhai lo thei e, tuisemtute hi khawngaihin lo thlak hram teh u. Midang litre 2,000 a khah pap pap laiin litre 1,000 dawng lek pawh min pe khat duh lo a, Saron veng tuisemtu pakhat hi min thlaksak rawh u, phakar lutuk. Inrualkhai taka sem theitu tur kan duh. Hotu lam hian hma la se a \ha ang.
9615526779
—————
Hlawh san kan phut lai hian mahni post-ah pawh awm \ha duh si lo, kum khatah pawh mahni post-a vawi hnih khat kal chauhte tan hi chuan hlawh tih hniam zawk mai hi an phu zawk i ti ve lo maw Pu Zonet?
8413808055
—————-
Thawka phita Kohhran sel fotu chu Kohhran kalphung leh zahawmna hrechiang tur khawpa Kohhran hnaih chilh ngai lo leh Thlarau Thianghlim chenchilh loh mi a ni \hin. Kohhran sel seltu chuan Kohhran dintu Lal Isua thisen a hmusit a ni.
Zoa
—————
Sawrkar hi tuna thil thleng a\ang hian inngaihtuah harh sela, office hour te hi strict takin keng kawh rawh se. Mi dik leh ringtu tak tak chuan a hun taka thlena a hun taka ban hi Lalpa \ihna avangin tih ngei ngei turah an ngai tlat. Pathian thu tuipui ve em em, a huna Office thleng ngai reng reng lo leh ban hun nghak thleng ngai reng reng lo pawh hi office tinah hian kan awm mai awm asin.
Zawra
————–
Mi rethei thingtlanga awm tan chuan sum sem loh hi chu sawrkar zar zo-na a awm lo. Mi hausa leh thiltithei tan chauh a \ha, chuvangin sum sem policy aia \ha hi a awm thei rih lo.
9856624710
————–
NLUP sem hi kan ram hian kan \hat phah tak tak em le?
Ruthii Pu
————
Kan ram sum leh pai dinhmun thlir hian khawi political party pawh sorkar se 7th pay hi chu hman rih loh ni se a \ha ka ti. Tun dinhmunah pawh kan budget tam zawk hi sorkar hnathawk hlawhah a kal ral tawh a ni a, hmasawnna tura hnathawhna tur sum hi a tlem tawh tehlul nen, ram hmangaihna avangin sorkar hnathawkte hi inhnuk hniam thei rih hram se, rei loteah 7th pay pawh hi an la lak tho tho a rinawm. Central YMA leh kan tlawmngai pawl dangte pawh hi engemaw thil danga an \uanran tehlul nen an va ngawi rei thei ve. Ram hmangaihtu tak takte chu \awng chhuah a hun e. I ramin a ko a che.
Sanga, Thenzawl
————
Fakselnaa thu tawi te te, hriam tak tak, mei nei deuh deuha sawi fo hian engmah a siam \ha chuang lovang. Inrunluih duhna bak chu, i sim tawh teh ang u. Politician te, Party insawi chhiatna te, Kohhran demna te, sawrkar sawi chhiatna te, zu zawrh fak leh sawichhiatna te etc. kan phu tawk mil zela thil thleng a nih hi. ‘Mipuiin an phu tawk roreltu an nei’ tih a nih kha. A engtia tih hi nge \ha ber ang tih chhut leh ngaihtuahna nena Pathian rawn chunga kan \awng\ai chuan chhanin kan la awm ngei ang. Vawiina thil duhawm leh duhawm loh thleng mek \hin hi hmana kan tuh rah kan seng a ni si a.
Fakselna thlir \hina
—————
Kum 2019-ah khian Tlabung-ah M|KP Inkhawmpui a awm dawn a, Tlabung khuaa mi engemawzat chuan kan chakin engemaw chenah chuan kan huphurh angreng bawk si a. Tlabung khua hi sub division heaquarters a ni a, hnam chi hrang hrang chen hona hmun a ni. Chutiang chu ni mah sela Village Council-ah chuan Mizo vekin ro an rel a ni. M|KP Inkhawmpui kan dawn dawn avang hian kan sorkar pawh hian min rawn develop hram sela kan va han ti em ve aw.
Tlabung aw
————–
State pachhia, sum lak luhna neih loh avanga ZU zawrh ngai hial state kan ni. Sorkar hnathawkte Profession tax lah vbc. 130 pawh tling mang lo, ram Income tax chawi lo state kan ni. Sorkar zem zentute u, nuar tawh lo teh u.
Ruata pu
———–
Sorkar hnathawk nuarte hian hre teh se. Nuar apiang tihlawhtlingtu Pu Zorama ang kha tuna kan CM hi a ni ve lo.
Malsawma pa
—————–
Kan ram min hruaitu Pu Thanhawla chuan NLUP hnuaiah tunlai khawvel mamawh chhanna a awm vek a ti ngawt mai a, kei chuan awm vekin ka hre lo. An party hming\hatna tur atana sem ni berah ka ngai tlat a ni. A chhan chu NLUP sem dawng ho zawng zawngte hi hmangaih luat avang leh duhsak luat avanga pe chu ni se a dawngtu tana hman \angkaina thamin vawi khatah a hlawmin a pek ngei ka ring. Mahse, chutiang ni lova installment tak meuh meuhin a sem a ni tih hai rual a ni lo. Hetiang hi mipui hmangaihna anga han chhal nan chuan a zahthlak takzet lo maw?
MS Chhakchuak, Aizawl pa
————–
Kan Politician-te hian thu \ha tam tak sawi ai chuan hriat reng tlak thil \ha pakhat tal tih hi a hlu zawk a, mi rilru pawh a hneh zawk tih hria se, campaign-na \ha tak a ni bawk tih hre rawh se.
VL Ruata
—————–
MPP hruaituten 7th pay ramin a tuar tia an han sawi hi a dikna chen awm mah se, NLUP leh SEDP-ah vaibelchhe 750 meuh dah thei sorkar tan chuan a harsa lem dawn em ni? Hlawh san ai chuan a hmanna taka hman ni lem lo, NLUP an sem vak vak ringawt mai hian ram sum leh pai dinhmun a ti\huanawp zawk mah lo maw? Dere pawh hmu ve lo tan phei chuan zan tin deuh thaw media leh chanchin thara han hriat pawh hi khamawm ve tawh tak chu a ni.
Tlabung Uitang rual
—————–
He Zonet Fakselna hmang \angkai tur leh mi tam zawkte hlut sak, uksak theih tur chuan thu belhchian tlak leh finfiah ngam hmanga sel ngaite sel \hin ila, fak ngaite fak bawk i la. Thu puarpawleng leh Political Party inbeihna thu uchuak thawn lut lo ila, ram leh hnam tan leh sorkar hmalakna thila mipui tana thil \ha turah erawh dim nei lova kan sel ngam a ngai.
PH FANAI
———–
