Zu hi a lo \ha hle a niang mi tin mai chu sawi loh, Kristian inti ho zawng zawng leh tlawmngai pawl inti ho zawng zawng maite hian khu luai luai khawp hian an han buaipui tehreng a nia. Politics party ho zawng zawng leh a cians ho zawng zawng lahin Vanram kai tum theihnghilh \hak khawpin an han philipui ta hlawm a nia. Chakma leh Tuikuk ho nakin lawka kan ram leh hnam hmelma runthlak lutuk turte ai pawh hian zu hian buaipui leh enghelh a hlawh fe zawk hial lo’m maw ni le? Intih Kristian hlui hlui ringawt pawh hi a ni ngawt tawh lo. Kan ram hi hnam dang lakah humhim a \ul lutuk. Kristian inti taka i lo duat, duhsak hulh hulh hnam dangte hian he chhinlung chhuak Zofate ram hi min chuhpui mek tawh a sin. Duh leh zu te chu kawn tinah pawh lo inpho tlep ter tuar ang hmiang. A duhin in se, a duh lo chuan pe pe mah ila an in dawn chuang lo. I ram i hnam vei a hun e.
Tlangvala
————-
Kolasib nula kha a va zai \ha tehreng em. Idol ngei teh se. Mahse, kan contestant tam zawkte khan zawhna an chhan laia an aw zawi lutuk zel mai kha ka lo ner deuh \hin. |awng ring ve deuh \hin teh se.
Aizawl Venglai pa
————
Tunah zet chuan ZPM pawh hi rin an va har ta ve? Congress hotu lawk zu zawrh pawh hi “Kohhran hote \awng\ai chhanna” titute ngei ngei pawh candidate turin an sawm ta. Lalna/tlin duhna hrim hrim an khel a va ang ta ve. Candidate tura an sawm pakhat zawk phei chu hman deuha Minister a\anga an paih thlak tawha la ni zui. Pathian leh kan ram tan titu tak tak tan chuan midik, Pathian \ih mi tak takte candidate-a dah kan ngam dawn lo’m ni ka ti deuh. Hmingchhiatna nei tawh leh ram leh mipuite aia mahni hausakna ringawt buaipuitute ai chuan kei chuan mi dik leh Pathian \ihtu tak takte hian ka rilru leh ngaihtuahnaah hmun an chang zawk. Vote pawh an lamah ka thlak ngei ang.
Paena, Tuikual
————-
Inthlan kan hnaih leh ta a. Politician tam takten \hat an chhuah leh dawn ta. Inthlan hmaa kan zia hi inthlan zawhah pawh pu thei zel ila Zoram nuam kan siam mai dawn a ni.
Hlim hlimi pu
————-
Pu Rama leh a \huihruaite chuan Pu Zira leh Pu Rinliana te chu an lo it ngawih ngawih a nih awm chu maw le. Hmanah khan he mite thil tih dik loh kha an aupui nasa a ni lo’m ni kha? MNF hote u awmzia hi innei thlawt lo. Pu Hawla pawh hi r^wn ve ula. Takna hi nei teh u, mi tak tak chin chuan an ring tawh hauh lo che u a nia. ZPM an ti deuh zel tawh a nia.
Tuikum paho
————–
Hmanni chu damlo inah kan ti ti laih laiha, kan \hianpa chuan kum tawp election-ah chiang takin Congress an sorkar leh dawn a tia. Zu hi an tlakpui ka lo ring a sin ka tia, ani chuan teuh lo mai, kei pawh Upa ka ni a, YMA-ah OB ka ni bawk a, a huhovin kan duh lo mai mai tih ka chiang a lawm. A ruka vote kan thlak hunah chuan zu duh lo \awng\ai ring tak tak pawhin an vote tho ang zuk tia! NLUP leh eng eng emaw a lo dawn tawh vangin a lo tirui a lo ni reng a!
Liana
————-
Tun \um sorkarin miharsate hnena rangva bandle 4 a semah hian keini South III-ah chuan Rs.1,900/- laia khulh a ngai a, hetiang baka mi rethei rawkna a awm chuang em ni? Kei chu hetiang a nih chuan ka dawng chak lo ve.
9612588252
————
Fakselnaa Tlabung kawngchhiat zia rawn sawitu khan i tidik kher mai. Mahse, kawng chauh hi a ni lo, electric eng a mumal lo em em a, Department tin maite pawh hi a hnufual em em vek bawk a. Tin, tun hmaa Mizoram khawpui 3-na ni \hin, englai pawha Congress MLA awpna hnuaia awm reng mai, Tlabung khawpui tlakhniam tawh zia leh Pu Hawla leh a pawlten min sawisak dan hi mipuite mangang authawm i hriat duh chuan a hmunah ngei hian rawn belchiang ve mah teh. A hnufual tawh zia sawi kher ngai lovin \ah pui vawng vawngna tham a ni tih hi sawi nawn ngai lovin i hmuh theih ngei kan beisei.
Tlabung Uitangrual
————–
Fimkhur nan. Eiruk an tum hauh lovang, mahse dawr lian tam takah hian kan thil leizat man hi mahnia chhut thlap a \ha. Hmanniah pawh Vishal-ah thil leiin a man chu sangthum zali leh cheng nga an ti a, chhut \ha tura kan tihin sangthum za leh cheng ngaah kan chhut chhuah tir leh. A tawpah kan phone-in kan han chhuta, pawisa dawngtute nen sanghnih zaruk leh cheng nga a lo ni reng a. Mihring tihsual nei thei kan nih hi maw.
KAMTAMA, MSV
————-
Chief Minister lo ni tawh leh ni mekte pahnih chuan kuthnathawktute kum 30 chuang dingchhuak lovin an vahvaih tir tawh a. ZPM CM candidate Pu Duha erawh thung chu kuthnathawktute dinchhuah duhin hei leh chen a vakvai si. Kuthnathawktute i harh ang u.
HetShalla
———–
Chief Ministerial candidate, Pu Duha hi Zoram Chief Minister ni lovin, ZPM Chief Minister chauh a ni mai ang tih hi mi tam ber ngaihdan a ni.
VL Ruata
————
Mizo nula chhuanawm Asian Games Silver Medalist Lalremsiami’n a sum dawn tur zat a la hre ve lo tih Aizawl Post chanchinbuah rawn tarlan a ni a, khawnge kan Sports Minister leh Mizoram Youth Commission lam te hi? An thawm a va reh ve!
9485141120
——————
Kan retailer-te hian mipui rawngbawltu anni tih hi an theihnghilh ta em ni? Mipui ten kan mamawh a nih chuan eng hunah pawh min pe thei turah ka lo ngai che u a sin. Kan retailer-te khan he thu hi in lo chhiarin inlo ngaithla ve a nih chuan tukina buhfai min lo pek theih loh avang khan vawiin tlai thlak tur pawh kan puk chawp a sin.
Mi retheia,
Lamchhip
————–
Inthlanpui kan hnaih tulh tulh a, politics boruak a sang tulh tulh bawk. Party tinin lian an inti vek a, mi rilruah erawh party mal sorkarna siam thei an awm an ring lo vek thung. Kan ram chhiat tawh dan leh hnamdang kan ngam tawh loh zia, chimral meka kan awm dan te hre renga vote pekna tur kan siam thiam a \ul khawp mai. Politician ten mipui an bum dawn nge, mipuiin ram siam\hatu an thlang dawn tih hi kan thlirna a ni.
LT Ralte
————–
Tunlai ka vei ve em em pakhat chu natna chikhat “rannung seh” an ti fo mai hi a ni. Rannung hi a awm tak tak nge, natna hming pakhat ve hrim hrim? Tin, a rannung hi a awm tak tak a nih chuan eng ang hmelpu nge, khawi hmuna nge an awm duhna? Eng hunah nge mi an seh duh tlangpui? Eng hmangin nge a in venlawk theih tih te hi kan Doctor thiamte leh kan mithiam bikte hian min hrilh thei lo’m ni? Rannung seh vanga thi leh enkawl ngai lah chu ka hre chamchi ta mai sia, a mak hle mai.
Amos LT Hmar, Sesawng
————
ZONET Chanchinthar hi zantin kan en \hin a, en hrehawm ka tih nachhan \hin ber chu ‘sawi’ leh ‘sawiin’ tih tam lutuk hi! Sentence khat hi a sei thei em em a, kan sawi tak thumal pahnihte khi vawi 10 laite an hmang hman \hin. ‘A ti a’ emaw, ‘a ti’ tih ve maina awmah te hian a hmasa pahnih zel khi rim takin an hmang tlut tlut a, Mizo \awng a hausak tehlul nen, an thu thar puan ngaihthlak tihrehawm khawpin \awngkam ngai an hmang rim hi chu a zia lo deuh ka ti. DDK News hi hun rei tak chu a buatsaihtu (Editor) hi Duhlian \awng hmang lo a ni a, mahse an News puan hi a Mizo \awng tluangin ngaihthlak a nuam zawk \hin. Inngaihdan ni ve tak maw, lo chik ve teh u.
Rama Tlangnuam
————-
Chanchin tharah chhiat tawh thu an rawn puang a, “Vanneihthlak takin thi leh hliam an awm lo” tia an rawn puang \hin hi chu ka lo helh ve deuh \hin. Entirnan: “Vawiin khan chumi vengah chuan mi in luah lai a chim a, vanneihthlak takin thi leh hliam an awm lo” tih ai chuan, “He chhiatna thlengah hian thi leh hliam an awm lo” tih ni \hin ta zawk se a mawi zawkin a dik zawk lo’ng maw?
Biefa Ralte
, Sesawng
————-
ZONET Mizo Idol Season 6 top 25 an nih lai khan kumin chu an thiam dawn e tiin mipui rilru pawh a phur chho viau a. Mahse, Top 10 an han thlang chiah chu duhsak zawng an ti tling bawk a, studio-ah a ni tawh bawk si lo nen, boruak zau zawk an va zo ta love, beisei an pha ta hauh lo mai. Boruak zo taka thunun thei tur an ti tla vek bawk sia, Judge ho chu a ruktein an rilruah an inthiam lo ve ngei ang le. H. Vanlalzawmpuii kha han tlang sela chuan khitah a awm tawh ngei anga, boruak sang tak a nei tawh ang. Tunah pawh mi hriat a hlawh tawh a nia. Boruak zau zawk a, a zai hmu ve ngei sela ka van ti em.
Mizo Idol fans
————
Zonuni lo lang leh ta hi Congress an tlak tawh dawn vang a ni mai lo maw?
No. thup
————
Mizo Idol Judge zingah hian Vari rawn lang har lutuk hi a va pawi ve, a comment ngaihthlak a nuamin a fing si a, a bengvarthlak thei em mai.
Anonymous
————-
Idol platform thar chu avan hahthlak deuh ve. TV lama thlirtu tan chuan a thim em mai. Final zana tih en \hat chauh tur nge ni zawk eng pawh chu nise Zonuni leh Vari hmel kan hmu a, kan ngui tawh hnu kan harh phah e. Awmawmi te 2, Sawmtei, Ticos-a leh Jonathana te Top 5 tling ngei turin han che teh u. In vai deuhthaw khan Zonet Studio-a in zai in pha lo a nia. Ruallung nula leh Jerry-a chiah an che \ha tlat, \ang hlawm teh u. Vari zet chu Makuri dung i thul zo ngei e. Zonuni lah a duhawm ngaiin a duhawm reng bawk. ZONET lunghlu nih i va tlin em.
Austin-a
—————
Jonathana hi ka idol chu a ni fel der tawh. Ka va \an ngawih ngawih si em! Kan chhung chhungin kan \an che Jonathan, i kal zelna turah duhsakna kan hlan a che.
9485490146
—————-
Mizo Idol 2018-ah hian Jonathana Pangzawl hi zathiam ka ti ber mai. |ang fan fan rawh.
Josua Nu, KK
————-
