Private School Fee zaa 50 lak hi a sang lutuk, a hun chhung tur lah hriat ni hek lo; zaa 25 tala tlak hniam ka rawt e. School neituten an mi rawihte hlawh hi private an nih angin a chanve tal tum sela, naupang nu leh paten a chan ve an zirtirtute puihna (relief) angin kal se. Chutiang a nih chuan nu leh pa rilru pawh a dam deuh mahna. A engamah hmaa zaa 50 fee tih ringawt hi thil felhlel tak a ni. Chuvangin, khawvelin hun harsa leh khirh tak a tawh mek lai hi chuan naupang school kal lohna fee hi zawng rawn it lutuk bik lo teh u, kan buai tlang a nih hi.
Thil\haduha
9366785137
Pu Zonet, chanchin thar ngaithlak laia emergency ni lem lo tlang lo au ziah hi keini mi fing vak lo tan chuan khawi zawk nge ngaithlak tur pawh kan hre hman meuh lo a ni. Inti ve lo maw?
6009411175
Pu Zonet ka’n sel ve lawk ang e. MNF sorkar sawiselna lam uar tak leh chipchiar taka Chanchin thar inpuan laiin ZPM leh Congress dik lohna kan rawn sawisel vena erawh tihchhuah a ni ve ngai lo hi thlei bik nei innihna a tichiang hle a ni. Insengso deuh dawn pawh ni ila thla thar a\ang chuan ZONET chu ui tak chungin kan bye bye tawh mai nge.
Neutral Pa
7642929719
Mi ram chanchinte kan hria a, keini ke pali nei khalha eizawngte tan hian a va luhaithlak ve le aw.
8729962403
Covid-19 leng zet chuan Mizoram leh Mizote bik chauhah pawh sawi ngaihna awm lo khawp leh sawi sen rual loh khawpin kawng tinrengin hnuhma a va ngah em! Kei mimawl hian he Covid-19 chungchangah hian mite thawhrim zia leh an \hatna zozaite avang hian sawi tur tam ka tih lutuk avangin sawi ngaihna hre lovin ka ngawi tawp a ni ber mai. Khawsak harsa lo tur zawka ngaih khawpui mite tana thingtlang rethei zawkten harsa taka an thawh chhuah sa a thlawna an han pe sup sup maite hi a hlut zia leh ropui zia hi hrethiam pha hlawm tak maw? Thlai chi hrang hrang tel khat thar turte, vaimim kawm khat thar tura tha leh hun a ngaih hnem ziate hi i hre ngamin, khar chhawngtute pawhin kuthnathawktute thawhrim zia hriain tlawm lutukin i khar sak lo ngam ang u. Kan ramah hripui a luh loh nana ramri vengtu zawng zawngte inhlu takzetin kan ngaisang che u a, nangni kaltlanga Pathian min venna hi kan thlamuanpui takzet. Chuti rualin Tlabung lam/chhimlam ramri vengtute ngaihsak hlawh an mamawh hle mai. Zonet Palaiin a kawmte zawng zawng kha a hmei a pain \hahnem an ngaiin, an va felfaiin an va kawm tlak hlawm tehlul ve. Ramria duty zawng zawngte ang khata ngaihsak an va \ul em. Thudang, Pvt. Sikul neitute’n sikul kal loh chhung leh hostel awm loh chhung fee thlakipa lak sim ngam se a \ul khawp mai. Man chawia motora sikul naupang hruai \hinte hian sikul chawlh laiin sikul fee aia tlem fe sikul naupang hruai man la ve \hap \hap se pe duh kan awm ang em? Sikul fee a nih avanga kal loh fee/hostela ei loh fee chawi hi a dik bikna eng nge awm? Sorkar hnuaia hnathawk ni lo chuan thawh loh hlawh an la ngai lo. Regular-a mistiri kan chhawrte pawh an thawh ni hlawh chiah a ni kan pek \hin. Hostel awm loh laia ei loh fee chawi leh sikul chawlh laia sikul fee chawi \hin hi sorkarin titawp ngam tawh se a \ul takzet ka ti a ni.
Ramveitu
9089667399
Covid-19 donaa hmalakna kal zelah sorkar hnathawk Group A, B &C te basic pay a\anga zaa 10 leh Group D ten basic pay a\anga zaa 5 December 2020 thleng cut tura tih kha ka lo hre ve a, a \hat viau rualin hetiang hian ka ngaihtuah. Thil \ha tak nia kan hriatte hi a \hat lohna lam awm thei hi kan ngaihtuah tel tho a va \ul \hin em. Sorkar hnathawkte hi an thla khat kham/indaih tawk awma an hlawh hi ruahman sak niin sawi \hin a ni a, hetia thla 8 zet mai cut sak an nih hian harsatna tam tak a thlen sak bakah hlawh kham lo an tam lehzual ang a, thla khat chauh pawh ni se sorkar hna thawk zawng zawng a\anga cut a nih chuan a tam tham hle awm sia, cut \hen lo chung pawhin eiruk nasat berna ram kan ni kan ti bawk si a, hetia cut \hen sak an nih phei chuan anmahni phak tawk chin \heuhah eiruk/hlepruk hi a hluar leh zual awm mange tihte ka ngaihtuah ve mai mai a.
Lalbuaia
6009564258
Ruatdiki pu inti khan Pu Rama sorkar apianga \am leh hri leng ziah \hin angin i rawn sawi a, ni e Pu Rama hi harsatna siamtu a ni lo va, Pathian leh kan ram tan titu party leader, zu bawiha tang mekte chhanchhuaktu, LALPA bel ruat a ni a, Zoramin harsat manganna a tawh apiangin Mosia’n Isarel fate a hruai ang khan Mizote hruaichhuaktu atan i pu Ramtea hi a hunteah LALPAN a lo ruat mai \hin zawk a ni. Lalpa remruat dan hi a makin hriatthiam a har \hin e, mite ngaiha vanduaina lo thleng hi, kei misual ber tan malsawmna an lo tih \hin ang kha a ni zawk e. HMUHSIT NGAWT CHI A NI LO.
Tlabung Uitangrual
9862014844
Tv. Federicka’n tun Pathianni zana chawnghei \awng\ai nei tura Mizoram sorkar hmala tura a sawmna kha tih hlawhtlin a ni dawn ta em le? Mipuite hian kan ngaichang reng a nia.
9436147113
Hruaitu/hotute hian ngaihtuahna thui tak neiin kan ram (Mizoram) dinhmun leh a mipuite dinhmun ngaituah tel \hin se a va \ha em!! Kan dinhmun a in an loh zia te hi mawle! Tunah lah hetiang hian ro an rel ta mai si a le, kan inhlawh \au \au tawh mai ang chu.
Zova, Aizawl
9862153088
TV home crusade a va han ropui \hin tak em. Chutihruala ka sawi duh chu hei hi a ni. Kan rama ringtu intite hian taksa damna chauh hi kan duh tawk a nih hmel khawp mai. Tin, tun hun bika PATHIAN thu pakhat chu Jerusalem-ah (Biak Inah) chauh lo pawh PATHIAN biakna hun kan thleng mek tihte hi i inhre thar leh teh ang u. Taksa damna ringawt duh tawk lovin nitin midangten kan nunah hmuh tur an hriat theih nan kan nun \heuh hi uluk takin hman \heuh i tum ang u.
Nghaka Pachuau
9862419552
Cheng nuai hnih dawn la Group A te leh Group C hnathawk, cheng sing hnih sing thum chuang awrh chauh hlawh late zaa 10 a cut turin an han hrut rual dawn a nia, a ngaihna a awm lo. Thuthlukna atthlak tak a ni. Group C-a Junior te te te hlawh hi chhut sak ve ta che u. He thil hi chu ngaihtuah \ha leh se a \ha ngawt mai. Cut sak a nih loh pawhin chhungrual deuh tan chuan kan hlawh hi kan kham lo hle a ni si a. A reltute hian kan \am hi an pawi ti lo a nih hi.
Esther-i Pa
9862709748
Kan sorkar hnathawk zawng zawngten thla tin an hlawh May a\anga December thla chhung zaa sawm, zaa pangate an thawh tur hi a va lawmawm em. Hemi rual hian kan thlan lal, MLA, AMC Councillors leh Former Legislator Association of Mizoram (FLAM) te hi rilruah an lo lang ve nghal tlat, engtin nge an tih ve ang le Pu Zonet?
97747 73425
Hri leng do nana sorkar leh a hnathawkten ruahmanna an siam hi a \ha fu mai. Chutihlai erawh chuan sorkar hnathawkin an thawh tur thliarna erawh hei ai hian a kuang hran siam tam deuh se aw. Group C junior ten zaa 10 an thawh vanga an chhungkua a nghawng thui theih viau laiin, Group A senior tak takin zaa 10-a thawh vanga an chhungkua a nghawng lem loh a awm thei ang. Entir nan- Group A – 20%, Group B – 15%, Group C – 10% Group D – 5% ang vêl hian ni ta sela, Professional Tax cut zat pawh hi cheng nuai hnih khat late leh cheng sing thum vel hlawh inang renga an pe mai hi a mak tawp thei lo a nih hi!
Thlirtute
96127 89907
Mizote hi kan va phunchiar tak, sorkar leh mi thiamten an sawi hi i awih mai ang u kan zavaia himna a ni si.
Aizawl Nu
96129 07066
Covid-19 dona atana inrelbawlna turin sorkar hnathawk zawng zawngte hlawh a\angin engemawzat cut sak a \ul ta hial mai. Ram pum kan \angrual hle zel e. Hetihrual hian khawnge tui luangliam pur pur khawpa pawisa tam kha tih hi zawhna awm thei tak a ni bawk.
Puipuii Pa
84140 29478
India chuan ni khat thil thuah Covid-19 vei tam ber hun a tawng chho ta, mi 3,656-in an vei thar a, chutihlaiin kan \henawm Tripura BSF a\angin mi 27 ngawtin an vei thar leh ta bawk a, Mizo pathumin an thihpui tawh bawk nen, min hnaih telh telh a, kan fimkhur lo telh telh a, vei thar leh thi an tam telh telh a, thu awih lo kan tam telh telh bawk si a, a va buaithlak em. Chutihrualin kan himna tura thununna pawh ngai thei lovin eng nge ka ei ang a tiin kan buai nuaih nuaih bawk sia, Pathian thu chuan ‘ei tur aiin nunna a thupui zawk lo em ni? In tur aiin taksa a thupui zawk lo em ni?’ tiin min hrilh si a, eng kan ti zo ta nge ni le, heti ema kan luhlul tak mai hi? A mak hle mai. He hripui hian rethei leh hausa a thliar hrang chuang si lo va, thu awih loh avanga kan kai hi chuan in ei tur leh in tur hi kan awm chuang lo ang tih hi i hre hram teh ang u. Kan pumpui hmakhua hi chu tun hunah hian i ngaihtuah rih lo phawt mai teh ang u. Kan \henawm ramte pawh theihtawp an chhuah chung pawhin an inveng hneh lo a nia, inveng theia kan awm lai hian thu awih takin i awm dial dial zawk ang u. |anrual hi chakna a ni, Pathian rawn chung zelin theihtawp i chhuah zel ang u.
Hlute pu, Tualpui
98565 36040
NE State hrang hrang hranga tangkhangte kan sorkarin a hruai haw \henkhat, Vairengte checkgate leh checkgate dang paltlanga kawng laka an chhungten an lo lak hrana an hruai haw leh a haw duh in report tur tih tih lai pawha in report lo, mahni thua rawn hawa, mahni in pan nghal ngawt leh chhungte hruai haw quarantine lo an awm tih social media \henkhatah post a awm nual mai. Hei hi tak tak a nih ngat chuan sorkar hi a chet ran a va ngai em. Tin, an awm tak tak a nih ngat chuan an chenpui chhungte nen Home Quarantine ringawt lovin Quarantine centre-ah dah ngei ngei chi a ni ang. Dan dinglai awm sa angin an chungah hremna lekkawh ngei ngei chi a ni bawk ang. Mipui min ti ralkhel lutuk tlat. Anmahni avang hian state curfew puan hial chi niin lang. Green zone-a awm hi himna a ni ringawt lo. State \henkhat Green zone-a puan, an inthlahdul leh inthlahdah avanga red zone-a puan ngai leh te an awm nual. Heng a\ang hian kan inzir fin a, kan fimkhur lehzual a \ha khawp mai.
Sadama
98623 79822
Covid-19 avanga kan hotuten kan Basic Pay a\anga zaa 10 lawih keini Group C min cut sak hi chu a lutuk deuh chu a ni. Group A leh B te nen hian kan Basic Pay a inthlau lutuk, chutihlaia min hrut rual hi chu a dik thei lo a ni. A hmain professional tax min hrut rual tawh bawk. Hripui avang hian kan hlawh pek \hen ve hi ka hnial lo, mahse hlawh inthlau lutuk min hrut rual hi chu a awm ang lo deuh a ni. Zaa 6 – 8 te hi chu ni se a zia viau. In leh lo din nan loan la tan phei chuan rum vawng vawngna tham a ni. Chan a lawi kan nei dawn lo tihna a nia, eng nge kan eiin kan in tak ang le? Thla hnih khat mai a ni lo lehnghal.
C. Liana
70057 99537
Cement hi sorkar a inrawlh vat loh chuan in hmun laih sa, hnathawh theih si loh, fur ruah tui tam huna min tur a tam dawn tlat.
Mr. CS
