Ram rawngbawltu, pa chan changten ram mipuite mamawh leh pawimawh neih ve duha an fehchhuahnaah protocol lo tih ve sek hi a \ul lem lo khawp mai. An nihna a hniam chuang lo, an ropui fe zawk. Protocol ti vel ho, an nih chhan hre lo te hi an nep fe zawk.
Thlirtu
8729984567
Zu hi sualna leh thil \ha lo thlen tirtu a ni. Pu Hawla leh a hote pawhin nasa takin an tlak phah a nih hi. Tuna kan sorkar hian khap a tum mek a, nu leh pa chhungkaw tin \ah tira beidawnna khura nam liamtu hi KHAP BUR SELA, MIZO MIPUI ZAWNGIN I THLAWP |HEUH ANG U.
VL Ruata
8257065411
Ram chu Lalpa ta a ni tiin Kohhran leh Evangelist zawng zawng an auva, Kohhran mite nasa takin an \awng\ai a, a chhanna chu MNF sorkar a lo ni ta. Mi tinin Pathian ruatah ngaiin ram leh hnam \ha taka an hruai theih nan i \awng\aipui ang u.
Lalrinfela
8014168221
|hanharh apianga mau sawi tak reng mai chu. Thing leh mau vangin thlawhhma kan zauh thei lo a nia, a hun hmasa pawh khan pumkhat pawh a hralh em ni? Tuna kan rama awm sa pawh hralhna a awm si lo. Keini thingtlanga awmte tan chuan a hnawk khawp a nia. Tlabung uitangrual ho khan a hralhna tur rawn zawng teh u. Sum chang thei lo hi zawng kan tan a hlu ve lo e. Mau ai chuan sawhthing kan duh zawk.
Thingdawl pa ho
8730841016
Mahni ram leh hnam tana mautuai haka thih pawh hreh lo Zofate zingah heti zozai kan la awm hi a va lawmawm em. Nupuite pawnfen phena lo inhampuar vak vak te ai chuan an ropui e.
Carolini pu
9862216410
Tun thla tui bill leh electric bill hi a let thawkin a rawn pung vak mai a, a va mak em! Tui lah a haw tam chuang bawk si lova.
Aizawl pa
8837331196
Mipa chil leh khak thlahdah deuh ho hi Vai an ni tlangpui. Hmeichhe chil thlahdah deuh ho hi Burma mi/Burma rawngkai an ni deuh zel. Khawlai leh kawngsirahte hian chil hi chhak mai mai lovang u. Fai hi i zir zel ang u.
9862331348
Sorkarin dry day a puan a\anga bul \anin zu zawrh tihtawp tumin hma a la \ana, zu hi thlah zalen nise tih hi tuman kan duh awm lo e. Zawrh phalna neia zuarte a bul \an hmasa lovin dan lova lo lut ramhnuaia zu siam leh zuarte a\ang hian hma la se, entirnan Hunthar leh Sairang inkara zu thlawra zuarte hi thianfai se, chumi hnuah phalna neia zuarteah hma la leh se, permit neia zuarte an tihtawp ringawt hian tual chhung zu man a titova, a tichhe bawk a, zu in miten an chhiat phah hle a ni. Tin, Burma a\anga lo chhuk zu thlawra ei rawn zawng, khua leh tui nihna nei zui ta zel hi an tam hle bawk a ni awm e. Sorkar tharin zu zawrh tihtawp a tum dan hi fimkhur leh ram leh hnam humhalhna nei kawp chungin kalpui se a duhawm hle mai.
LT Ralte
9862007651
Sorkar thara Labour & Employment Department hian darkar biin labour hlawh hi bithliah se aw. Taima leh thawkrimte hlawh a \hat dawn avangin chhungkaw tin economic dinhmun a kan phah ngei ngei ang mawle. Darkar tam lutuk tur leh zana \henawm khawveng tana bengchheng leh ninawm tur chin erawh chu hrek ni thung sela. Sem policy leh sawhthing chin insawi hmuh ngawt ai chuan kan CM \awngkam takin kan per capita income a sang ngei ngei ang.
Zohmangaiha
8014344995
Sorkar Damdawi in tan chauha thisen man an free laia loh theih lohna avang leh seat chan loh vanga Private Hospital-a awm, damlo harsa ve tak takte tana thisen manto taka an hralh lawi si hi eng nge a awmzia ni le? Damlo \heuh \heuh hetianga thliar hran hi a petu mimal leh pawl hrang hrangten tlawmngaia an pek dan ki nen hi chuan inang lo tak a ni. Kan sorkar hian a Process/Sawngbawlna hi an free ta rau rau a nih chuan rualkhai takin kan thisen hmanga sum lakluh lo tum phet lo hian an ngaituahna han seng leh teh se.
Thisen Petu
