Kan CM-in sorkar hnathawk nuarte a chhan dan hi ka support khawp mai. Kan ramah hian sorkar hnathawk hi an kal mah mah.
9612677753
—————-
Tunlai sawrkar hnathawk, hlawh pun ngiata mass casual leave la ho hian hei hi min lo hriat sak ve teh se.
Rawng hnawih mi an awm a, in sa mi an awm, dawra thawk an awm a, hna chi hrang hrang thawk an tam, chung ho chuan an hlawha an lungawi loh chuan an bang a, a aia hlawh tam zawk an zawng mai \hin. Nangni pawhin hlawh a tlem in tih chuan bang ula, hna dang zawng rawh u. In hnathawh laiin hlawh zat hlawha thawk duh lehkhathiam sawrkar hna hmuh loh vanga company hote tea thawk an tam mai.
9612776141
———–
Kan ram chhungah ngei kan hnampui ngeite pawh an retheihna chhawm chhuak zo mang lo hian Zohnahthlak zinga mi pawh ni lo, Bru ho kan sawrkarin a buaipui viau mai hi hriat thiam a va har em. Kan khua ngeia mi retheite kal k^na hnam dang leh nghal ram pum hriata a buaipui thu a puang dup dup mai hi kan Pathian chuan na a ti khawp ang le. 1 Johana kha chhiar ula in hre mai ang. Mahni venga mi rethei kal sana hnam dang lehnghal buaipui chu amahah hmangaihna a awm lo a ti.
KALVARI LUI
———-
FMGE&W hruaitute hi kum upa tawh tak takte (Kum 60 pel tawh) an nih hmel a, 7th pay-a pension hman hram an duh avangin chak takin hma an la a ni lo maw? An member te, ram hmangaihtu/hmasawnna duhtute khan thlawp lo hram teh u. Sorkar hnathawk chhungtinte in khawsak a ziaawm tlangpui a, kan ram hmasawn nan lo hmanhmawh lo hram ta che u. Engtikah emaw chuan 7th pay hi in la hmang dawn tho tho si a.
LB-a Pa
———-
Zin kawng leh Aizawl dai vela Pathian thu leh kan nun atana kan zawm tur thu \ha tak tak an tar han hmuh hi chuan thla a ti muang huai \hin. Mahse Kristian inti ve tho-ten dim miah lova an han ‘X’ hmiah hmiah han hmuh hi chuan rilru a tina deuh. Kristian ram kan nih hre reng chunga kan thuneihna kan lek hi thil inhmeh tak a ni ang. Kan zawh baka thuneihna lek lutuk hi a tawpah a mualpho theih ve viau bawk a nia. Disposable te pawh hi a duh chuan hmang ila, duh lo chuan hmang lo mai ila, a tihral lam erawh fimkhur tlang mai ila.
ZOVA
——–
Kei chu zu an tihhmingchhiat fo mai hi hetia sorkar meuhin huaisen thlak zet maia an zuar pawp mai hi chu \ha ka ti. Dik tak chuan khap bur a nih lai pawh khan kohhran ho pawh hian an beramte thlarau ngaihtuaha chuti taka hma an lak chiam chiam hriat tur a tam lo em mai. Sorkar erawh chuan a mipuite tan khap burin engmah sawtna a nei lohzia hriain mahni party chhiatpui theih a ni tih hre reng chungin HUAISEN lutukin a ZUAR PAWP mai a ni. A nih kohhran hian thawhlawm hlawm lian tak tak chan huamin a member EIRUK hmang ho hi kohhran a\angin a hnawtchhuak ngam ve ang em? Kohhran zah loh vang ni lovin kohhran tam zawkte phei hi chu Pathianin kan \awng haw lo se, Pathian din kohhran pawh hi an ang lo. Mimala hausa sa intih chal lanna leh thuneihna lek kawhna atana din ve ngawt te pawh an ang mah mah zawk. An beramte ngaihthah \hakin sorkarah an inrawlh thul. Thawhlawm buaiin an buai a ni ber lawm maw ni le.
Tlangvala
————
7th Pay ngiata nawrhna hian damlote tan a nghawng chhe zual hle mai. Zemabawk Cancer Hospital-in an enkawl mek tam tak chu Doctor-te an chawlh ve miau avangin an buai viau mai. Nuar tawh lo hram se a va \ha em. A nih loh vek pawhin sawrkar hian a rang lamin ngaihtuah pui se a va lawmawm dawn em. Damlo \henkhat phei chu thingtlang khaw hla tak tak a\anga inenkawl mek an ni lehnghal! Mahni hmasialna hian kan khat zo ta a nih ber tak hi.
Berbera Pu
————–
Hun hmasa lam Pay Revision-ah pawh khan tun CM tho hian eng Sub Committee ti emaw kha a din a, hleih nei zung khan a chhuah \hin a, 5th Pay phei kha chu Treasury khar te kha a lo awm \hin nen, pay thar chu sawi loh DA pung pawh a pe thei lo kha a ni a. MNF an lo sorkar a, pay thar kha an pe ta mai kha a ni a. Tunah pawh hian engtin tak chai leh ang maw?
Thlirtu
——–
Halpuah tel lo Krismas leh Kum thar, ZORAM KALSIAM programme-a mi thiamte thil sawi kha a va bengvarthlak ve le. Bethlehem Veng YMA ten halpuah hal lohna veng i lo thleng ta tih an tar ngamte kha a va \ha em! Bethlehem Branch YMA te in ti\ha takzet e. Chutihrualin in veng mipuite pawh in inlungrual hle tihna a ni a, lawmawm tak a ni. Kulikawn Veng pawh kum tam tak halpuah hal ngai lo veng an ni a, an fakawm hle bawk. Veng tin leh mipuiin halpuah hal lo turin sorkar leh YMA thu i zawm teh ang u. Halpuah ti dup dup hian ngaihthlak a nuam thlawt lo a nia.
ZONET THLIRTU
—————-
MNF sorkarin kawngpui an siam zur mai a, Congress ho lahin kum 10-ah pawh vawi khat mah siam lovin inring char char a, an lo va siam \ha awm ve MNF ho khan. Tin, Taxi lah license thi tawh 650 zet ti-nungin Bhavan-a \hu te insem a ni lo’m ni? License man pawh nasa taka a san tak hi. Puh tur zawng lo khan kan tlin lo a ni e, ti ve mai ula.
Nungnunga, Aizawl
—————-
Nizan Zoram Kalsiam Programme, ‘Halpuah tel lo Krismas leh Kum thar’ tih kha a va \ha ve. Kan mi thiamte thil sawi zinga mi, thlasikah boruak \ha lo lei lamah a lo chhuk tihte kha halpuah lo hal chiam nen a pawi zual hle dawn tihna a lo nih kha. Kan mithiamte sawi zinga mi, India ramah pawh Supreme Court thu anga an hal loh mek lai hi chuan Krismas leh Kum thar lawmna atan halpuah i hal lo hram ang u aw. Halpuah hal \hin laia Asthma vanga mitthi an awm tam phah thute kha pawi tak a ni. YMA Branch zawng zawng hian khauh zawkin \an la se a \ha hle mai.
THLIRTU
————-
Saipui kal lai sorkar hnathawk hoten an nawr leh chu a nia. Tun \um chu a thuah chuan sorkar hnathawk ho hi an thiam thova. Mahse, tuna Mizoram dinhmun han thlir hian an pay ngaiah lungawi phawt hi a Mizovin a Kristian zawk lo’ng maw te ka lo tih pui ve ngawt a, an hlawh chanvea thawk duh an tam hle tho si a.
Ruatdiki pu
————–
Kan sorkar zu zawrh chuan a \ha lo lamah nghawng a nei zau \an ta hle. Zu kan thihpui tam ta malh malh hle mai. Zu avanga natna khirh tak tak tuar mek lah bo lo, tun a\anga kum 5 ral hnuah chuan Mizo mipate hi kan tlem tawh ngawt ang. Zu khap bur thei tur chauh thlang tling tawh ang u Mizo mipuite kan ral zawh hma hian.
Z Fanai
—————–
VC-ten hnatlang phatna cheng 50 leh hnatlang lo ho run nan cheng 100 an tihna rei tawh. Cheng 25 leh 50 an inti vel kha dawt a ni.
Bawngkawn Pa
——————-
Pu Zonet, mi dangte sawichhiatna leh beihna thu rapthlak pui puite hi mahni hmasialna leh dik lo taka tihluihna hmanga chan \ha chan tum lui tute an ang i ti ve lo maw? A \hente phei hi chu thisen chhuah tum rim an nam tlat. Kei chuan thil awm lo lutuk pawh ni lo, an thil tihdan leh ngaihtuah phung ringawt a\ang pawh hian Pathian thu awih lo an ni tih ka chiang a, ka support ve thei ngai lovang. Kan zingah rau rau chuan tuna thuneitu leh ram hruaitute hi \ha ka la ti rih ber tho tho. Thuneitu leh roreltute u, nangni aia \ha tur dang an la awm rih si lo a, kan lo\awng\aipui zel ang che u.
7642815154
—————-
