Hmanni chu ka \hianpa nen Vangchhiaah kan han kal a, kawng chhiat zia mawlh mai kha aw. Kan tlan laia ka rilrua lo awm fo chu Champhai, District khawpui kawng meuh pawh heti em ema han chhiat mai chu ka ti a. Kawng pawimawh tak si, kum sawm chhung pawha siam \ha thei lo sorkar hi nep ka van ti em. Champhai bial Congress MLA lah chu pahnih lai an awm tho si. Khawchhak mipuite u bumin awm tawh suh u. Harh a hun takzet tawh e.
DINGTEA KHIANGTE
————-
Tumah an famkim bik lo tia ram hruaitu \ha lo bawk, eiruk vanga Court-a kal ngai zui zuk pahnihte hi kan thlang tling leh a nih chuan khua a var har ngawt ang le. Mi rethei tam zawkte dinchhuah theihna tur policy nei hi i enchhin ve tawh ang u. An lo \ha lo a nih chuan kan paih thla leh mai dawn nia. Bum reng theih kan ni bik lo tih hi a taka lantir a hun ta khawp mai.
Zoram hmangaihtu
————
Inthlang thuai thuai ila a \ha mai. MLA pakhat pawh nei lo tur ZPM ho insawi lian ve reng mai hi a ninawm.
Lalrinfela
———–
Remna an ziah khan India leh Mizote inremna tiin nge an ziah a, India leh MNF inremna?
9862364169
————-
Dt 5.8.18 zana \halai DDK-a inkawm ho kha an fel tehlul nen an thawhloh lam, kuthnathawhte an sawi ve vak mai a. Kum tam tak kan tha bak a sing tam tak senga hlawhchham tan chuan ngaihthlak a nuam lo hle mai. Sorkar \ha leh \ha lo pawh an hre hrang lo a ang khawp mai. A takin thlai ching ve teh se.
Siaha pa
————
Shavdan India-ah hian fakna vawi thum ngawt mai a awm \hin a, a tam deuh lo maw? LPS lamah hian a chanve velah vawi khat an fak \hin a, a tawk viau lo maw? Keini Zonet ngaisangtute hian kan ngen che u a ni.
RT Khiangte
————
Mizoram sorkar leh YMA kalphung a inpersan. YMA chuan Mizoramah ruihhlo do a puang a, zu hi ruihhlo a nih angin a do tlat a. Hetih mek lai hian Mizoram Kohhran te pawh hian zu hi an do mai ni lovin, zu hmun hlimna takngial pawh a duh lo. Hetiang hi Mizoram dinhmun a nih lai hian Mizoram sorkar rorelna chelhtute chuan zu hi ruihhlovah ngai lovin zu a zuar lui tlat! Mizo \awngah zu hi ruihhlo a ni a, “ruihtheih thil” tih a ni bawk. He thil hi pawmzam mai mai chi a nih loh vei nen, YMA lah hian sorkarin a bawl tih an inhre lo nge ni, huat a hnekin, pawiti tak maiin sorkar zu zawrh chu a do ang lawi si a.
PH FANAI
————
BSNL ho hian sum an duh mah mah lo maw? Cheng khat tling lo fe pawh cheng khat angin an la duh a, a nawi chengkhat chu sawi loh, a aia tam pawh an kir leh duh si lova. An ti mah mah.
9436199355
———-
Pi Vanramchhuangi chu kan sorkar chuan a va ngainep the the ve. A mamawh apiang chu NLUP kan pe zel ang an la ti hem mai si a. A ni reng taka thingtlanga NREGS pawisa hnathawhna tura Central a\anga lokal hi VC emaw, party-in emaw an duhsak zawngte lo pe emaw, lo sem ta se hmasawn a har ngawt ang le. Pathian nung bia inti tan chuan thil tih chi chu a ni lo reng a ni. Mipui sum, mipui ta a ni miaua.
Liana
————
Tuikuk chungchang hi TV-ah te hian tilang tilang tawh lo ang u. Anmahni kawmna phei hi chu titawp hmak ang u. Kan tihluhlang mai mai, kan hling pai lian tak tur an nih hi.
7629967859
————-
Mizoram chu inluling thei pawh kan ni lo, kan ram district 8-a district 6 lai Bawrhsap chu hnamdang an ni tlat mai. A ram mi ngei an awm thei lo em ni?
Ramveitu
————-
Pu Zoramthanga, Ex-CM Mizoram hi MNF Party President a nih chhung chuan Mizoramah MNF an sorkar leh tawh ngai lovang!
9089746142
————-
Mizo dik tak, chhinlung chhuak pi leh puten thih huama an lo humhim Mizo ramah Zo hnama tel pawh ni lo Takam leh Tuikuk hoten heti taka duhthu an sam ngam ta mai hi MIZO nih a va zahthlak ta ve! Ram hruaituten an dang thei lo/ngam lo a nih chuan ram buai kan va nih leh hmel mai ve aw. Zofate kan va tlawm ta em!
MIZOVA
————–
ZPM chuan Vanglaini chanchinbu leh Zonet Cable TV an nei a, an neih chhun khuang pahnih hi ring tak takin an vaw vak vak ringawt mai a ni. Sawitu Zoramthanga MNF President. Ram khat hruaitu inti te \awngkam chu ram hnam ka vei e de de dei. Ram leh hnam humhalhna kawngah hian nang lo chhuan tur kan nei lo. I thu ang zela kalsiam rel hnam tan damna a ni tia Zofate insuihkhawm leh duha a \hen an auchamchi lai hian Zoram tluchhe mek tungding tura ke pen \heuh \heuhte ke pen dan hi a rual ngang lo chu a ni! Kan ram leh hnam hmangaihtute hian eng nge an zawn ber ang? Khiangawia te hla, ‘sum leh pai kan hmuh chuan kan mengpawng zawr zawr’ tia an lo sak hi dikna chin a tam ta mai.
RENTHLEI CABIN
————-
“Tangka sum ngainat hi sual tinreng bul a ni” tiin kan Pathian thu chuan min hrilh a, tuna kan sorkar hrawn mek pawh hian sum ngainatna avangin a ram mipuite zu hmangin min hraihlum ta chur chur mai a nih hi. A pawi zia hre turin an mit lah a del tlat bawk si. Kan CM ber lahin ruihhlovah a ngai miah lo lehnghal. A ram mipui, nu leh pate lahin kan tu leh fate leh kan ram hmakhua tur chu mi \ha lo, sum hmanga mi thlem chingte laka sum sem dawngin kan tichhe chho mek mai zawng a nih hi. Thawh chhuah ni lova sum dawn ringawt \hin hi chhiatna bul a ni tih hi hria ila, rawn tawktarha min lei tumtu pawh hi SUAMHMANG an ni tih hi i hria ang u. ZORAM HARH RAWH.
Zoram Tlangau
————-
Kan vengah mi pahnih khat chuan hlawkna umin kum khat chhungin ZNP, MNF, Congress-ah te awm hmanin, tunah BJP an hel \an leh tawh a ni awm e. Hetiang mi nghet lo zuanglawr leh thlengtlawr zuana zuang \hinte hian an awmna Party an timualpho takzet a ni. Mi baka hlawkna leh \ang hmasialna lam ngaihtuaha phuzek zek \hin an ni ti ila a sual tam awm love. Heng mite hian ram an tichhia a, veng hming an timualphova, corruption a lo pian \anna a ni tlangpui \hin. Hetiang mite hian hlawkna zawng leh umin Party hrang hrang reilo te te belin lungawina pawh an nei ngai lova, hruaitute reng reng an milpui rei thei ngai hek lova, chuvang chuan veng chhunga mipui lam pawhin heng ho awmdan hi ngaihdan chin tawk neia, \hian \ha siam nan pawh an \ha lo tih hriat a \ha ang. Tu Party-ah pawh lo awm \hin mahse, mimal hlawkna lam leh mualphona lam thlensaktu an ni \hin. Heng mite lakah hian i fimkhur ang u.
MS Chhakchhuak, AZL
———–
Chhungkaw 37 zet NREGS hnuaia ni 100 inhlawhna ni 31 thawh hlawh an lak vek tawh hnuin chhungkaw 37 te bank account-a lak \hin chu a la lut ve si lova, an buai hle. Min bialtute hian mipuia an sawi rik tawh angin min paih ta mai em ni? Central India a\anga scheme kal tawh hi BDO leh VC-te paih mai theih a ni em? Account-a la lut lote hi \anpui dan an ngaihtuah thei zawk lo em ni? Account leh Aadhar card xerox pawh vawi tam tak min ngennain kan thehlut tawh, ninawm.
KHAWTHLANG MIZO
————–
Aizawl han \awp em em dan hi. Kristian ram tia inchhal ngam tur pawh kan ni lo. Zanah reng mai kawng dungah mi pawisakna nei lova khawsa, mi pangngai hmel pui pui an tam hle mai. Thingtlanga awm kan ni a, kawng laklawha buaina deuh han tawh chang hian Aizawl hi kan thim lut ziah a, a lo \awp zia hi ka zak zawk. Kristian ram ve si hnamdang tan chuan han zuam loh zia zang kan ni lo.
Marami Chawngthu
————–
Inthlan dawn hnai apiang maia Bru raltlan tih tak reng mai chu Mizo hnam hi kan tlem viau emaw ni dawn le?
MIZO |IAP |IAPA
————–
Congress party leh BJP party member zawng zawngte hian Mizo nationalism an sawi ve tur a ni lo. A chhan chu Indian Nationalism sawi mawitu an ni a, Mizo hnamah chuan mawhphurhna an nei lo. Hnamdang tana palai party an ni miau a. Kan ram chuan hnamdang thur^wn kan duh bawk lo tih i hre kar ang u.
Vawrselapa
—————
