Tukin zing ka chanchinbu chhiarah chuan pa pakhat hian Congress party manifesto thar Laptop sem chungchang kha a rawn sawi a, chu Laptop an sem tur chu HSLC leh a chung lam pass zawng zawng tana sem tur angah a ngai nge emaw ni khan Laptop sem chungchang kha a pass tawh leh lehkhazir puitu atan tiin mi bik, thiam thei leh top-a lang chin bakin an dawng lovang. Development Programme a ni a, an sorkar a nih chuan ti thei se chu a va \ha dawn em! Mahse tunge sorkar tur chu ni ta ang kan la hre si lo.
Joseph L Darngawn
———–
Kumin inthlan chu independent kan vote loh ngam a ngai. BJP lian tur dal hi nang leh keia tih tur a ni.
9774991552
————
KAN TUHRAH KAN SENG E. Hmasang, kan pu Chhura te pawh an pian hma kum sang chuang liam taah khan Harapa leh Mohenjodaro khaw mipuite chuan khawpui hi ruahmanna fel tak hmanga din tur a ni tih an lo hre tawh a, mahni duhdan dana in sak bawrh bawrhte hi thil hlauhawm tak a ni tih an lo hre daih tawh. Keini erawh chuan vawiin thlengin heti lam hi kan la ngai pawimawh lo hle. Khawpui a tawt em em a, bawlhlawh paihna a mumal thei tak tak lo. AMC-in hma an la chung pawhin tuichhe luanna a mumal lova, tuihawk luankawr a mumal lova, mahni in panna tur kawng a mumal hek lo. Khawpui enkawl nana thil pawimawh tak tak ngaihthah vang a ni. Khawpui chhungah electric hrui, telephone hrui leh cable TV hrui a inbat hnawk nuai mai. Electric hruite phei chu han chat emaw, kalsual emaw ta se a hlauhawm hle ang. Ram hruai \ha tur kan thlang dawn bawk a, kan khawpui Aizawl tinuamtu pathluak \ha kan mamawh e.
RENTHLEI CABIN
———
Chhiar tam apiangte ngaihdan leh rindan hi chu a fing nge nge-in ka hre fo \hin. Kei, chhiar tam ve lo ngaihdan leh rindan hi chu ka mawl ang angin a mawl \hin. Ni 3.11.2018 Vanglaini chhuaka John Hnamte-in ‘Hindutva is for real’ tih a rawn ziahah khan a chhiar zau zia a hriat theih a, a ngaihdan kha a fing khawpin ka hria. BJP-in RSS hmatheha hmanga Hindutva-a India siam a hlauh thu a ziah kha a pawmawm fuin ka ring. Keini ang mimawl, chhiar zau ve lo chuan a hlauh ang kha ka lo hlau ve lem lova. Daniel-a sakeibaknei puka an paih leh Sadraka-te \hian thum meipui a\anga chhanchhuaktu Pathian kha kan Pathian a nih avangin ka hlau ve lo. Ka ngaihdanah chuan Mizoten kan hlauh em em, RSS te hian tun aia nasa-in bei sela Kristiante tun aia nasain nekchep leh tihduhdahin awm ila, chutih hunah chuan rilru tak takin Pathian kan au anga, Hindu rama din tumtute chu a thiltihtheihna hmangin a rawn tukdawl anga, mak an tiin hlauvin an khur anga, mi tam takin Lal Isua an rin phah dawn a ni. Chu hun chu ka mawl ang angin a lo thlen hun ka thlir fo \hin. Lalpa ram zauh hi BJP, RSS te dal theih chi a ni lo. BJP, RSS tih mai mai i hlau lovang u. Pathian engkimtithei kan nei a lawm. Hnehna chu Lalpa ta a ni si a. Ti daih ila, tlin loh hlauh vangin BJP thawhpui nih hi enga tinge kan hlauh em em? India ram hi Congress kaihhruai UPA leh BJP kaihhruai NDA-ah a in\hen phawka, BJP NDA-a i awm loh pawn Congress UPA ah i awm tho tho dawn. Kei, eng party-ah mah awm ve lo hian ka rawn sawi e.
DIKI PA
————
Kan ram MLA \henkhatte hi chu an lova zahpuiawm ve le? Candidate an ni dawn lova an hriat avangin an sawichhiat hrep tawh hnu party-ah meikhupin an vak luta, a \hente lah Kristian te nghaisa zingah zak hauh lovin an zuanglut bawk a, ram hmangaihtu MLA chu an lova han ni lo chiang ve le.
Thlirtu Mitfima
———–
Tuna a lan dan a\ang chuan ramri hrulah BJP an lian a, District Capital, mimawl tamna leh pawisak nei lo tamnaah MNF leh Congress an tama, District changkang, mifing leh Pathian \ih tamna hmunah ZPM an tamin a lang. Sem policy tuipui tak bial hi mi zawmthaw leh inthlahdah tamna a ni deuhin a lang.
LALPA ZAWLNEI
————
Inthlanpui thlirlawknaa Pu Zorama an \awng zar zar kha chuan dream tihhlawhtlin theih lem loh a nei leh ta nualah ka lo ngai ve deuh ngawt a.
Lawma Pa
————-
Mizo tan hnam \anrualna hun \ha a inher chhuak e. Central sorkar ngeng chhun raih turin leh hnam zahawm Lalpa zawnchhuah ram kan nih zia entirnan heti tak maia Tuikuk rem leh rem lo chung pawha Central sorkarin an duhsak lui tlat dawn a nih chuan Mizo MLA, BJP candidate chu kan inhnukdawk e inti thei dawn lawm ni? Naga ram chu nise an ti awlsam khawp ang le.
RK Sanga
————-
Ngaihdam dilna tur ngah deuh leh sawifiah tur ngah deuh maite hi chu thuneihna pek tlak an ni lo. Thiltithei dinhmuna din laia mahni inhaivur ching takte hian eng vangin nge ram roreltu dinhmuna din an la chak ngam fo le? Zahna chang hriat a va hun ta ve!
Ramveitua
————
Mizoram hi Mizo ram a ni. Kan \anrual loh chuan chhak, thlang, chhim leh hmarah ral an lo lian zel e. RAM HMANGAIH inti \hin Political Party te u tun hun hi a ni dawn lo’m ni ram hmangaih hun chu? Lo chhuak thuai rawh u, i ramin a ko mek che a sin.
ZO ESTHERI
———–
Prof. JV Hluna hi Mizo a nih ve tak tak chuan BJP hi hawisanin an unit din tawhte pawh \hiat vek rawh se. Hindu motion pui ber hre chunga \an tlattute hi Mizo HNAM PHATSANTUTE an ni tih inhre mawlh rawh se.
Zohmangaiha
————
Media-ten khawthlang lam kalchilha chanchin thar khawn in duh thawh lutuk kha thla hmasa khan ka rawn Faksel tawh a nih kha. Mi kheuh beuhte hian lar an thlahleh lutuk a sin. Khawvel huap pawhin intilar mai mai zawk \hin a, an duhthusam chiah a ni e. Hnam thilah chuan chanchin thar hi khawn taima lutuk tawh lo hram ang che u.
LB-a Pa
———–
Zoram mipuite hian BJP hi kan haw tak tak a nih chuan MKHC leh NGO-te hian thuchhuah in\awm siamin khaw tinah BJP hi vote lo mai tura inzirtir mai a \ha lo maw?
Mizo pa
————
Aizawl pa, BJP sorkar ai chuan Congress lal tir leh mai ila titu khan i ti sual hlein ka hria. Heti khawpa kan ram min tirethei leh min hmusit a, min uankhumtu hi chu lal leh tawh lo hram turin mi tin ten Party rilru dah \hain mipui sorkar siam turin theihtawp i chhuah zawk ang u.
9862690415
————
Shasank chu nuthlawi ho intelkhawm se Mizoram a chhuahsan hmain beng \heuh se thin a dam deuh ang.
9612246649
———-
