In remna avanga haw chhuak zingah khan ka tel ve a, tunah hian hei kum 34 hmel kan lo hmu ve dawn ta. Kan haw chhuah a\angin kan party hi vawi engemawzah kan sorkar ve ta a, a thau sawh ve te hi kan lo beisei ve \hin nen kan pute lah hian min bum leh dawn a ni chek ang chu. Sorkar hna hnuai bawra ngaih, Peon hna tak ngial pawh dil ila, engkimah hian kan tla zel mai zawng a nih hi. Nupui fanau an khawngaihthlak hle mai. Kan tan lah Returnee nih a zahthlak ta hle mai. Thil engkimah hian bei hi a dawng a ni e. Kan haw chhuah dawna min thlem dan nen chuan a dang ta zar mai, beisei bo a lo a ni e. Pu Hawla chu an lo tluk lo deuh a ni e. Tender hna tenau dil paw’n awmzia a nei lova, kan insengso thlawn mai mai a ni. Nghak zel chhin phawt mai teh ang le.
70052 51641
Kan sorkar hian Health Care Scheme atan chhungkaw tin hnen a\angin Rs.1,000/- leh BPL chhungkua a\anga Rs.100/- a laksak laiin a takin Health Care Scheme hi hman theih a la ni si lo, mipuite hi kan va mangang tak em Pu Zonet. Mi retheite hi kan damlo ve thei a, damlohna avanga loh theih loha damdawi ina awm mekte hi kan rilru a va hah tak em. Kan sorkar hian chak lehzualin hma la mawlh teh se. Mipuiin Health Care atana kan thawhkhawm, cheng vaibelchhe tel hi kan sorkar hian min eisak mai dawn em ni? Kei chu ka ngaithiam thei hauh lovang. Sorkar hian chak takin hma la rawh se.
SANGSANGI PA, Armed Veng South
97747 73425
Serial lehlin inpe nasa lutuk hi chu a va khamawm zozai tak em. Film puitling en ve tum paw’n en tur a awm mang ngai lova, zan tirah phei chuan vai leh sap ho hi Mizo \awngin an \awng sup sup zel. Khawngaihin a chin tawk hre teh u.
SNIPER
80143 34596
India rama State pachhe ber leh intodelh lo ber ni si heti tak maia huau huau leh hut hut lawma a pui a pang, a lian a te, ram hruaitute chenin kan ri vut vut mai a, kan \e chelchul mai hi chu eng tak hi hmachhawn zel ang imaw?! Kan pipute hunlaia khaw pakhat chawngchen nuam ti lutuk tawp nachang hrelo, an han harh chhuah meuh chuan ei leh bar an lo tlachham a, an pem darh ta vek mai te pawh kha min hriat chhuah tir hial mai.
Engtin nge Zoram hi a kal zel dawn ngaihtuah ngam pawh a ni ta lo ve. Kan Sakhuana thlengin kan nghing dual dual ta mai a nih hi.
Zo Nehemia
93666 30785
A hmasa-in Zonet mi leh sa, Fakselnaa thu thawh \hinte kumthar chibai vek u le. Dt. 4/1/2020 chanchin thar uluk takin ka en leh a, Mizoramin kawlphetha kan chhit man, dept inthlahdah vanga kan pek tlai, sum kan chawi belh kha ₹ vaibelchhe 11 leh nuai 33 niin puan a ni a, a zia lo hle a ni. Sum kan indaih loh mai bakah, chawmhlawm state kan ni a, a department hian inenfiah an ngai hle tih a lang. A changtu Minister tan pawh thil zahthlak tak a ni. Thla kaw chhung bill pe lovin kan awm a nia. A thawktute an inthlah dah vang ni berin a lang. Sorkar tan pawh ₹ 3,00,000 sem tum nak a laiin. Bill pek tlai vanga chawi khian SEDP sem tur chhungkaw tam tak a daih tlat. Fimkhur a ngai hle mai.
Johan Lalrinawma pu, Saron veng
94363 92544
Kumin 2020 chu CAB pass chungchang i han sawi char char mai teh ang. Sawi loh theih loh pawh a ni reng a ni. Kan Zoram leh mipui mimal tan hian a la pawi dawn khawp mai. A dam zawnga sawi sawi \hintute lah hi State sorkar support em emtu an ni a, Pu C. Rosanga hi dem vak vak suh u. A demawm ber zawk chu tuna Mizoram State sorkar leh a enkawltu Party mawhphurhna a ni tih mimawl leh mifing tak tak te paw’n an hre thei ngei ang. Mahse, sum vangin theihnghilh tir theih i nih ngai chuan tawktarhah an la rawn hmang mai thei. Chutah zet chuan Zoram hi i hmangaih tak tak leh tak tak loh chu a hriat mai dawn a ni. Lo inralring ang che.
Neutral grupe Aizawl
9862384183
Hman zan Fakselnaa Kawn Cheimawi hian Tourist engzatnge a hip titu leh cheng engzah chiah hi nge hlawkna an neih titute kha he Kawnchei hi Tourist te hip thei tur leh hlawk tumna avanga tih niin a lang lova, Kristiante’n kan K<tpui ber, kan tan Bethlehema nau thar lo pianna ni champha a ni a, kan phak tawk \heuha a ropui thei ang bera kan lo inpuahchah vena leh kan thinlung A lama kan hawi tirna tur zawka tih niin a lang. Krismas bawr vela kan khawpui ber, Aizawl khawpuia Kawnchei te hi hlawk tumna leh khualzinte hipna atana chei an nih ka ring lo.
Tlabung Uitangrual
