MLA hlawh hi a tam lo an ti a, he hna inchuh hian party tin an inti nuar a, candidate an nihin nuai tam tak sengin tlin tumin an bei a, hlawh hi hei ai hian tlem se mi pamham lo leh retheiten an chuh ve thei mahna. Eng nge i ngaihdan?
Rini pa
96121 13319
Zing chaw ei dawn lai vela ‘Kan septic tank a khat vek’ tih fakna han hmuh leh ngaihthlak hi a nuam em em lo.
K. Hautea
87946 23211
Kan sorkar hian tuna kan neih ve sa rengte hnualsuata ramdang thlai chi leh rua chawk luha, min intodelh tir a tum leh ta ngawt mai ai hi chuan kan thlai thar leina tur zawk hi Budget-ah dahin market min zawn sak mai sela, Board tam tak dina sum tam tak sen leh vak ai chuan kan tan khua a va var hma zawk dawn em. Sorkar hmasa, Congress sorkar tihdan entawn ang zia zanga, tuna min kalpui an tum dan ang hi chuan eng ruai hi kan ni leh dawn hmel loh a nih hi. A shortcut awm rengin a kual thui thei tur ang ber zawng hian ruahmanna hi an siam a nih ber hi maw! Keini thingtlang kuthnathawktute hi chuan ZPM sorkar hun hi hmasawnna tak tak kan chan ve hun a ni dawn chauh a nih hi.
Thingtlang Pa
93666 30785
Pu Zonet, Pu Lalnun\awma & Nl. Zonunsangi te Zonet palai an nihna anga an inpekna hi a \ha-in a bengvarthlak hle mai. Chanchinthar a ni ve hial awm e. Tin, chanchin thar puang \hinte pawh hian an thiamin ngaihthlak a nuam thei khawp mai.
Lianhnuna
6909 715 764
Aizawl khawpuiin kan buaipui ber pakhat chu Traffic Jam hi a ni tih kan hre \heuh awm e. Hemi denchhen hian Babutea meuh pawhin Traffic Jam free min tiam a, kawngchhawngte kha campaign lai khan an auhla ber a nih kha. Aizawl Traffic Jam nasatna ber, Treasury square leh Chanmari kawn inkarah tal hi chuan kawngchhawng hi siam ni ta se kan harsatna hi sutkian duakin a awm ngei ang. Hmui chauh ni lo, sorkarna siam duh leh tlin duh vang chauh ni lo va Mizoram hmangaih vang zawka a taka hma la thei tur sorkar kan va mamawh em.
David M Zadeng
98626 72589
Kan la hria em? 2016 kuma tleirawl hlimsang 1 inlarna hmu kha? Khami \um khan kum 7 hnua Mizoram chhiatna thleng tur kum 4-a pawh tawi a nih thu a sawite kha! Inlarna hmututen an sawi \hin thim thuah hnih, China ral lian tihte kha! Han ngaihtuah chian chuan tunlaia China rama thil thleng hi a bul in\anna turte hi a ni thei mai ang em tih hi ngaihtuahnaah a lian khawp mai.
Childee FoXeS
7640868250
Fakselnaa Tlangvala khan Tlabung Uitangrualte duhsakna dawnga tlanpuar tih takah an pute hi chu an \an bur tur a ni ziri \hawh mai kha i rawn ti a, kan pute duhsakna dawnga kan tlanpuar kan va hre lo ve le aw! Khaw khat risk huai an tih ang deuh kha i ni mai lo maw? A thuhrimah kan pute hi kan \an vang ni hauh lovin rin thil thua engmah pawh tih theih nei lo va sawi \hin te leh anchhe hlawh dawn ang lek lek \awngkhum \hinte hlei hlei hi a vui na na an ni leh \hin bawk si a, mihring ve tho an ni a, duhdan dana kan han puh kual vel mai mai hi chu a fuh ber bik lem lo A NI ZIRI |HAWH MAI.
Tlabung Uitangrual
9862014844
Central sorkarin NI ZA inhlawhna hi mi retheite tana a siam emaw ka lo ti a, State dangte chuan an hmu \ha hle-in a hria ten an sawi bawk si. Engti zia nge ni ta MNF party an LAL a\ang hian a mumal tak hlek loh le? Congress sorkar lai khan thla tin khan kan hmu \hin kha a ni si a, a mak a ni. Kum 10 zet eptu an nih chhung khan an lo inhmang khawro zo anga, an hlawh tihpunah hian an hlawh atan an hmang fai ta daih mai em ni le? Kum hnih chhung vawi khat chiah ni za inhlawhna hi zu lo la chhuak a, nuai thum an sem hunah a hlawm a sem tel law law an tum a ni ang a, hmui varanda-a te ho hi. Tlangvala
9862349117
Kan veng lamah chuan current kan nei chhe lutuk hi kan va mangang em. Pu Hawla hunlaia Aigupta Sabel kha kan va ngai em.
Thinlaihnema
