Kan sorkar hian chak deuhin zirna lam hi ngaipawimawh se chu Govt. Mizo Higher School complex-ah hian College changtlung tak a din theih ang mawle? Hmun ruak a zau va, College lah kan indaih lo hle si a?
9774354495
—————–
Ka retheihna vanga ka au aw hi min lo hmusit ngawt bik suh ang che u. Kan duh reng vanga rethei leh rahbi tleu laklawh kan ni bik lo. Keimah ang hi chhungkaw tam tak an awm ve a sin, mahse ka vui lo ve.
Kan harsat zia hriain kan sorkar hotuten NLUP dawng turin min thlang ve a, kan beisei phak hauh loh kan chhungkaw chunga lo thleng chu kan tan chuan HNUNG LAMA SABARH ang mai a ni. Mahse, kan nghahhlelh em em lai leh kan dawng \ep tihin tu hmeichhe pakhat emaw ni leh MNF hruaitute vangin kan dawng thei ta rih lo, kan dawng lo hlen a nih phei chuan a va pawi lungrun dawn tak em aw.
BPL Liana
————-
Tuirini lei chu an hawng ta maw? Mahse, enga tinge sorkar hian a ram neitu Sesawng khua hi min va ngai nep ve mawle? Chumi, khami hunah a ti a, a \hulh leh a, chumi ni chuan tiin Sesawng khawtlang leh NGO te pawh chanvo neih turin min ngen a, hetiang mai maia min namnul leh si? Hetiang turte chuan a zawh veh leh khan zawh tir mai sela, mipui tibuai lovin. Hetiang political advantage lutuk awmze nei lo hi ka ngaihdan pawh a ni lo ve.
Sesawng Pa
—————
Mizoram sorkarin a duh duha a sawisak kual ngamte nia ka hriat chu SSA hnathawkte, Police Constable-te leh Aizawl Taxi-te hi a ni awm e. Heng ho vote hlut zawng hi sorkar lai party hian a hrechiang ve viau ang chu ka tihpui mai mai.
LT Ralte
————
Zoram Thar hi ka lo hmelhriat tirh dan chuan mi hlimsang kal sual leh Kohhran pawnlam thilah ka lo dah a, mahse chutiang lam a ni lo a, Zoram hmangaihtu tak tak, Isua rinchhan tlattute zawk an lo ni a. Kei pawh hian ropui ka ti khawp mai.
Kan ram hian damna leh siam tharna a mamawh em em a, Pathianin Israel fate Mosia hmanga a hruai chhuah ang deuh khan Pu Zaichhawna rilruah Pathianin a lo dah ve a, Zoram hi Pathian chakna hmanga hruai chhuah a, Zoram Thar a awm ngei ka ring tlat a ni. |awngkam hi ka thiam vak lo a, pawisawi palh lai leh tihsual a awm chuan min hrethiam dawn nia
.
Jonathan Majex Sailo
———–
May ni 28, 2018 khan Pu Lal Thanhawla chu Section 125-A, The Representation of the People Act, 1951 hmangin thubuai siamsak a ni a. Pu Zoramthanga pawh July ni 25, 2018 khan Prevention of Corruption Act tlawh chhanin dik lo taka sorkar sum a lo hman vang leh mahni leh midang hlawkna siamsak thubuai awrh tir a ni a, heng mai bakah hian eirukna nena inkaihhnawih thildang pathumah thubuai siamsak a ni bawk. Thiam loh chantir a nih chuan kum sarih thleng lungin tan theihna a ni. Hei hi kan ram hruaitute, inthlan dawn apianga mipuite tlawntu, inthlan zawh veleha mi retheite chan ai eizotute dinhmun a ni. Tumah an famkim bik lo tia eiruk chingte thil tihsual ngawih bopui leh sawi mawi zel hian ram a siam \ha thei lova, a siam \ha ngai bawk lovang. Chuvangin kum 2018-ah chuan Zoram mipuite hian heng ram hruaitu \ha lo te hi kan vote loh ngam a ngai.
9383302480
————-
Tun \um Zonet Mizo Idol Kolasib a mi chu ngun deuhin ka lo en a, an zaithiam tlang khawp mai. Hmun dang aiin a tlangpui thuin an zaithiam rualkhai hle a. Mahse, judge zinga hmeichhia kha i tel ve laia i awmdan kha kan la hai lova, judge i’n nih takah hian duh aiin i \awng tam deuh \hin.
9862582476
————
Hmanni kan inentir chu ka lungawi lo khawp mai. OPD Card hmeichhe ho laknaa hming lo chhutu patling kha damlo inentir tur zawng zawng kha a vinin an hming te kha sawi vat vat turin a ti a, mahse amah zawk khan a type rang leh thei si lova, a thinrim khum leh hrep ang reng bawk si. Mi neinung nih loh chuan Civil zel kan pan a ngai \hin a, midangte angin private pan thei lo tam tak, damlote kha patling khan a lo hrawk hrep kha a va mawi lo em. Khati khawpa thawk peih lo i nih si chuan ka pu pension mai ta la, nang aia thawk \ha duh leh mamawh an tam a sin. Ka pu i nun kha in ennawn i ngai khawp mai.
No. thup
————-
Ni 4, Inrinni chhuak Vanglaini phek 6-naa Pu Rualkhuma Hmar thuziak “Bru lak let leh hi Mizo hnam tan a la pawi ang” tih thu hi ram hmangaihtu zawng zawngte khan lo chhiarin a chhunzawmna tur thudang pawh rawn ziak zel teh u. Hetianga ram leh hnam hmangaihna thu \ha hian mipuite hi chawm fo kan ngai a nia.
9862508491
————-
Kan Mizo nihna hi Congress leh MNF hian Tuikuk leh Takam pawhin an zah tawh loh khawpin min siam tawh a, Zofa i nih chuan ZPM-ah leh ZORO-ah chauh HNAM damna a la awm tih hi hre tlang ila kan la him thei ang.
Zoliana
—————–
NLUP sem chungchanga Congress party-in tihdik loh leh duhsak bik nei lo anga a insawi hi dawt vek a ni. Thuneitute hian khaw tina an sem dan hi rawn check vek sela chuan mipui kan anna tam zawk a\ang hian thudik an hre thei ngei ang. Congress party-in mi rethei hnen thleng phak NLUP a tih hi dawt vek a ni e.
Marina
————-
Zoram mipuite ZONET Fakselna kaltlangin ka sawm a che u. Tun \um MLA inthlan lo awm turah hian Lal Thanhawla te nupa hi i CHANGE ang u.
LR-a
————-
India leh MNF-te inrem nana ram tana an pi leh pu, an nu leh pa, an fa, an neih rosum, an in leh lo mai pawh ni lo, nunna hlu tak ch^n te leh theihtawp chhuaha Pathian \anpuina diltu mi \hahnemngai tam tak pawh an awm laia, Pu Hawla’n lal \hutthleng a ken, a sawi reng bik mai hi chu inchhirna leh pawi tihna riau a nei a ni zawk mai lo’ng maw? Zirna an ngaihthah avangin DC tur pawh Mizo kan awm ta lo. Pawimawh awm tak tak, vai hmel Media-ah hmuh tur an tam ta. Kohhran, YMA leh NGO hrang hrangte remtih loh, zu zuar lalpa ngei kha ruihhlo do pawl tan pawh an pathian a ni si. Chhantu an ngai e.
Tlabung Uitangrual
————
