Fakselnaa David M Zadeng inti khan hna lak chungah kan pute i rawn dem niin kan lo hria a, kan pute hi hna lak chungchangah kher hi chuan an dik thlawt a, an dik lutuk hi keini pawh hian kan buai phah mah mah zawk. Hna diltu zawng zawng pek vek chi lah ni hek lo. Tuna IV Grade hna mi 51 lak turah pawh diltu mi 7,000 chuang an ni a, mi 6,000 vel an lungawi leh dawn lo tihna a ni a, \ha lo i tih kha \ha ti em em tu an awm ang a, \ha i tihah khan vui an tam leh hle si ang a, kan pute hian \ha eltianga lak pawh ni sela hming\hat erawh englai mahin an hlawh dawn chuang lo tih hi lo pawm ve phawt mai teh.
Tlabung Uitangrual
9862014844
India rama Aids vei tamna ber ram han nih chu a chhuanawm lo tak zet. Kan han inzirtirna lah chu Pathian huat zawng tak a ni lehnghal. Condom hmanga sex hman kan han inzirtir a ni a, Pathian zah lohna lian tak a ni. Setana erawh lawmin a nui ngei ang.
9862216410
Tunlai khawvel han \awp dan hi chu mahni inthunun zo lo khawpin zu kan in a, kan thinrimna tur hlir kan zawng a, kan nupui chungah kan thinrimna kan hrithlaa; kan nupuite ko hi a rit a sin. Zu hi chu eng kawngah mah fakna tur a awm lo.
7085175476
Mipui sorkar ni lovin, MNF sorkar chuan eirukna thubuai chhui theihna dotu tur Lok Ayukta chu \hiata Vigilance hnuaia a dah kherna chhan hi eng nge ni ta ang aw? Minister leh Mizoram CM tak ngial pawh a chhui thei a, a \hat tehreng nen, he sorkar hian eiruk theih apiang eiruk an tum emaw tih mai tur a lawm maw le! Party dang zawng zawng leh NGO ho hian engtin nge ngaihdan in neih? Mizo mipuite hi engtiang taka min kaihhruai nge maw an tum le? Nuam taka sapatala tal vak mai an tum em ni? A van \ha lo tak em! A pawi tak zet a ni. Tin, chu mai a ni lo, thil inhmeh lo tak a la awm che u mai. Nationalism-ah kan piang a, kan thihpui tur a ni an ti sauh sauh a, eirukna lam chhui theihna tur \hiah duh leh tlat lawi si hi a makin hriatthiam a har hle mai. Pawl dangte khan han ngaihtuah ve teh u.
MS Chhakchuak, Aizawl
9862384183
Kan Zoram intodelh theih lohna bulpui ber chu Lakhuihthei herna khawl, Sawhthing herna, Vaimim herna, Sapthei herna, Pangbal herna te leh Oil palm herna khawl kan neih sate buaipui chhunzawm lovin kan hlamchhiah zel a. Thil thar kan buaipui zel \hin avang hian “Pachhe kum tiam” an tih chiah hi kan dinhmun niin a lang. Thil thar hi kan hlawkpui hmain kan hlamchhiah zel mai si a, engtikah tak intodelh ang i maw?
Laltuaia
9612691391
Lusun chhungte hla thlana a thi-a te hmel tihlan chiam hi a entute tan hmuh a nuam lo duh khawp mai. Thlalak dang tihlan tam zawk a duhawm.
9436365342
Tunlai vai film, Mizo \awnga an leh, Singam tih te, Rowdi Rathor an tihte hi kan Police ho hian en ve \hin se, hetiang ang hian dikna leh rinawmna nen hnathawkin thil sual titute hi an dik lohna hailangin hremnate pe ngam ve se a va duhawm em! A hnuaihnung deuh leh chhantu nei lo nia an ngaihte chungah chauh hian an che na hle a, vantlang chunglam nia lang, thil dik lo ti ngei nia langte erawh an en liam leh mai mai si. Vai film kan sawi a\ang khian inzir se, ram siam \hat hna hi thawk tak tak se hmasawnna kan hmu nasa ngawt ang. Mipui pawh tun ai hian chhun zanin kan thlamuang zawk ngei ang.
LT Ralte
9862007651
Kumin kum tir, Assembly session-ah khan kan CM khan Raw chi hardening tur kha thla tin a \iak nuai 1 lo thleng \hin tur ang khan a sawi a, a chanchin eng nge ni ta? A reh ta vang vang mai si a nih hi mawle. Hei nimin maiah SEDP hnuaia Bamboo Development Board chuan thuchhuah rawn siamin, mau chi \ha feet 120-a sang, patling malpui tiat, ch^ng nei lo chu Tamil Nadu-a Masuri hmunah Laboratory-ah enchhin mek a nih thu an rawn sawi ve leh ta a; Awih la, awih suh la tih ang deuhin lu an ti hai leh ta map mai. Hei hi Mizoram Kuthnathawktute khaichhuah an tum dan programne a nih chuan kei chu ka bang tih mai palh awl tak a ni. A pakla hisap taka han chhut pawh hian Mau ch^ng nei lo, feet 120-a sang, patling malpui tiat chu engti kawng zawng mah hian thli thaw lo pawhin a ding nghet thei dawn lo hrim hrim. Awihawm loh tak a ni. |henawm State te hmasawn dan han hmuh hian keini ram hmasawn tum ve dan hi zawng “thu a tawp e lumam” tih hi kan Theme song a nih tak ber hi maw!
Mizo Tlangval
9366630785
Tun sorkar ministry hotu pakhat chuan SHC headquarters Aizawla awm daih chu SHC inthlanah MNF in thlantlin chuan headquarters chu Sakawrdaiah kan dah ang a ti. Dah sak hrim hrim zawk tawh awm tak a ni zawk lo maw?
Puipuii Pa
84140 29478
A \awng sual leh pek. Cheng nuai 5 chuang an lakluh chuan private school-ah an fate an kal tir thei ang a ti. Chutia mi hausa zawkte’n an fate sorkar school a\anga an lakchhuah vangin an sorkarin mipui sum an duh duhin an khawih ching pen thei ang tihna a ni chuang lo. Khawpui lamah chuan sorkar school-ah Mizo naupang an awm tawh bar hleinem. Mahse sorkar sum sen ral hem hemna a ni reng tho si a. Khaw te zawk lamah chuan sorkar school an la mamawh. Khawpuia zirtirtu chuang zeih zuih sawn chhuak ngam lova duh sak zawng zirtirtu thar sang chuang lak belh hi Pathian leh ram mipui tam ber duhdan a ni lo.
Ramliana
94361 97357
Inrinni leh sorkar chawlhah te hian \halai inti hlim tur, khawi maw picnic spot vela kal hi ka hmu fo \hin. |halai hman lutuk leh an leng vak nasa lutuk hi nu leh paten kan vei a ngai. |halaite hian kan hunawlah hian hna i thawk suau suau teh ang u. Kan hunawl te hi chhungte puih nan leh sum tuak nan hmang \angkai ila, kan intodelhin kan nun a hlim zawk ngei ang. Hman lutuk hian sualah min hruai fo, thil \ha tiin i buai tlang teh ang u.
Dingtea Khiangte
