ZONET Fakselna kaltlangin Lalthawvenga kha ka’n chhang ve lawk teh ang. Kan hmalawk Mizoramin MLA General Election kan neih turah hian Congress zu zuar sorkar hi kan sorkar tir tawh dawn lo tih lo hria ang che. Mizoram \halai rual hrai hlumtu sorkar hi Zoram mipui hian kan paih tawh dawn tih ZONET Fakselna kaltlang hian ka rawn hrilh che a ni e.
Ram hmangaihtu, Sawmhlua Pa, Kolasib
————
Kohhran, pawl leh zirna in thlengin engemaw te teah pawh CM leh Minister kan hawn tir zel mai hian hlawkna chu a nei a ni phawt angah! Anni lahin hna an nei lo nge an hawng hman ve reng mai bawk a. Ka ngaihtuahna hian rual a pawl lo ni ta ber hian ka hre ta mai.
Ramveia
————
Ram hruaitu atan chuan hnathawk bawrh bawrh mi hi ni se phai lam dawr pawh hnehsawh tak mai ni sela, thawk \ha ta na na na ei pawh ei rawh se. Thawk chhuak mang si lo, nihna pawimawh chelh vanga lo eiru ve ringawt hi a lawm mi huatthlala chu.
RK Sanga
————-
Pum \ha lo avangin mipui kan buai tawh a, mi kan dam thei si lo. Damdawia damna tur a awm bawk si lo, a manganthlak teh zawng a nih hi.
9612238063
————-
Sorkar hnathawk hlawh chu an ti sang taa, keini MR te hi kan sorkar hian min tih san sak ve dawn em le? Department tin maiah hian keini MR tel lo hian sorkar hi a kal thei lo a sin. Pute u min ngaihtuah ve hram rawh u, kan theihna zawng zawng hian Zoram tan kan thawk ve a sin.
|haltihnawnga, Aizawl
————
Tukin Vanglaini phek 6-naa Lalrammuana thuziak, “Ka nin deuh chu Two wheeler mi tlan pel ching hi” tih thu hi \ha ka va ti em. Keipawh amah ang thova two wheeler khalh ve tho ka ni. Lehlam a\anga lokal te kawng kan lo kian a, kan lo intlar hram hram a, chutih laia hmaa mite zah hauh lo, hmanhmawhna chhan nei chuang si loten kan kawng lo ken te an han dang tang leh tlat mai \hin hmuh hian a thinurthlak \hin khawp mai. Hetianga double over take ching ho hi kan Traffic Police te hian man hmiah hmiah teh se. Tin, tlema kawng a thawl deuh tih vanga chak tak tak leh bengchheng tak chunga tlan chingte hian midang an ti ral\iin an ti phawk lek nasa \hin bawk. Heng ho pawh hi man hmiah hmiah zel teh se.
Zonunsanga
————-
Kan sorkar hian eng hi nge ruihtheih a tih hi? Zu mi tam tak nunna suattu hi ruihtheihah a puang ve tlat lo mai hi chu a mak thlawt a ni. Inthlan leh awm teh se, kei leh ka chhungte chuan kan vote dawn lo khawp mai.
L. Fanai
————-
Mipui rawngbawltu inti ve si, Engineer leh Contractor-te ngam lo, tlawn leh hlau tlattu Minister hi chuan mipui rawng min bawl sak lovin bang mai sela a \ha zawk ang. Kawng zawng zawng chhiat chhan pawh hi amah a lo nih zawk hi! A laktlak loh em mai!
Thlirtu
————
ZONET Rimawia NLUP an rawn fak \hinna leh NLUP fakna zawh chiaha a chhunzawmna ni awm taka Mauruangi hla an sak zawmtir leh ziah \hin hi sum leh pai, thlai leh saah te intodelhna a awm chuang si lo. Tuna NLUP an fak \hin nen inanna riau an neiin kan hre tlat. Famdairial pawh chang ila, kan sakruang, Mizoram tan titu te hi keini chuan Mauruangi anga hming\hat hlawh tlaka kan ngaih ve te chu an ni.
Tlabung Uitangrual
————
UID hlau, Adhaar card hlau kan tih leh BJP hlau kan tih te hlauh dan hi thil thuhmun a ni mai lo maw? Pathian an rinna a nghet lo sa a ni ang.
Lengkawia
————-
Bungraw fakna aw/r^wl a ring em em a, Chanchin thar puan a zawi lutuk hi a ngaihmawhawm hle a nia!
9089746142
————
Mihring ding chhuak tur chi chu an thil tihah an tluanga, an hlawhtling mai \hin. Pu Duha hi politics hi akawng tur a ni lo a ni ang, a hlawhtling har em mai.
Lalkima
————-
A founder President ber Pu Denga a awm loh hnu hian MNF hi an tlahniam rawk rawk a ni ber e. Policy mumal nei lovin ’98 khan PC nen thawk hovin an tling hram a, kum 2003 MLA 24 neiin an tling leh a, kum 2008 a\ang phei chuan an phai rawk rawk a ni ber mai. Vision ringawt chuan a daih rei lo a ni e. Pu Duha’n an mite a la nghek mai dawn a ni ang.
Lalrinfela (Felixa)
————
Kan ram, kan hnam, kan leilung leh chhungkaw tin mai hi Congress leh MNF te kum engemawzat lo sorkar tawh khan min hmangaih tak tak chu ni se tun dinhmun ang em em hi chuan kan hnufual tawh bikin a rinawm loh khawp mai. Kum 30 chhunga an hnathawh awmchhun te lah hi keini mihring chhungkaw tana han dinchhuahna tham a awm lo mai ni lovin, chhungkaw tana han dinchhuahna lam hawi zawng hian engmah an ti duh miah si lo. Thatchhiatna min tuh nghehsak mai chauh a ni. Kuthnathawktute tana rate hre saa min thawh tir an tum awzawng bawk si lo. Zoram hmangaiha chhungkua bana kaih policy-a min kaihruaitu tur leh Chief Minister portfolio nei ve lo tur dik taka a kaihhruai Department hrang hrangte enkawl tur kan mamawh takzet ta a ni. Lal\hutthlenga \hu tur hian kalphung hlui pangngai ang thova kal leh mai mai tur, \hutna in\hut thleng mai mai hian awmzia a nei dawn lo tih i hre thar leh ang u.
Dawn-tisea, Aizawl pa
————-
Leichim chungchangah Engineer ten mawh an phur lo tih khan ngaihtuahna a tithui ka ti.
Maktia
————-
ZNP leh MPC te hian tun hma a\ang daih tawh khan unit lo vei ve ve tawh se chuan an sorkar mai tur maw le. Tunah chuan a tlai luta deuh em mai.
Mama pu
————-
Pi Riliani hi kan ning, kan kham, amah vang hian Congress hi kan vote dawn lo. Kan hmu kham hluah hluah tawh tih hi lo hre ve mai mai teh se.
Marami Chawngthu
————
I ram i hmangaih a nih chuan ZPM vote mai rawh. Pu Rama, \awng umpha lo lutuk leh Lal Thanhawla’n Pathian nung ti chunga thilsual tih a hreh loh chhung hi chuan engmah kan ni dawn si lo. Kuthnathawktute chuan ZPM i vote vek ang u.
8794569668
————
Zinga ZONET Chanchin thar ngaihthlak hian Police man zingah family case, chhungte tihbuai case a awm zel a, a pawi hle. Hetiang chingte chuan hre teh u, kan chhungte hi kan rohlu an ni. Chhungte tihbuai hi thil zahthlak leh mimawl hna a ni. I chhungte kha i rohlu an ni tih hria la zah viau rawh.
9612907066
————-
Pa-in Pathian pawi a sawi chuan faten an tuar \hin. Heti tak maia kan ramin chhiatna rapthlak tak tak kan tawk ta mawlh mawlh mai hi kan ram hruaitu, kan ram ‘pa’ te hian Pathian pawi an sawi vangah ka ngai nghet tlat.
93831010332
————-
Tipaimukh Road (Hmar Tlangdung kawng) Tuirini lei chhiat vanga kan unaute harsatna hi i ngaihtuah ngai em? Tui len changa Bialtu MLA leh inti VIP deuh deuh han kal leh ngawt \hin hian an harsatna a solve em? Nge YMA lam hi kan pun leh mai dawn? Lawngleng an rawn dah te khu eng atan nge ni ang? Khutiang lui t>ah a hman theih loh tih hi a chiangtu kan ni a sin, a hmuna awm, a chinchang hria te hi min rawn sela, maupum hmanga vawi khata motor 1/2 vel phur kai thei tur technology pawh kan hria a sin. Hetiangte chuan kan unaute tan hian furpui hi an tuar chhuak zo dawn em ni le?
Amos LT Hmar Sesawng
————
Mizo Idiol kan thlang leh dawn ta maw? A hunchhung a rei si a, nunphung chu a tibuai leh dawn a nih hi. Zirlai nei tan phei chuan buaithlak tak a ni. A chhawr bawkna em em a awm mang bawk si lo. Kum 5 danah i thlang tawh mai ang u.
9612355917
————-
Zu zawrh duh lovin Kohhran ho kan \awng\ai a, Bible House lungphum turin zu zuar sorkar hotu kan ruai leh a! Nge ni a, Zawlbuka e tang \heuh \heuh kan ni fai vek zawk? Kohhran hian lungphum turin mi \ha dang an hmu bik chuang lo a ni mahna.
LB-a Pa
————–
Tripura State chuan an lakhuihthei thar chuahte Kanchenjungha Express, Agartala Rail Station a\angin Kolkataah, Kolkata Airport a\angin Dubai leh Foreign ram hrang hrangah an thawn chhuak ta chur chur mai le. Sorkar \ha nei State chu an kang awk awk zel dawn a ni. ZPM sorkar hun a nghah hlelhawm tawh hle mai. Kuthnathawktute thar chhuah leina tur budget-ah an han dah ve anga, a sema sem lovin min leisak dawn a ni. A thawk tam apiang kan ding chhuak tawh mai dawn si a. Zoram mipuite i harh chhuak tawh ang u le.
8794603279
————
