Kan CM zahawm tak chu a tap tawm lu deuh mang e aw tih a hlawh lai mekin Union Home Minister-in Tripura CM nen Delhi tlangah Tuikuk chungchangah koh an ni a, ramri chungchangah chance la-in a sawipui ngei ang tih naka laiin a sawi thawm reng reng sawi a awm lo, a mak tih bak sawi tur a awm lo. Assam Police-te demawm dan te. A.. i sawi tam lo mai ang. Ram hi lal nan chauh a ni kan lo duh.
RK Sanga
————-
Zing Daifim hi naupang school kal tur hruai avangin dar 7:30 a mi hi kan en ve hman lova, dar 9:00-a tih chhuah nawn kan han chang a, mahse a hun takah a chhuak lova, tukin (5.7.18)-ah phei chuan ni 4.7.2018 a mi inrawn tichhuak leh daih si a, duty-ten uluk takin in programme tur hi enfel \hin ula kan va ti ve.
9436360570
————-
CM Pu Hawla’n, “NLUP hi MNF ho pawn \ha an ti a, an duh a nih chuan rawn dil ve mai se” tia a sawi kha, NLUP hi ram hmasawnna tur leh retheiten leirem an lo rah ve theihna tur ni lovin Congress ta bik, dil kher ngai, Congress nih ve kher loh chuan hmuh theih loh, Party-in inzawrh nana Bingtaituki anga hming\hat lak tir intumna em ni zawk? Keini MNF-te chuan Mauruangi ngei kan zawn dawn a, mipui chanai nge zu chhiah tlingkhawm tih pawh hriat loh hi dawn ve atan pawh kan duh lo hrim hrim a, kan dil lo phawt mai ang tih hi kan chhanna a ni.
Tlabung Uitangrual
————-
Khawpui mite leh thingtlang lam mite u kumin kan ram inthlanpui lo awm tur chu kan ramah change i thlen tir ang u hmiang. MNF leh Congress party te hi kan ram enkawla kaihruai tur chuan chawlh i pe tawh ang u. Tichuan, kan ram leh a chhunga chengte hian hmasawnna thar kan lo nei ve thei tawh dawn nia.
9862322234
————-
Aizawl khawpui veng \henkhatah electric kan la inenchhawk zuk zuk mai hi chu a \hing lam chu a ni. World Cup en hun lai lehnghal, a thinrimthlak a nia. Department mualphona pawh a ni tih hriat a \ha.
L. Fanai
————-
Kumin inthlan chu khawiah nge maw ka han vote dawn chu? MNF-ah han vote dawn ila Tuikuk ho, mi rukbo pawisaa an tlan chhuah vel ka ngaihtuaha ka tui leh si lova. Congress han vote dawn ila ka hne tawh bawk. Mahni party duhsaka lian tual tual, a chhum chhia deuh beh rawk rawkna a ni bawk si a. ZPM han ti dawn ila an tlem tih chauh hi selna ^nka a la ni a, a chhungah an lo muk ru viau thei bawk a. Engtin zel nge niang tiin ka ngaihtuah a, thingtlang lam tana dinchhuahna tura sawhthing kg khat cheng 50-a lei thei tur ZPM-ah bawk hi \ha berah ka ngai ta a.
RODY PA
————-
ZONET Zawlbuk a\anga news puan tur thu ziaktu hi fimkhur se a van \ha ve. Mihring hming mipa leh hmeichhia te hming tawp lam rik dan hi an ti dik thei miah lo. Mipa hming tawp lamah chuan entirnan LOVIN ti lovin, Lova’n tih tur. Pu Sailovin ti lovin, Pu Sailova’n tih tur a ni e. Ka rawn sawisel fo tawh \hin a, Mizo \awng hi ziak dik ula, hmang dik tawh teh u.
PH FANAI
————-
Kan sorkar tak hi chu aw! Mahni party leh an member te ni ngeia an hriat chian chauh ham\hatna an pe a, hetiang rilru pu hian ram ka hmangaih, eke bale an ti a, an office-ah te sawn va kal teh mah u, kan Department office ai mahin a phuisui zawkin a ropui zawk teh a nia. Mahni party leh mahni mi leh sa te chauh duhsakna leh a tla tlum tlum hlawkna, hmelhriat nei \ha \ha te vanneihna sorkar neih chu a vanduaithlak hle mai. Engtikah nge Zoram hian hma kan sawn anga, engtikah nge kan intunnun ve theih ang tih chu ngaihtuah tham tak a ni. MNF lah an sorkar laia an nuam tawl dan kha ngaihtuah ve tawh mai rawh u. Keipuiin a zia a thlah thei lo an tih kha ngaihtuah chhunzawm ve tawh mai teh u. A khamawm takzet a ni. Kan phun kan phun leh ai chuan mipui sorkar din i tum ang u. ZPM chuan kan lo hmuak a che u.
MS Chhakchhuak, Aizawl
————-
Inthlan a hnai tial tial, party hruaitute an \ang \an ta hle. Inkah nan musep mai duh tawk lovin mupui pawh an hmang \an ta zeuh zeuh. Mahse, keini Congress mite chu kan inhlawm ruh deuh deuh a ni.
Duata pu
————-
‘Kan Zoram, rimawi ram leh thiangkarah, Herse, Khiang leh Ngiauparten a bawmna ram’ tia kan sak pui ve fona ram, kan Jerusalem tia politician ten an auhpui ve fona, ram thianghlim ni ve mai awma kan sawi fona ram hi han ngaihtuah chiang ve teh. Political party tin ten ram nuam taka siam an tum \heuhna ram hi eng vanga inthlan dawn hnaih apianga hmangaih thar thut \hin nge an nih ang le? Martarte thlan lah hian sawi a hlawh reng lehnghal a, mak thei tak a ni. Mak tia boral tur kan nih thu kha Bible-ah kan hmuh tak kha mawle.
RENTHLEI CABIN
————-
Mi zawng zawng hian Congress sorkar bawk kan hrawn leh dawn tih an ring a, MNF mi leh sate, ZPM mite ngei pawh hian an ring a ni.
VL Ruata
————-
ZONET Zawlbuk chanchin thar a\ang khan World Cup result leh inkhel zel turte hun leh hmun te rawn puang tel ve zel ula a lawm hle ang maw le!
919089746142
(Infiamna chanchintharah puan \hin a ni e)
—————-
Remna Ni champha kan hman zawh taka MNF hruaitu hmun hrang hranga thusawi khan Pu Hawla lansarh an va hlau em! CM seat kiantu a ni tih mi zawng zawngin an hria. CM ni lo chuan Pu Denga leh a hote lo let an tum lo tih pawh kan hre bawk. Pu Denga hming pawh a ri ta lo bawk.
Lalrinfela
————-
Canteen kuala kea kalna pavement hi no parking a ni em le? Kawng dal chiaha lirthei dahte an zalen hle mai a. Dah ve ka duh a nia.
Hruaia pa
—————-
Tuna kan CM Pu Hawla hi chu Anti Tobacco Minister of State Independent Portfolio atan ka it ngawt mai. A nupui Pi Rii’n a lo pui thei dawn bawk si a.
8974037271
————-
Sorkarin khawpui a cheina pakhat kawngsira kea kalna tur niawm tak tak a siam hi hmun \henkhatah chuan kawng a tizimin kawng a titawt riauin a lang. Uluk zawkin ennawn \hin se.
LT Ralte
————-
CSS Hindi Teacher, sorkar leh Central YMA hriatpuinaa an inremnaah khan Central sorkar-in hma a lak loh chuan Mizoram sorkarin a ngaihtuah ang tih kha a ni si a, engtik hunah nge a ngaihtuah sak ang le? An inremna a\ang khan kum hnih chu a liam leh mai tawh dawn si a. Inthlan lah a hnai tawh si a, Congress-in sorkarna an siam leh te a nih loh phei chuan dawtin inremna an siampui a ni mai awm si a.
9862536982
————-
