SEDP hi an sawifiahna leh an sawina tam berah hian SEM POLICY dik tak a ni. Cheng nuai thuma an sem hunah chuan ram tana hna dang thawhna tur a tlem ngawt ang. A thuhrimin SEM POLICY hi policy tha lo, policy sakei a ni.
VL Ruata
————
Ni 3.2.18 Vanglainia Chris MS Dawngkima thuziak hi a va thain, a va dik tehlul em! Mi dik leh mi tha, diknaa huaisen i ni theuh ang u. India rama Kristian sakhaw vuan tamna ber state-a kawng dung leh mihring phur chi lirthei zawng zawnga condom hmang tura zirtirna tar chiai chuaite hian Kristian dik kan nih lohzia a lantirin zak tur kan ni lo em ni? ZONET chanchin thar puan dawn leh LPS-ah pawh an pe tho. Mizo inkhel thiam lar lan telnaa condom faknate hi kei chuan ka ten tawp a, ka hmet sawn hmak zel. Kristian dik kan nih chuan kan ramah hian hetiang fakna hi a awm tur a ni dawn em ni? Mahni nun theuh inbihchiangin kan nun uluk theuh teh ang u. Bible zir thin, Josefa chanchin hria leh ngaisangtute kan ni lo’m ni?
Puipuii pi
———–
Lal Isua Krista ropui nan leh kan ramah Lal Isua chawimawi a lo nih theih nan kan rama HIV hrik a lo rem a, a lo thih theih nan mi zawng zawng i tawngtai ang u.
Tlabung aw
—————
Congress an tlin tawh loh nan Zoram mipuite i tawngtai rual ang u.
Mary Pa
————
Garage nei lo an check mek a. Public kalna pavement dal chiaha lirthei dah chingte an zalen em em si hi mak ka ti.
LK-a
———–
Miss Mizoram Contestant te vital statistics hi in la ngei awm si a, engatinge in tarlan duh miah loh a, viewer choice te pawh thlan a ni leh dawn si a, rawn tarlan hram dan a awm lo’m ni?
Miss Mizoram contest ngaihlutu
—————
Political Gospel Thehtu, ZPM chu malsawmin awm sela. Mipui thinlung ram chu a tiahna turin lei tha tak ni turin malsawmin awm bawk rawh se. Amen.
Vena Pu
———–
Kan pute hi politics hi chu in thiam thlawt a ni. Mahse demna ka nei che u. Kum engemaw ti chen kawng chhe em emah min tlantir a, nangni lah Helicopter-in in thlawk vuah vuah a, inthlan a hnai ta tih vanga kawng han siam tlai khawhnu hi ka dem ve tlat che u. Politics hi a khelha khel tawh lovin ram tana thawhin i thawk tawh zawk ang u.
Khawthlang Driver
————
Tuikuk leh Takam te avanga hei leh chen kan ram hruaitu ni thei, Congress te hian inthlan apianga Mizo hlangna biala Vote an hmuh that loh thinzia an hre chiang hle a. Tun dinhmunah phei chuan kan ram leh hnam thatna duhtu Kohhran leh NGO lam atang hian vote an hmuh that a rinawm lohzia hriain state pawn lama Tuikukte lawmluh an tum ta hial mai a maw! ZOFATE harh a va hun ve.
MIZOVA
————
Zu leh ruihhlo chauh kan sawi thin a, ni tin mai hian Traffic rule bawhchhia hi tam tak an awm ziah thin. Sorkar sum, dan pela lo khawih khaw lo thin an awm bawk a, tu ber nge dan zawmtu chu ni ta ang le? Zawlbuka e tang theuh theuh kan ti thei mai ang em?
LB-a Pa
———–
Mi ril pahnih ka hriat belh chu ka lawm khawp mai. FAKSELNA-a thu tha chungchuang leh ril tak tak rawn thawh thintu Pu RK Sanga inti kha ka ngaisang lutuk a che. Lalpan finna a pek che kha rawn chhem alh zel teh. FB lama thuril dangdai deuh deuh rawn ziaktu Pu LC Mawia pawh ka ngaisang ve khawp mai. In pahnih kha ngalfima dam turin duhsakna ka hlan a che u.
Zualtea pa
————-
