Mizoram an kir hunah a lo berah in 500 zel talin awm se, chuti ni lova hmun hran hrana dah darh an nih a, him lova inhria nia an sawi Tuikuk ho hi an duh thu renga Tripura-a an tlanbo hma pawn khaw hran hranah a lawm an awm \hin; an him lo ngai em ni? Tuna taka him lo intih kual vel hi anmahni paw’n an awih tak tak lovang. Mizo tumahin kan tibuai ngawt ngai hleinem. Anmahni an sual em avangin nau huaibak chaw lum dai ngen ang maiin huaibak an chhuah mai mai a ni zawk. Misual chu um lohvin an tlan tih ang lek chauh an ni. An sual em avangin him lo tur angin an zualko mai mai a ni. Keini’n a pawng ataka kan tihbuai loh tur zia hi an hrechiang lutuk. An sual tukkhum pawn vang mai maia kir ngam lo inti an nih hi. Central sorkar hruaitu/vai hote pawh khu an fing viau nia kan hriat laiin, Tuikuk ho hmehhrual, kawih kun, kawih dak mai mai theih tawk lek an lo nih hlawm khu a!!!
Ramveitu
9089667399
Vanglaini-a Zautea Dawn thu ziak kha ka lo chhiar ve a, Mizo dik tak nia inngai tan chuan a lungchhiatthlak hle mai. CADC piantirtu kan politician te hian mahni hnam mipuite kan hralh a ni tih hi hre thar leh se, Mizo mipuite hnenah hian Saiip puan sinin ngaihdam an dil a ngai hle-in a lang.
Zohmangaiha
9612691391
CADC-a Zofate authawm chuan thinlung a va tina ngaih ngaih ve. Beidawng lovin kan pipute luphumna chu lo nghak \ang \ang ru aw, ZPM party hian theihtawpin hma a la dawn a; ZPM kan nih chhan pakhat a ni e. Lo nghak hram hram rawh u. Kan ram leh hnam tan daingul pawimawh tak in ni, zam suh u.
Bawihtei nu, Lunglei
9089208783
Democracy ramah chuan party-a mipui tam ber ten sorkarna an siam a, rorelna pawh an kutah dah a ni a, chu chu rorelna dik a ni mai. Democracy ram lian USA te leh Modi-a te pawhin an sawi ngai pawh kan hriat loh, democracy nihna an theihnghilh ta nge, an mipuite an ring zo chiah lo zawk? “Dik taka rorel a ni ang” an ti fo mai leh, an mi leh sate hnara khawnsak tum ang hrima kan hotute’n, “Party duhsak bik kan nei dawn lo” an han tithlazen mai hi chu, Pu Hawla nuihte pawh hi kan tiza \hinin ka ring deuh roh tlat.
Tlabung Uitangrual
9862014844
Tripura-a pem Tuikuk-te lak kir hi kan ba lo tih rawn ziaktu, Pu Robert Hrangdawla thu rawn ziah hi a va \ha tak em. A ni reng a, Tripura-a kum 1997 vela pem thla tawh chuan tu leh fa tam tak an nei tawh ngei ang, chu’ng mite chu Tripura-a piangte an ni tawh hlawm si a, Mizoram khualehtuiah chuan chhiar tel chi chu a ni lo a ni. Engpawh ni se, kan ram hruai mektu leh tla ta te pawh, CYMA thleng pawh hian, ram mipuite hi chuan Tuikuk leh Chakma chungchangah chuan kan tawng khawp lo chu a ni e. Engpawh ni se ram leh hnam humhalh tak tak dawn chuan thisen a luan a ngaih chang a tam mai! Ram mipuite pawh hian kan huam ve reng em tih te pawh hi mahni inzawt \heuh ila, beng sika inngaihtuah a ngai a ni e.
PAVALAI
8014499153
Sorkar hmasa a\ang tawhin Bru ho duhdan danin kan sorkar hi a kal ni maiin a lang. Thil dang an phut belh zel a, a ninawm takzet a ni. Sorkar nep tak chu kan lo ni e.
Carolini pu
9862216410
Tuikuk ho chungchanga Pu Robert Hrangdawla thuziak Vanglaini 4.10.’19-a lo lang hi Mizoram politician/sorkar hian fin phah nan hmang mawlh teh se.
Thlirtu
8729984567
Kan Joint NGO te hian khawpui chhung, a him chin a\angin ro an rel kawkalh vel mai mai niin a lang. Opposition MLA te hian Amit Shah hi Pawndum sinin lo hmachhawn se la chuan a effective ngawt ta ve ang.
LB-a pa
8414029478
NGO Thlemsama te ho chu, CM-in awlsamte-in a thlem thlu der mai. Thil tih tum uka \hlulh leh zung zung an chin chuan tih leh hun chuan kal kan tlem tawh viau mai thei. Citizenship Amendment Bill duh loh entirnana pawndum lo sin khum chu ram pum mit lakna, ” E! Mizoram mipuite chuan CAB chu an duh lo kher mai”, an tih nan a \hat dawn tehlul nen.
Rammuana
9436197357
Hmanni chu hmanhmawh takin four wheeler-in tih tur pawimawh neiin ka chhuak a, veng hming chu sawi rih lo phawt mai ila, AMC bawlhhlawh paih motor hian kawng chep takah hian min lo dang tlat mai pek a, a piah maiah kawng zau ve deuh han inpelh mai theihna ka hmuh avangin Horn kan pe a, a tawlhsawn duh map lo nia mawle!! Midang ka hnunglamah an lo awm ve zel a, kan hmalamah chutiang bawk, min dang khawm ta nual mai a, mahni lo maha hmanhmawh tehlul nen thin a rim duh ngang mai. Kan han nghahchhuah a, lehlama lo kal ve te nena kan insiam rem meuh chuan hun a rei hman khawp mai. Mi sawi hi ka hre ve zeuh zeuh a, a tak ngeiin ka tawng ta chu a ni. Kawng a chep si a, motor a lian si, thil buaithlak tak zawng a va ni em!! Heti hian ka ngaihtuah zui ta a, Sanitation point an siam ni lova Driver te hian an lak vang chu a ni pakhat a, driver polite lo deuh chu an awm a ni. AMC lam hotute hian hrilh ngun deuh thei se la chu duhawm tak tur a ni.
Tlema hmanhmawh deuh, hnunglam leh hmalama mite mitmei veng chunga rilru zau deuh an put hi ngai a ni. Polite tak erawh an awm \euh ang tih chu ka ring a, mi tlemte chu an ni ngei ang tih pawh ka ring. A bikin School naupang hruai lirthei te mitmei ven kawngah pawh hian kan \hanharh thar leh pawh hi a \ul tel bawk awm e. Kan kawngte a zim si a, kan ta vek a ni tih te, luhlul chhuah tlat nih te, hnunga mite mitmei veng chungte hian hawihhawm tlang ila, aia ipa zawkte laka zahngaihna lantir duh miah lo driver naupang zawk han hmuhte hian \hanharh thar deuh chu kan mamawh hle hian ka hria. Tute pawhin kan lirthei khalh chungchangah hian tlawmngai zawka \an te hi hreh lo hram hram ila, motor Jam tam tak hi chu a ziaawm ngei ngei ang. Kan hawi vual vual chhung leh kan inngaihtuah chhung hi a rei ve bawk \hin em a ni tih hi nitina kan thuvawn ni zel teh se.
Serlui Pachuau
