Kan MLA-te hian min mamawh lai khan an mitah pawh khawih ila an haw lovang tih turin an awm a, an tling ta a, engah mah min ngai leh si lo va, vote tute ai chuan a tlawn peih peih an duhsak leh si. Hetiang renga kan ramin hun a hmang hi a ninawm tawh. Hawh u, Pu Duhoma hi i vote ang u, sawhthing kg 1 Rs. 50/-in kan hralh anga, a va \ha dawn em! Hei ngei hi a ni mi retheite dinchhuahna tur chu.
Chhimpa
————-
Aizawl veng \henkhat current in en chhawk tihfo mai hi engemaw a chhan ni le? Chhun lama chhia te hi chu siam dan kawng a awm lo’m ni? Hetia in en chhawk an tihfo hi department mualphona a ni tih te hi hriat ve a \ha.
9612898237
————-
Mizoram leh Assam ramri kan inchuha, hemi thuah hian kan party lian ten fak an hlawh mawlh lo. Kan dem em em kha a ni a, tunah chuan inthlan boruak a lo lian leh tawh a, tumah reng ramri sawi peih pawh an awm leh ta lo. MZP hruaitute pawh kha khawnge maw an awm tak le? Pu Hawla te ho khan an lei ta zawk emaw ni? RAMRI aiin sum par kan lawr ta zawk hlawm a va ang ve! Ramria buaina a chhuah laia Mizoram sorkar hmingchhiaa dem luai luai hunlaite kha thawnthu an chang leh ta maw? Khami hun laia Congress fak tumah an awm loh nen tunah chuan ramri buai kha kan theihnghilh tawh a niang, engemaw therhlo nawi te te avangin Pu Hawla kaihhruai sorkar in rawn fak leh ta sup sup mai! Singhnih khat ai chuan MIZORAM LEH ASSAM RAMRI INCHUH HI MUTMAWH HNARMAWH ATAN A |HA ZAWK. Dem tur dem ngam ila fak tur i fak ngam ang u.
SANGA
————-
Building hlauhawm, luah ngam loh, \hiah mai loh avangin Laipuitlangah chhiatna rapthlak tak kan tuar tawh a. Hunthar vengah Pi Sairengpuii in \hiah tura tih nghah rei luat avangin hmuh hrehawm takin a chim leh rum rum a, rapthlak tak a ni. Vanneihthlak takin thi leh hliam kan awm lo hlauh. Hetiang kawngah hian kan sorkar hi saipui kal lovin che phat \hin sela a \ha ang.
RK Sanga
————-
Kan sorkar chak tak hi kan ti thla zena, a sorkar Department te thuam \hatna tur ber a neih tir leh si loh chuan a eng chu nge ni a chakna ni ta ang le? Tuna Aizawl Chawnpui Venga eng pekna Transformer chhe ta, Khatla leh Tuikual chawmtu Transformer thar thlak nghalna tur kan sorkarin a nei lo hi chu chakna reng a nei lo a ni zawk lo maw? Mipuiin eng kan chhit man kan pek \hat vei nen. Mizoram sorkarin transformer pakhat pawh a nei miah lo hi an chak kan la ti fan ang em?
PH FANAI
————-
Keini ZPM te chuan tam vanglai taka tla leh kurh \hin MNF te ang lo hian hma kan sawn hle dawn niin a lang ta! Zuang lawr kan tih mai, “Thleng tlawr zuana zuang” te hian mahni policy tlansana, mi policy va vawnpui chut chut \hintute hi zuang lawr leh thleng tlawr zuana zuang kan tih te hi an ni ber mai a, zuang lawr ho hian ram an hmangaih lova, mipui an hmangaih hek lova, mahni pumpui leh chhungkua chauh an hmangaih \hin. Chung hote chu MNF leh Congress te kalpui dan a nih avangin heng zuang lawr ho hian a tlangpuiin an bawh deuh tlangpui \hin. Keini \angrual pawl, ZPM te chuan hetiang kalphung hlui hi kan bawlhhlawh bawmah kan paih daih ta e. Mi tinin ka sorkar an tih theih tur leh party sorkar ni lovin, mipui sorkar neih leh kalphung thar din ngei kan tum a ni. Huaisen takin kalphung thar rawn siam tawh rawh u le! Kan lo lawm a che u.
MSA, Aizawl pa
————-
Han zin veivaha ka thil hriat chhuah \hin chu Tuirini leidawh chim kha a ni. Ka sawi \hin a, mite pawh an lo ni tho mai. Kha thil kha a mak khawp mai, mipui tana zawh theih tura hawn \ep tawh laia mi pahnihin an han zawh chima pakhatin nunna hial a chan a, khatih hun angah te kha chuan a changtu Minister te kha chu vir vat vat awm. Han lal leh tlak emaw a nih le?
RODY PA
————-
Siahaa Jio signal/network chhe lutuk hi a thawktuten an hre ve reng awm si a, an consumer-te min tham lo mah mah niin ka hria. Mimal rama an tower hman mek lai pawh an off hmak mai chu a ni sia. Heti chung hian kan recharge ve lo thei bawk si lova. A chhiat reng chhante hi an consumer te hnenahte tal hian hriattir dan a awm lo em maw ni le? Han \ang deuh teh u. Jio Network/Signal chhiat ang bawk hian ZONET pawh hi a chhe zing mawlh mawlh khawp mai. Ruahsur hlek se a en tlak loh em em zel mai si a, a buaithlak em mai. Fee kan chawi ve tho bawk si.
Dinpuia Pa
————-
Aw harh ru, Zofa leng zawng zawng te u. Zoram kalphung thar siam turin Kawlkei sahrang hmaah zam ngai lo Zofa te. ZPM i vote \heuh ang u.
8413015702
————-
Tun \um Mizo Idol kan thlan chhuah tur hi chu fakna hla sa emaw, lengzem/lenglawng sa emaw pawh nise lar zui reng tur i thlang chhuak tawh ang u.
7005678161
————-
Pu Duha hian party lian pahnih Congress leh MNF te nasa takin a lo sawichhiain a lo bei tawh a, mipui tam ber rilru a lo hliam tawh a, chuvangin a tan MLA nih pawh a harsa hle ang.
Lalzawnga
————-
ZPM Party-a beiseina nghattute hi inkhawngaihthlak ka ti. In party hotute hi Zoramthar siam tura rin ngam an awm lo. Pastor pension, sum lama ril\amte phei chu party tan buaina ral lian an ni ang.
Duata pu
————-
Pathian chu thlarau a ni a, thinlung leh tih tak zeta biak tur a nih laiin tunlai Pathian hla sa \hin tena mu chung, rap chung leh incheina duhdah tak maia an zai ka hmuh hi chuan ka en rei peih ngai lo. Channel dangah ka luh san daih zel. Nancy-i leh C. Lalhmingmawii te anga zai tak hmuh tur an vang ta hle mai.
DINGTEA KHIANGTE
————-
Pu Rualkhuma Hmarin vawiin Vanglaini chanchinbua “Kohhran mite \awng\ai chhanna kan kutah a awm” a tih hi dik ka va ti êm. Kei chuan ka sawi buai lo mai ang.
Lalzabiaka, Chanmari, Aizawl
————
Kan kalphung thar tur pawh hi zu buaipui tawk lek an ni mai ang tih a hlahawm e. Zu-ah hian kan la buai tawk lek a ni tihna, a duhin in se, a duh lovin in lo mai se, in dan phung erawh thiam ila. Mite tan harsatna thlen lo ila, lo rui buai deuh pawh an phutawka hrem ni zel mai se. A in lo thei lo te tan man tlawm zawk leh a \ha zawk te awlsam taka lei theih a ni ve ta a, kan changkang tawh e tih nak a laia tihtawp lo tum te chu a civilise loh hna em mai. Kan \obul, kan pipute a\anga zu hmang hnam lo nih vei nen a do lo tur ber kan nih zawk nak alaiin. Sorkar lian zawk te pawn an lo zuar a, zu an mausam kan hre lo, kan thiam ve a ngai a ni tih hi ka ngaihdan.
PC-a, Pafing
————-
William Booth, Salvation Army Pawl (SA) hmu chhuaktu piancham pualin Mizoram Kristiante awmdan tur dik tak a lo sawi lawk emaw chu aw?
Kum zabi 20-na hnu lama t
hil hlauhawm lo thleng turte :-
1. Thlarau Thianghlim tel lova – Sakhuana.
2. Krista tellova – Kristianna.
3. Simna tellova – Piantharna.
4. Nun danglamlova -Chhandamna.
5. Hremhmun tellova -Vanram.
William Booth hian
Mizorama Kristiante n
undan, awmdan leh rilru put hmangte hi a hre hman awm miah si lo va!
Mahse, a va sawi lawk dik si tak em aw.
Nang leh keia awmdan mek hi a sawi dik ve mek em le?
8014161467
————-
