Kum 2019 Krismas hmuahna leh lawmna te, kumhlui thlahna leh kumthar lawmnaah kumin chu khaw tin deuhthaw kan felfai tlang niin a hriata a lawmawm hle mai. Pathian hnenah lawmthu sawi ila, kum a thar angin rilru thar nen hmasawn zawngin ke i pen \heuh ang u.
Joshua Nu
Zonet Channel pakhata mi pakhat kawmna chu a kawmtu-in zawhna a zawt a, a chhang dawn chauha a \awng hnan bawrh bawrh zel a, a sawi zo hman lo reng reng. En a hahthlakin kan lo thinrim \euh thei a lawm le. TV-a mite ngawi tawh turin kan lo hau hrep hrep ringawt. A ni chang lo pawh hi hman a\angin hetiang ching hi ka hre \euh mai, sim hmak chi. En tuina mood a chhe vek thei a lawm. A ni zawk thusawi kha kan thlahlel lo ropui mai sia maw.
Zonet Fan
9862367382
Kawn chei vanga Tourist kan hip luh zat leh sum hmuh zat hi a hriat theih em aw? Lawmman leh a behbawm atana kan sen ral leh kan lakluh han khaikhin teh u, kan hlawkpui meuh emaw chu?
8837489511
Kum a lo thar a, kan sorkar MNF ministry pawhin kum 1-na chu a lo hmang liam ve ta der mai. Chutihlaiin nghakhlel taka kan lo thlir, Zoram mipuite hnena min tiam leh kan vote chhan, cheng nuai 3 min sem tur hian kan sorkar hian kan lam lo hawi ve tawhin, an puanven hi han sawi chhing ve tawh teh se tih hi keini thingtlang mite hi chuan kan beisei leh innghahna a ni e. Kum bul a\anga hma han lak tak tak hi kan va chak tawh tehreng em!
Thingtlang Pa
93666 30785
Khap tam lutuk, khapna dan lekkawh leh theih si loh rahchhuah chu kumhlui thlah zanah khan a lang chiang hle mai.
Puipuia pu
70858 47820
Ram changkangte tihdan kan entawn rau rau a nih chuan kumhlui thlah zan, ni 31 zana halmawi leh halpuah hal hi a halna hmun tur bik sorkarin siam sela, mipuite pawhin zawm ila, khawpui chhung ni lo, khawpui dai Aizawl khawpui a\anga hmuh theih tur, hmun sang deuh laiah te huaihawt se, ri puak ring dum dum ang chi kha tel lo bawk se tiin duhthu ka rawn sam ve mai mai a ni e.
Sangzela, Aizawl
Enga tinge le current leh tui hi kan hnianghnar theih miah loh le. Congress hunlai khan heti taka current a thim ngun leh tui haw chhiat hi kan nei ngai si lova, Congress ka \an vang ni lovin a nihna dik tak ka rawn sawi a nih chu. Pu Zoram han \ang teh khai, Congress hunlai ang khan i ti ve thei tih kan hria.
