Bairabi Zophai a ni emaw, Vairengte kawng lam a ni emaw, Assam nena kan inrina bawr vela thupek pawisa lova kan riten hma an la bik reng tih hriat tur awm reng leh, keini lam hre lo ang maia dawl zawra kan zawr reng mai te leh kan ekcheh thut reng mai hian ka thin hi a ti za zak mai \hin e. Tih theih lah chu ka nei der mai si lo va. MZP te koh eih zawh leh hnungzui zo sorkar kan va mamawh tak em! Sawi mai ni lova nuna hmuh tur awm ringtu kan nih a \ul ang bawkin, hmui mai ni lo, a tak taka ram leh a chhunga chengte hmangaih ngam roreltu kan va ngai em!
Ramveitu
9089667399
Zonet channel-a kan hmeh chhuah hmasak ber \hin chu fakna a ni.
9436365342
Zonet hian in sana hi herh mil dik deuh teh u; channel hrang hrangte dar zat inang lo thluah mai hi a fel love.
Zonunsanga
9863285006
Kan ruling lai MNF te chuan MLA fund pek tur an neih tlem em avangin keini biala veng \henkhat te chuan thawh tur kan la nei dawn ta lo a ni maw? A hrilhhaithlak dawn hle mai.
Bombo-a policy
9862384183
KUTDAWH tih thupuia rawn hmanga Vanglainia rawn ziaktu Vanhmingliana i rawn ziak \ha hle mai. A \hen te hi chu tlangval san \ha pui puiin an kai a, a kaitute hian hnathawkin chawm mai awm tak! Ke pakhat chiah bul, khup hnuai lam bul, kut pahnih nei tiang nena duh duhnaa kal zung zung theite pawh hi kutdawh an awm! Heng aia kutdawh awm tak tak mahse, dawh duh lo hi kan Zoram chhungah hian sing tel an awm ang. Kutdawh \henkhat te hi chuan dawr leh Thakthing bazar ni-ah te an khawn \hin a, an va khawn-a te aia hausa zawk hi an tam ngawtin ka ring.
PAVALAI
8014499153
Two wheeler khalhtute hian muang deuh zawk hian khalh hi i zir thar leh teh ang u. Khawpui chhungah hi chuan chetsualin a shock natzia te, mawlna chi khat a nih ziate hi hre thar tel bawk ila a \ha hle mai. Nunna ch^n phahte kan awm fo bawk sia.
9862322234
Kan va rethei bik deuh ve. Cheng 3,00,000 han neih ve im em te chu kan va chak ve le. Min pe phal inawm lo maw? Hmanna tur pawimawh tak tak ka ngah a nia.
Tlangvala
9862349117
Ram hruaitu MNF leh Congress in an lohna em em chu sorkar laipui dawr chungchangah a ni. Congress CM leh Minister te kha Central dawr mang lo khan ram chhungah an tawm \hup hlawm a, mi mak tih a tling. MNF CM leh Minister ve thung chu an zin thla reng thung a, an dawr theih mang lo tih an hlawh thung. Sawimawi zawk ka nei bik lo va; engpawh chu ni se, TA/DA tih vel thlak hlelh vang ni lova, ram tana hlawk taka an zin chhuak \hin a nih chuan zin loh ai chuan a \ha turah ngai ila, i lo lawm phawt ang.
RK Sanga
9862366590
Zu zawrh duh lo, duh thawh tak leh uchuak taka sawisel, zu zawrh an pass dawn pawha chhuak daih te, a zuartu sorkar pawh Pathianin mal a sawm duh tawh lo hiala sawi \hintute tan pawh, zu chhiah tlingkhawm pawisa duh duha han hman theih chu a nuam fu lo’ng maw? Pu Zonet eng nge i ngaihdan?
9436754005
LPG Home delivery a ni emaw, Points Delivery a ni emaw LPG hnianghnara kan hmuh theihna chu IOC-in an customers te mamawh tawk an supply loh chuan he harsatna hi solve a ni lo ang. Engtik lai pawhin lak tur awm se, black pawh hi a bo nghal a rinawm.
Hruaia C. Vanchiau
