Kan pute ho pawh an inhmu chhuak thar ve dawn e. Kalkawng \ha hi hmasawnna bul \hut a ni te an tih ve tak nual ni. An ti lawmawm khawp mai. NLUP-a mi chawikan an tumna sumte hian kalkawng han siam se kan rahbi tleu min tuksak a ni mai reng dawn a sin. An inhmu chhuak tlai mah mah a ni.
Liana Chhakchhuak
————
ZPM ho kha thuruk ka han hrilh ang che u. MLA South I-ah neih induh chuan Pu Sawivunga ai chuan Pu Zairema hi dah ngei ang che u. Tichuan, South I-ah hian \angrual pawlin MLA innei ngei ang. Hei hi laina thurawn a ni e.
9862322234
————–
Zu zuar duh sorkar leh zu sawi mawi tlattute hian kan Zoram hi eng ang tlukin hmangaih ang maw? Sorkarin zu a zawrh hnua zu avanga thi an tam zia leh zu vanga damdawi ina eng hunlai pawha enkawl an tam zia te hi an hre ve tho awm si a. Zu zawrh a nih tak china zu in a hmei a paa an pun nasat zia leh a lo in \hang tawhten thihna thlen khawpa an in uar zual phah zia hi an chhut pha lo em ni?
8974210277
————
Ber thla kan lo kai leh ta. Favang boruak thiang nuam em em mai chuan a ngaite bawkin Zoram min rawn tuam leh ta. Ka Fakselians pui zawng zawngte chibai ka buk a che u. Chutih laiin tukin Vanglaini Chanchinbu Headlines han thlir chuan NLUP KUTPUI buatsaihna atana kan sorkarin nuai 80 chuang fe mai MIPUI PAWISA a khawral tih han hriat chuan rilru a na-in lungawi chu a har hle mai. Kan State leiba ngahzia leh engemaw thil mai maia pawisa a ui leh si loh zia han hmuh hi chuan TLAK RANNA mai lo chu kan ram tan hian hmachhuan tur hi a awm mawlh lo a nih hi. Keini Zoram mipuiteah pawh politics ruihchilhna leh thlahchhawng anga kan kalpuina hi he Favang boruak hian rawn chhilh bo se, kal dan phung thara min hruaitu tur ZPM-ah hian rinna nghatin, beiseina thar i nei ang u hmiang!
Jonathana Pu
————-
Zoram hmangaihtu tam tak karah bengkhawn lem lo an tam bawk. Mihring rilru chu a in ang lo meuh mai. Mahse, nun hi mitkhap kar lek a ni si a, kan dam chhung tawiteah hian midang tana malsawmna nih tum thar leh teh ang u.
Ventluanga
————–
Tunlai chu politics-in Mizo mipuite rilruah hmun a luah \an ta hle mai a, party lah chu an pung ang tual tual a. Party President-ten Zoram an lo hmangaihzia pawh kan hretlang leh ta. Thingtlang pa mawl te te te min rawn bum leh \an dawn ta a, hei hi thingtlang lamten uluk takin lo inzir fin nan hmang \angkai ila, dawt puarpawlengah awh tum tawh lo ila a \hat ka ring. Famta Pu Laldenga’n khawizu leh hnute tuia luanna ram ang thaw thang a lo tiam hote kha kan la ni reng a. Thu ngaihnobei ringawt hi puar leh fan nan kan hmang thei tawh lo a ni.
RENTHLEI CABIN
————-
E khai!! Kan sorkar, kawngchhia leh wine shop aia ka vei chu AIRTEL-ah hian man chawiin thla thum daih unlimited kan thun ve a, internet hman theih ni erawh ava vang si em! 4g aiin 3g a chak hi a mak dangdaina a nih rualin ava hneawm ve! Tum loh deuhin sumdawng millionaire hovin mi retheite min chawibelh tir nasa mah mah a ni! In siam \ha thei a nih chuan vantlang hmingin khawngaihin i siam\ha teh ang u khai!
Jonathana
————
Pu Lal Thanhawla’n hmasawnna lian reng reng Congress tih nia a sawi hi mak ka ti. Bairabia rel luh tir leh Lengpui Airport te hi zawng Brig. T. Sailo hmalakna vek a ni si a.
LALTUAIA
————-
Tuna kan politician-te zingah hian kum 50 lo awm tura fak tlak policy nei an awm lo. A teuh ber Pu Hawla pawh hi CM seat a kian tih bak sawi zui tur a awm lo.
8730099759
————
Inthlanpui kan hmachhawn leh dawn ta. Party mala inbei vak vak lo hian \ha kan tih zawng chu vote mai ila. Kristian ram tiha mawi lovin kan insawi chhe hrep hrep mai \hin hi chu a \ha lo takzet a ni.
Mr. Blue
———–
New Capital Complex, Khatla & Millenium Centre a\ang ringawt pawh hian Mizoram hruaitute INTHLAUHZIA a lang thei. Lo chik ve teh a tam mai.
Thlirtu
————–
MLA inthlan hnaiha Pu Hawla leh Pu Rama ten mi thar an lawmluh tawh zawng zawng hi belhkhawm ta ila Zoram mihring ai hian an tam tawh hial awm e. Mahse, a mak lem lo e, an dan ve a nia, lawm luh tur nei ve lo ZPM a sorkar keuh mai dawn.
ZPM Pachal, TD
————–
Kan sorkar hrawn mek hian kal ngaihna a hre ta lo, a tih dik loh tam tak hi sawi dawn ila nileng a ngai dawn. Chuvang chuan sorkarna siam thei tura mipui nawlpuiin an rin kai ber, Mizo Nationalist vawng nung bertu MNF hi sorkar tir leh ila a fuh leh ber ang. Sorkar thar piantir tuma in\ukkhawm party sepsel te te ho hi zawng enga mah hmain chhungkaw buai chinfel tuma inthik \him \hemin an buai tawk chauh chu a ni si a, a manganthlak deuh zawng a ni.
8730864176
————-
Mizo Idol Top 10-a Duati, Lunglei Salem veng tling lo hi a mak thlawt a ni.
9862378068
————
Idol Judge te hi mi perfect chu an ni ka ti miah lo. Mahse, Lawngtlai nula top 10-a an ti tling lo kha chu mak ka ti. Top 20 zaiah kha chuan a zai \ha ber pawl niin ka lo hre ve a, midang hla thu pawh lam dik lo zawkte pawh an ti tling leh tho bawk si a. Top 20-a zai kha ennawn \ha leh vek chhin teh u, a zai \ha ber pawl a ni sin. Top 10-ah chuan a tling turah ka lo dah ve tawp a sin.
Zo-a, Aizawl
————–
Mizo Idol ava hmuhnawm em. Top 11 ho an vaiin an thiam thlawt e. Endiktute ka fak, an thlang thiam lutuk. Top 11 zingah Jonathana ka star, ka \an bawn tawp che tih hi Fakselna kaltlangin ka han hrilh che a ni e. Jonathan \ang fan fan.
9774070314
————-
Mizo Idol top 25 result chu ka \ante an tla deuh vek a, Ka \an la awmchhun Ticos Darhmingliana, Chhinga veng pa kha i zaithiam thlawt ka idol i ni.
November Queen, Bairabi
————
Mizo Idol contestant-te an zaithiam hlawm hle mai. Champhai nula Mami aw phei kha chu a international ruih mai a lawm. Idol pawh nise Zoram pawnah pawh a zahpuiawm loh kher ang.
Vena pu
———–
Mizo Idol 2018 Top 25 a mi H. Vanlalzawmpuii kha mite beisei leh aw lian satliah ni ve lo, aw mawina leh mi hipna nei a ni a, Zoram mipuiin kan beisei tlang khawp a nih kha, mahse rin loh lutukin an ti tla tlat mai. Mizo Idol-ah hian Pathian fak hi a rem lo a nih hmel hle mai. Ani kha a lan dan a\ang ringawt pawha Pathian \ih tak, a zawng zawnga Pathian fak \hin tih a hriat nghal mai a sin. Pathianin a la chawisang ngei ang.
H. Vanlalzawmpuii Fans
————
