Nu leh pa te u i fate an naupan laia i enkawlna khan a vaw let mek che tih hria la. Hun ila neih chhung hian \awng\aina in chhungah hmanpuiin, ni tin chhung inkhawm neihpui la, Lal Isua chanchin sawipui \hin ta che. An nausen a\anga i enkawl dik loh vang a nih hriain vui hmui pu duh suh. Pathian hnenah ngaihdam dilin bul \an leh rawh.
RUALAWTA
———–
Congress ho hi politics chu an thiam a ni. An zu zawrhin thawm ring taka a neih tur kha chhiatpui turah inngaiin boruak dang, BJP leh MNF an inzawm tih leh BJP hlauhawmzia boruak an rawn vawrh leh daih a, an tifuh phian pawhin a lang. Inthlan dawnah zu ri a ring ta lo reng a. Mahse an sorkar ninna hripui lo leng kha a chak khawp mai. Engtak ang maw? Under 10 save tak ang maw?
No. thup
————
Zonet hian ZPM hi mawi lo khawpin in\an zia a lo lang \hin a, an tlin loh chuan a hrehawm duhawm.
8257972556
————
|hazual Award-ah khan mipa host tur hi Zonet hian innei lo em ni? Hmel hmuhnuam ve deuhte hi thlang ula. Chuh chak chak ringawt host tir lo hian. |hangthar zei leh hmel hmuhnuam tam tak awm tawh laia hmel bumro deuh, an zah theih loh vanga tih tir zel lo hian. Chutin award sem pawh en a lo nuam dawn a ni.
Lonewolf, Azl
————
Ganges lui hun a her zela Mizote nun, sawngka leh sawmfang inkar ringawta fawn vel \hin kha Pisa leh Pawisa karah a fawn vel ta a. He hun her zel hian leilung dan angin Mizote tan pawh thil \ha leh thil chhia a thlen ve a, a \ha lam kawng a chhova, a chhe lam kawng a phei an lo tih \hin ang deuhin mihring hian kawng chhova kal aiin kawng pheia kal hi nuam kan lo ti deuh a, kan nun a tawlhthlu \an ve ta a ni. Fiara tui thiang kha Ganges luiin a rawn luahlan \an ta a, chu luipui chuan thil tam tak a rawn puanhnuai bawk a. Ram inrelbawl dan a danglam zova, kawng thar zawh turin kan inher mup mup a, kan hmelma pa Setana thiam taka lo inrawlh ve zelin Zofate hi kan sirhe \an tlei tlui mai a ni e.
RENTHLEI CABIN
———–
Election results kan nghak mek a. Ka rin dan chu Congress an tlin leh chuan zu kan haw tak tak lova, kawng chhia pawh kan lovin kan pawisa lo khawp mai tih a entir ang. MNF an tlin chuan an hunlaia dawtsawi an hreh loh zia te, hotupa laina ho siam chawp compensation nuai \hahnem tak an lak chiam te, an hnuhma pawr tam tak te kha kan hre reng lo tihna a kawk bawk ang. ZPM an tlin chuan change hi kan duh tawh takzet tih a entir ang.
RK Sanga
————
Kan Politician Leader zingah chuan mithiam kan neih chhunte zinga mi, Pu Lalduhoma hi a thawm pawh a na a, ngaihsanawmna tak pawh a nei. Mahse inthlan zawh chiah media hmaa a thusawi hmasak ber kha nia a rin thuin Zoram mipui min han fah hmasa ber kha a nia, a rinthu hi a chaw tak khukpui chiam zel chu a ni a, hmana a ze ngai kha a lo la thlak lo a lo nih hi. Upa a nihna te a chhuanawm hle laiin a ka a\ang hian thu tak chhuak tur a awm ngang lo chu a nih dawn hi.
Hrechianga
———–
Zonet channel bulpui ber, Zawlbuk hi channel dang zawng zawng ai hian a volume hi a zawi bik hrim hrim emaw ni chu le? Duh ang tawka a volume kan pek laiin channel dang han hmet sawn ila, channel dang chu duhaiin a lo ring em emin a volume tihhniam ngei ngei a ngai \hin. Channel danga ngaihthlak nuam tawk kha Zawlbuk channel-ah han hmet let leh ila a volume kha a hniamin ngaihthlak theih tura tihsan leh zel a ngai \hin. Thuneitute khan min lo enfiahsak teh u.
9436140993
———–
World AIDS Day kan han hmang zo chiah chu ka rilru ngaihtuahna a kal thui hle mai. Kan Mizo model nula rualin condom an han fak liam liam mai kha chu ka rilru a lo na ve deuh hlek chu a ni. Condom chuan engemawchen chu AIDS lakah a chhanhim maithei che, mahse i thlarau nun erawh a chhanhim dawn chuang lo. AIDS Awareness kan neih dan pawh hi ka ngaihtheih loh zawng chu a ni. A invenna lamah chuan kan Kristianna mil hian a kalpui theih lo maw? Tunlai kan \halaite hawiher han thlir hi chuan AIDS laka himna kan kalpui dan hi a him lo zawk. Chu mai bakah Gehena kawng kan inkawhhmuh mai zawk niin ka hria.
Kut pahnih neia Gehena-a luh ai chuan kut pakhat neia chatuan nunnaa luh chu a \ha zawk si a.
LB Fela Ralte,
Sesawng
————
Pu Vanneihtluanga, Pu PL Liandinga leh Pu RK Lianzuala te \hian ho hian mi rintlak tam tak, ram siam\hat duhtute phungbawma sawmin Political party hi din teh u. Kum 2023 election thlir chungin hma han la tak tak teh u. Mizoram mipui tam tak hian kan zui vek duh ang che u, a bik takin Mizoram \halaite hi chuan kan zui vek duh ang che u. Nangni ho hian kan ram hi inhruai ve a ngai tawh takzet a ni. Mizoram \halaite hi ram siam\hat chakin kan tuihal tawh takzet a nih hi. Chutah tak chuan hruaitu rintlak leh a ngaihna hria kan mamawh a ni. Nangni ho hian hma han la tak tak teh u.
Zova BK, Aizawl
————
