Congress sorkar hian ZU zuar lo se chuan kei leh ka chhungte chuan vote kan pe leh thei ang. Zu zuar chu ka ngaina thei hlawl lo a ni e.
Wine shop \henawmpa
—————–
Halpuah leh adt. hi khawngaih takin sorkar leh zel hi chuan khap tawh lul suh se. Hrisel lohna thlen thei tih vel hi chu pal zam chin neih a ngai. Kum 2017 chhung pawh khan Aizawl veng pakhat chauh, Bethlehem Vengthlangah pawh mi 80 an boral a, halpuah khap hnu a ni e. Ran vulhten an tuar tih pawh hi a nihna takah chuan khawpuiah ran vulh phal a ni lo. Dik tak chuan Kohhran lengkhawm pawh hi a khat tawka halpuah a lo rik hian an zai tui duh phian, ‘Khawlaiah pawh mi an la vak chhuak a nih chu. Bang hma vak lovang aw’ an ti rilru zawk \hin. Lal piang lawmna leh kum thar lawm nan a hlimawm hle. Khap hlira kan kal chuan Krismas pawh hi a nuam lo telh telh ang a, kan ngai hlu lo telh telh dawn khawp mai. Lo dawn ve teh.
LB-a Pa
——————
Krismas ruai\heh ni khan Govt. Complex-ah kan nupain kan leng a, Police Quarters bulah khan a veng mi ni awm takten fiamthu duhawm lo zet maiin min lo fiam a, kan nupain kan lungawi lo hle a ni. An mi hriat ngai pawh kan ni lova, nupuite bula kal chuan i kal ngil awt awt mai a ni maw min lo ti a, keiin ‘Ka kal ngil lo ngai em ni’ ka ti a, kut kan inthlak hman \helh a ni. Chuvang chuan Govt. Complex-a ngawlvei pawn \hu pawl ho khan mikhual lo chhaih ngawt tawh suh u. Chhinchhiah in ni a, Aizawl in chhuak thui ngam lo mai ang, ching tawh suh u.
Lalmimi-a
————-
Kum hlui thlah leh kum thar lawm inti-a halpuah hal dup dup mai awm ta lo hi a lawmawmin a va nuam em! Pu Zira a fakawm takzet, kum lo kal zelah pawh thil \ul lo bengchheng mai, hrisel lo tana hrehawm, \angkaina nei lova sum senna hi bansan zel ang u.
Zopa
——
Kum thar zan chu ka rin loh deuh deuh, veng changkang nia ka lo ngaih \hin veng a\angin halpuah thawm leh halmawi hmuh tur a va tam tehlul em! Sorkar leh YMA, Kohhran thlengin an duh loh, ti lo tura mipuite min ngen \awk \awk chung pawha khati khawpa a la tam mai kha chu, building \ha pui puia khawsak ringawt leh sum leh pai ngah ringawt hi changkanna a ni lo tih a ti chiang hlein ka hria.
Kan Home Minister-in building chung zawl a\anga hal \hin a nih thu leh, “An halna building neitute ngei pawhin an tuar ang” tih kha a puang lawk a, eng ang takin nge hma an lak i lo thlir phawt teh ang. A enga pawh chu ni se, kei chuan heng ti lo tura min ngentu sorkar, YMA te leh Kohhran ngenna ringawt pawh hi a zahawm ka ti a, tih loh phah vang vangna turah ka ruat e.
Lalhmaa
———–
