CM bial hi khawpui chhung ni mah se, thingtlang mi tam zawk aia khawsak phunga hniam zawk te an tam a, tlemin lo ngaihtuahin lo duhsak mahse a awm lutuk tho e. Tun hrileng chungchanga Minister-te hmalakna chak leh \ha tak tak hi Chief Minister \ha kan neih vang liau liau a ni a, tun ang hun, Mizo mipui zawng zawng \anrual hun tawh pawha party leh mimal beihna lam rawngkai la chhakchhuak fotute hi Zoram hmangaihtute an ni thei dawn emaw ni aw tih hi mipui tena kan hmuh dan a ni e.
Ruatsanga Renthlei
9615450553
Mi thinlungah Pathianin hna a thawk a, mi inphal ten CM relief fund-ah sum tamtak an chhung ta ruih ruih mai. Heng sum lut mek hi a ngaihtuahtu pawl indinin a mamawh te hnenah veng leh khaw tinah khawtlang hruaitute hnenah sem chhuah zung zung nise, tun hun atan hian a nih hmela a petute pek chhan. He virus a reh hunah chuan semin awmzia a nei tawh dawn si lo.
8014446718
Kan CM, Pu Rama’n a bial mipuite tana buhfai leh pawisa a pek hi engvanga sawisel nge kan nih aw? Hetiang tilo ta se a bial pawh ngaihsak lo tih a ni leh ang a. He hri hian eng chen nge a awh dawn hriat a ni si lo. Tiang ang mai mai a inhambuai lovin hmun hrang hrang a awm Zofa harsatna tawk mek te leh lockdown chhunga khawhar chhungte pawh an chan hi dawn pui ila, lungawi tawk lohna an neih te inhnem tawnin, home crusade-te kha tuaithar leh ni bawk se. Kan hma a lungngaihna chhumpui zing mek do tur hian PATHIAN malsawm tlakin nun i tum hram hram zawk ang u. Hming\hat inchuh hun a la ni lo ve.
Tlabung Uitangrual
9862014844
Pu Zoramthanga’n a bialte inkharkhip vanga \anpuina a pek Congress hoin an han sawisel kha chu ‘Zawngin a ngum khak a hmu lo…’ tih Mizo thufing kha ka hrechhuak. An pu berin, “Thlaithar hmasa \henawm fate tunge pe ngai?” a tih kha an theihnghilh ta em ni aw? CM hlui \awngka ngei a nih kha. An tuikhur tui MNF hoin an han inpuia kei ber emaw an han inti hi chu Chansela van ek khum tum an ang tawh awm a nia. Zahnachang an hria ang em le?
Hluhlui pu, Thlanmual Veng, Thingdawl
8730841016
Mipui pâwn chhuak kan tam sawt riau mai. “Zû hi mi mãwl apiangah a thawk nâ a, Lockdown chu mi mãwl apiangah a thawk nêp” an tih hi a dik ta riau mai. A kai hmasa emaw, a pu darhtu nih hi hlauh nachang i hre mawlh teh ang u. Sorkar hi khauh lehzual se a \ha ngawt mai. Ina tawmim hrehawm kan tih ai hian he hri vei hi a hrehawm hlé zawk ang tih hi i hre hlawm mawlh teh ang u.
8974771496
Ringtu unau duhtak te u, Lalpa thu chuan he tihian a ti, “Zan a thil rapthlak chu i hlau lovang a, chhun a thal lo leng \hin chu i hlau hek lovang, thim hnuai a hrileng \hin chu i hlau hek lovang a, chhun lai a thil tiche \hin chhiatna chu i hlau hek lovang. I sirah sang an tlu ang a, i ding lamah sing an tlu bawk ang. Nimahsela nang chu a hnaih lovang che” a ti a sin.
J. Ngura
9436785398
Kan ram mipuite hian LALPA PATHIAN hi thinlung leh tih takzeta kan auh chuan kan ram hi a tidam leh ngei ang. “In ralring la, a ni, lo inpeih rawh” tih leh, “Engkimah fim khur rawh u” tihte avang hian inenfiah zung zung teh ang u. Kan chunga lo thleng tur engmah kan hre si lo. Mihring remruatte hian sa remruatna pawh a tluk si lo. Chuvang chuan roreltute pawhin thinlung zawng zawnga PATHIAN rawn chunga rorel \hin turin ka ngen tak zet che u.
Fela pa, KK
8118904367
MLA zawng zawng deuh thawin an bial mipuite tan chhawmdawlna sumfai an MLA Fund a\angin cheng nuai khat aia tam an pe a, \henkhatin buhfai leh thil dang an pe bawk tih Chanchin Thar puan a\angin kan lo ngaithla \hin a. Pu Zorama leh Pu Tawna te pawh MLA an ni a, bial an neih ve tho avangin an bial mipuite ril\ama awmtir bik ngawt chi a ni lo. Mi dang tih ang an ti ve a ni maia, sawisel phet tum tur a ni lo. Rampum huapin ration free-a sem \an a ni.
7005811526
Covid-19 vangin Relief Fund-ah mimal leh pawl leh services ten sum an chhunglut ruih ruih a, a lawmawm hle. Hetih rual hian Mizoram tan pawisa a tam tawk a, tuikhur tui luangliam zawih zawih ang nena tehkhin a awm ve thung. Fund thawhkhawmtute hian tute emaw an timualpho lehling zawk a nithei ang em?
Puipuii Pa
84140 29478
Covid 19 avanga kan inkharkhip laiin Tv. Frederick a sermon kan ngaithla thei kha a ropui ngei mai. Sermon hmain an zai \hin a, khawhar an hnem piah lamah nula 2 kha an ngaisanawm, an hmel\ha tel bawk. Sermon a tawp ta daih hi a uiawm ngei mai. Zonet lam erawhin chanchin thar chhiar \hintu hmeichhe pali te an reh daih mai a, an damlo nge? Curfew an zawm \ha? Mipain chanchin thar an chhiar ta ziah a, mipa ho ka ngaihsanna a zual sawt mai. Tun laia fakna a in tihlan ziah motor lampang fakna hi inhmeh lo ve tak niin ka hria. Inkharkhip laiin motor lei turin tumah an chhuah theih hmel si lova, fakna hi a \hente hi chu a rei tawh lutuk a, Zonet pawttute tan hian a ninawm ve det a nia.
Johan Lalrinawma pu, Saron Veng
94363 92544
Tun ang hun, virus hri lenlai a nih avanga MNF party sawisel chi a ni lo, in sawisel hun a ni lo titu te hian ngaihtuahna hmang ve deuh teh se. Fakna ngawr ngawr tur ni lovin, selna tih a tel tho. Hei hi Fakselna a ni tlat. Fak tlak chu fak a, sel ngai chu sel mai tur lah ni. Sorkar lai kaldan leh mipui ngaihdan dik lo leh fel lo deuh awm theite an rawn puang \hin hian mipuiah ngaihdan leh rinna leh rin tawk tawh lohna te pawh kan tithei ang chu min rawn siamsak \hin a sin. He tia hri len chhung leh mipui min khung chhunga miharsa te bul \anna tur hi sorkar hian a tifel tawh em le? tih hi ka zawhna a la ni reng. Sum duh vang lam ni lovin, mipui zawhna pawh a ni thei tho ta ve ang. March thla leh tun hun thleng hian MNF sorkar hian buhfai ni lovin, dal leh bekangsa ni hek lovin a sum ngeiin a pe thei dawn em tih hi sawi teh se. Thla a thar a, eng bill bill emaw pekna tur mamawhna a na. Aizawlah chuan eng bill pawh, eng in luah man pawh an free a ni thei. Keini lamah hetiang thawm riva kan hre ve lo. In luah man leh tui bill chu puk chawpin ka’n pek hnap kha. Pawisa a pek ngai chi eng bill pawh lo thleng se pek tur kan la nei vek ang em.
Serchhip Product
98621 30116
Mizoram leilungah hian ei leh bar tur a tharchhuah theih tih hi kan hretlang vek si a hetih mek lai hian leilung hmanga eizawnna hna hi ngaihsak erawh kan tlem hle. Mizoram leilung a\anga ei tur tharchhuak \hin chhungkaw tlemte an fakawm rual hian, leilung a\anga ei leh bar tharchhuah tum reng reng lo, heng : huan lo ram zau tak tak nei, enkawl si lova ram neih chauh duh te, mahni fanau chawmna tura ei tur tharchhuah tum reng reng lova political party hmuihmer chauh vir peih tak te, Mizoram kut hnathawka eizawng zinga ei tur tharchhuak tak tak duhte hnena \anpuina pe thei rengtu Agri leh Horti Department-te lah hi ram mipui tana beidawnna. Hetiang hi tuna Mizoram ei leh bar dinhmun a ni a. Ram dang tharchhuah a\anga ei leh bar lak luh hi kan tlin tawk, kan dinhmun dik tak chu a la ni e. Harh a hun hle.
PH FANAI
88370 56218
Covid-19 avanga sorkarin Lock down a neih chhunga in lama tawmte tan ei tur thlai sorkarin a buaipui hi a lawmawm hle. Mahse thlai zawrh tur lakkhawm sa tam tham tak hralh tlak loh, paih ngai a awm kha a pawi a ni. Keini, Chanmariah kan awm a, Zikhlum an rawn zuar dawn an tia, kan lo nghaka, mahse an zuar zo tawh tiin lei tur kan hmu ve ta si lo va, a hrilhhaithlak hle. Khawilaiah emaw felhlel chu a awm a ni. Pu Zonet, rualkhai deuha sem a va \ha ve. Zikhlum thar, la \ha tak takte kha TV a hmuh bak chu chan kan nei ve lo a nih hi maw.
Isaka Pu
94362 85218
Nimin, ni 2 (Ningani) zing ka thawh veleh DC hnen a curfew pass dilna Link-ah ka lut ve a, ka fapa entir turin dar 9:30 am – 2:30 pm tiin ka fill up a. Mahse chhanna ka hmu har si, kan tlai mai dawn si a, chuvangin Local Council Chairman hnenah kalin hriatpuina lehkha ka dil ta ngawt mai a. A fel khawp mai. Tichuan hmanhmawh takin damdawin inah chuan kan kal ta a, chhun 12:30-ah in kan thleng fel leh a, DC hnen a ka dilna chu chawhnu dar 3 dawnah ka dawng ve chauh a. Lo nghak ngar ngar ni ta ila damdawiinah kan inentir hman dawn lo chiang kher mai. Khawngaihin a chhan a zirin phalna hi darkar 3 chhung vel tal chuan inpek hman ni hram se, damdawiin kal ngai, emergency deuh pawh an lo la awm ve palh thei si a.
Pi Tei Makpa
80141 98500
Home Crusade a zo ta, a khawharthlak ngei mai. Zoram leh khawvel dang a\anga lo thlirtuten kan la kham lo tlang hle. Lockdown laia hetiang rawngbawlna nung tak mai chhim tur kan nei hi kan vannei thlawt a ni. Engtikah nge Bethel Ministry hian an chhunzawm leh theih ang aw? Nghakhlel takin kan lo thlir reng e. Pu Zonet, home crusade programe hi han buatsaih leh thuai thuai teh u.
Lalthana pa
96120 59262
Deputy Commissioner Office, Aizawl a\anga Curfew Pass dil theih hi a \ha hle mai. Mahse, emergency thilah hian ava manganthlak em. Thil serious tak takah lo chuan curfew pass hi indil chi pawh a ni lova, mangangin kan rawn tlulut ve tawp a nia sin. Chhanna nghakin ring kan fan kan fan a, beidawn hnu feah achhan inhriattirna mumal awm silova, “I pass dilna hi hnawl a ni” tih han dawn leh si phei chu a hrilhhaithlak tak zet. Pute u, hei aia mumal zawka kalpui dan hi awm thei se a va \ha em. 2/4/2020 pawh khan kan Doctor thiamte an beidawn si avangin damlo, thingtlang lama phurh hawn ngai kan ni a, tlai a\anga kan dilna kha a tuk chhun dar 12:30 velah a chhan, document kim lo leh dilna felfai lo lai sawi si lovin, “I dilna hi hnawl a ni” tih zawng mai chhanna kan dawng leh a, kan damlo phurh tur hi Cancer a nih avangin a chau hle bawk si a, rilru ava buai tak em. Mahni in luma an nih tur ang nih mai hi an duhsam a nih mek laia, pass kan hmu fel thei si lo hi mang a ang em mai a, thil tithei leh thuneituten in lo hriat ngei duhin Fakselna lamah ka rawn au chhuak rawih mai a ni e. Kan ram, kan hnam, mipui kan him tlan nana kan sorkar hmalakna te, ruahmanna zawng zawng hi a \ha em em vek a, mi rethei leh thingtlang mite manganna erawh min hriatthiampuiin hma la hram hram teh u.
Bawihpuia Pu
