Thudik sawi hi insawichhiatna a ni lo tih i hre thar leh ang u. Thil nihna dik tak tarlan leh puanzar hi insawichhiatna ni ta se Isua Krista pawh khan mi a lo va sawi chhe nasa awm ve. MNF leh Congress unaute khan indawn chiang lo a ni.
Ram veitu
———-
Pu Zonet, chanchin thar youtube-a in upload \hin hi a \ha ka tiin ka hlawkpui hle mai. Keini Lawngtlai lam chuan chanchin thar puan hunlai hian current kan nei \ha lo \hin hle a, chubakah signal a chhe hle \hin bawk a ni. Chuvangin chanchin thar, a hunlaia ngaithla ve thei lo tana ngaihthlak theih hi a hlu hle a, ramchhung leh ram pawn chanchin pawh hi han upload tel thei ula a lawmawm zual ang. Pu Zonet, heng chanchin thar zawh hian a zui \hintu pangngai FAKSELNA pawh hi han upload leh bawk ula chu duhthusam a ni e.
The Lawngtlai Chandmarian
———–
AMC inthlan dawna hahipa an sawi AMC Wifi mai mai pawh tihlawhtling thei lotu MNF-te bumin awm suh. SEDP nuai 3 maw? An sawi lai kha a hnaih lai ber a ni.
The Thinker
———–
Party campaigner-ten an candidate sawimawi nan Upa, Pastor, Speaker adt. an chhuang hi a lawmawm a, an chhuan ang ngei hian an mi chhuante hian nun tum hram teh se.
LK-a
———–
MNF Party te kum 12 Zoram siam\hat nan an sorkar tawh chung pawhin, “Aw tuna kan ram dinhmun hi dawn ve la, lung a awi nem maw?” tiin an la zai tluk tluk tho nia. Congress lah hian sem policy hmangin kutphah no chukin, “Kutphah mawi” an lo kurpui ve bawk. ZPM hian eng nge min thlen ve dawn? Mipuite hian fiah ve law law ila.
LB-a Pa
———–
Kum 2013 MLA inthlan result a lo chhuah khan tlin inring em em mai, MNF leh ZNP kha an Artelukawn \helh ta mai si kha a ni a. An zak lutuk leh an mite laka insawimawina tur dang hre si lo khan EVM an tichingpen tiin an rak ta vak mai a nih kha. Kha thil kha kan la hre reng awm e.
Tun \um inthlan turah pawh hian mi rilru nghet leh thle kawi ve mai mai lo te chuan Congress hian Mizoram Record siamin a term 3-na turin sorkarna an la leh ngei dawn niin CID report thar lam ber chuan a tarlang tlat mai.
Inthlan result a lo chhuah hunah inla lian ve nghal ringawt Duhoma leh Babutea sawi tur chu EVM rigging tih vel bak a ni leh tawp nang.
The Black Panther
———–
Tunhnaia Forest Department hnuaia UDC an lak dan hi eng nge ni ngai? A va awm ang lo ve. A tira advertisement an chhuahah UDC post 15 contract basis veka lak tur tiin an chhuah a, mahse written exam neih zawh vek hnu thla nga dawn ral hnuah mode of recruitment thlak lehin UDC regular post 10 leh UDC contract basis post 5-ah an tidanglam leh a. Hetianga exam pawh buatsaih \ha leh lova mode of recruitment thlak ringawt hi zawng a fair lo takzet a ni. REGULAR post atan hian exam buatsaih \ha leh rawh se.
DIKNA DUHA
————
|hangthar khawvel a ni e kan tih mek lai hian pawl pakhat MLA candidate-ho hi an va upa tawh deuh ve mawle? |hangthar nunphung hre pha tawh lo, mawng rit tak tak tawh tur an tlar hnem mah mah lo maw? Sorkar ta pawh nise an laka beisei tur tam vak bik tawh lote pawh an kat nuk lo maw? Ngaihtuah peihte tan.
8837489511
———-
Pu ZONET, ZPM dik lohna sawi hi a rem lo em ni? ZPM CM candidate hi BJP thawhpui hmasa ber a ni tih hi ka rawn tarlang ve duh a ni e..
7642929719
———-
Kan sorkar hrawn tawhte hi ngun takin ngaihtuah ang u. Kan zalenna hmang hlei thei lo khawp hian vote thlak lovang u. Kan ram, kan hnam hmalam hun thlir chungin HRUAITU thlang ang u. Thatchhiat min zirtirtu tur sum sem tum party-te hi an va hlauhawm em! Tin, eiruk pawisa lote hian an sim mai mai love. Fimkhur rawh, i inchhir leh ang e!
Ramveia
———–
Tunlai khawvelah hian tuai leh patil tam ta lutuk hi a van buaithlak ta ve. Thlan laihnaah te patil ho hian thlan an lai ve ngai bawk si lo. Kan fanute an ngaizawnga, kan han hriat chhuah meuh chuan a lo tlai fe tawh \hin. Khawlaiah an zurui an han au bengchhengin mi an va tibuai zing tawh tak em! Han khing dawn ila ‘awi ka nu’ a ni leh bawk si. An inti pa duh a nih chuan Mizo khawtlang nuna mipa mawhphurna chi hrang hrangte hi ti ve se a \ha viau lo maw Pu Zonet?
No. thup
———–
A lem ram, chhut mite chuan Mizoramah hian a mi cheng aia tam daih, a let 4 aia tlem lo hi piangthar an awm ngei tawh an ring a. Vawi 12 piangtharte leh a aia tam daihte pawh an awm nawk tawh miau avangin piangthar population chu a mihring tak awm zat ai hian a tam ngei tur a ni. Vawi khat mah Camping, Campaign, Crusade leh Bethel tih vela la kal miah lo hi chu kutzung\anga chhiar tham lek an nih ka ring, chu chu kan Zoram dinhmun chu a ni. Mizoramah chuan Kohhran hian kan nun a kaihruai nasa ber tih hi zep rual a ni lo. Mahse, Kohhran hruaitu zingah a dum chu a dum, a var chu a var tingam an tlem avangin kan heti zo ta a nih ber hi maw ka han ti ve leh ngawt a ni e.
RENTHLEI CABIN
———–
ZPM an sorkar chuan a buaithlak awm. A chhan chu PC-in an PC pui an duhsak anga, ZNP-in an ZNP pui an duhsak leh bawk anga, mipui sorkar chu a hnai lo mai. Val Upa Council inti, Pu Hawla ang deuh khan an naupuak hi hnawksak an tih hun a la nei dawn chiang khawp mai.
Fala pa, TPS
———–
Congress leh MNF Party ka duh tawh lohna chhan ber chu mipui sorkar siam lova Party sorkara an siam leh tlat \hin hi a ni.
Lala, Aizawl
————
