Zophaia Chawlhbuk leh bungrua chi hrang hrang Assam Police ten an tihchhiatte Mizoram sorkarin zangnadawmna a pek theih loh avanga lungawilohna lantira zirlai kawng zawhte rilru leh tih takzeta inlantir kha kan chhuang takzet che u. Inlungawilo tak tak a nih leh nih loh inthlan hunah kan la hria ang chu.
Fela pa, KK
—————
Ruihhlo avanga thi te, ruihhlo kan man khawmte TV lamah leh chanchinbu lamah te kan tilang chur chur a, zu avanga thi te, zu avanga natna tuar mek te kan tilang leh duh miah si lo hi thil mak tak a ni. A tak takah chuan ruihhlo ai hian zu kan zawrh luih tlat hian min hmet hlum hnem fe tawh zawk a ni. Heti chung hian Mizote hi kan la harh chhuak thei tlat lo mai hi kan hmelma pa setana hi a lawm ngawt ang.
L. Fanai
————-
Congress leh MNF insorkar chhawkna hnuaiah kan ram chuan inthlanpui \um 6, kum 30 chuang zet kan lo hmachhawn ta a, Zoram mipuite min tiam an Policy leh Manifesto ropui tak tak ang ngei khan Zoram hi min hruai sela chuan State hmasawn ber kan ni tawh tur hi a nia. Mahse, Mauruangi emaw kan tih kha Bingtaii a lo nih leh \hin avangin kan ram chu State pachhe ber kan lo ni ta. Kan hma lawk inthlanpuiah pawh hian pawisa sem Policy hmangin an rawn MAURUANGI leh dawn ta. Mipuite hianBINGTAII tho kha an ni tih hriain, mawngsawh dawm dawm lo ti ila. ZPM |angrual Pawl ngei hi Original MAURUANGI a ni tih hi i lo hria ang u.
Zoram Tlangau
————-
Tuipui ral hla tak a\anga Lalpa zawnchhuah ram, khawvel hmun tina Zohnahthlakten aw Zoram min nghilh bik suh an tih vawng vawng \hin, Zofate rama Assam Police ten Camp an sa ve ringawt mai hi chu kan Sakhuana avang pawh hian Palzam mai chi a ni lo. Zophaiah hian Zofate Chawlhbuk mai hi a tawk lo, ramri tluanin kan pipute ral ven \hinna, Zawlbuk dah khat veka kan ram mi ni lo, thil nung kal thei chi reng reng, Fanghmir a ni emaw, vaichhe lu bawk ngat phei chu hmuhphak loh chu sawi loh, an rim tak ngial pawh nam pha lo tura umchhuah a hun tawh mah mah a ni.
Tlabung Uitangrual & Zoram Sakei
—————
Zonet News puangtuten Vahpa an tih, mipa leh mipa Vahpa an ti fo mai leh thawnthu an lehlina Vahpa an ti fo hi Mizo \awng an hre lo em ni le? Tenawm hlawm.
9612880873
—————
Mi pakhat hian luiah aiawt a chiah a, aiawt bawm chhungah chuan chakai chaw duh zawng tak a dah sak a, chakai a han luh meuh chuan ka pu chuan min va han duhsakin min va han hmangaih tehreng em! Ka chaw duh zawng tak ka bawmah min lo dahsak a nih hi tiin a lawm hle a. Mahse, aiawt chiahtupa, a \henawmpa chuan aia i pu khan a duhsak vang che a ni lo, nangmah kha man a duh vang che leh a ei duh vang chein chaw chah \ha tak bawmah i luh duh nan a rawn dahsak che a ni zawk. Chuvang chuan i boralna tur leh i tlakchhiatna tur a ngaihtuah sak che a ni zawk tiin a lo hrilh hriatsak a ni zawk e tiin chakai chu a hrilh a. Aiawt chiahtupa rilru ang hian kan sorkar lo hrawn tawhten mipui lakah aiawt an rawn chiah ve anga, inbawm chhungah in chaw duh zawng chaw chah \ha tak an rawn chah ve leh ngei dawn a, chakai ang mai khan nangmahni tlak chhiatna tur leh boralna tur a ni ve zawk lo’ng maw? Inngaihtuah chian a hun hle ang.
MSA, Aizawl
————–
Kan politician ho hian \awngkam thar beiseiawm tak tak chher an thiam a, a tak ram erawh min thlenpui thiam lo \hin. Work more, talk less.
9436141804
————-
Lunglei District Mizo Idol audition round-a zaite inthiam hlawm hle mai. Idol ni turin duhsakna ka hlan a che u, ka \an viau che u. Judge te pawh infakawm thlawt, mi rilru na turin in comment duh lova, an phurna turin infak thiam bawk nen. Fak inphu takzet e.
DIKI PA, AIZAWL
————
Ka pu, sorkara innghat, a nghet lova i rawih i fa duh tak, nangmah rinchhan, hlawh thla 4 lai i pek loh te hian kan nupui fanaute chaw kan ngheipui thei mai dawn e. Hnaa kan kal chhuah ve reng a ngai si a, khawngaih takin min lo theh chhuah sak ve tawh la kan va ti tak em! I thil tih theihna kan nghak reng e i fate hian.
8794281207
————-
Aizawla House No. hi AMC hian siamfel se, a hun viau tawh lo maw? Local Council indang, YMA Branch indang an awm belh zel a, House number an siam thar zel a, in khata house number pathum intarte pawh an awm ta nawk mai. Khawpui \henkhata an siam angin veng bil te te ni lovin Aizawl hi block-a \hena, YMA leh Local Council indang an awm pawha buai ve lo turin AMC hian house number hi siam tawh zawk se hmasawnna a va ni mai dawn em.
LT Ralte
————–
MNF AMC chuan Congress AMC ai chuan mipui kea kalte min ngaihsak deuh a ni maw?
9774354495
———–
Zophaia Zofate Chawlhbuk sa tura intiam tute intiamna chu a thlawn leh ta maw? Ka rin dan reng a ni e. Kan \henawm State Assam-in heti khawpa ram an humhalh lai leh foreinger-te laka an ram mipuite an humhalh laiin keini ram hruaitute ve zawng mipui chu sawi loh, MZP-ten thisen chhuak hial khawp ram tana an thawhna chu engmah lovah an chan tir dawn ta mai em ni? Kan \halaite hian hma thar rawn la leh teh u. Nge sumin in ka an hup ta mai zawk em ni? Lalna chauh duh, ram hmangaih si lo Congress sorkar hi ram tichhetu chu an va ni chiang tak em! MZP leh MSU-te khan hma rawn la leh hram teh u. Zoram mipuite hi inhnungah kan ding reng e ZAM SUH U.
9862566388
————–
Pathianin mihring a siam hmain an mamawh siam nan ni nga ngawt a hmang khan mihring a ngaihhlutzia a tichiang hle. Politician hovin lei mai mai theiha min ngai leh keini pawhin lei theiha kan inngai a nih vaih chuan min siamtu Pathian zah lohna a ni ve ve. Ngaihtuah chiang \heuh ang u.
R. Nelsona, Mission veng
————-
